1 Pit 1:3 - Naaŋmen Nɔpaalaa Gane

³ Ka Naaŋmen, a te Daana Yeezu Kirista Saa, nyɛ puubu! A O nembaalonzoe naŋ e kpoŋ eŋɛ la ka ba leɛ dɔge te paalaa, ka te pãã taa teɛretɔroo naŋ e vore a Yeezu Kirista kũũ leɛ-iruu eŋɛ,

1 Pit 1:3 ပူးပေါင်းရင်းမြစ်များ

Gyɔɔn 1:13

ba dɔgebo da ba waa zẽẽ bee eŋgane dɔgebo, bee nensaala poboɔbo, kyɛ Naaŋmen dɔgebo da la.

Urom 12:12

Yɛ kyellɛ ne teɛretɔroo, a taa kannyiri yɛ dɔgɛɛ diibu poɔ, kyɛ kpimare puoro tegitegilɛ.

Urom 15:13

Ka a teɛretɔroo Naaŋmen paale yɛ ne popeɛloŋ ane emmaaroŋ a yɛ yeldeebo poɔ, ka ka yɛ na paale ne teɛretɔroo a Vooroŋ Soŋ kpeɛ̃õ eŋɛ.

Urom 4:25

Ona la ka ba ko a te yelbebe zuiŋ kyɛ ka ba e ka O leɛ-iri te sonnoŋ zuiŋ.

Urom 5:10

Ka teneŋ da naŋ waa dɔndɔnne kyɛ ka te ne Naaŋmen da leɛ maale taa yi a O Bidɔɔ kũũ eŋɛ, serɛzaa, te naŋ leɛ maale taa, te na nyɛ la faabo a O Bidɔɔ nyɔvore zuiŋ.

Urom 8:11

Ka a soba na Vooroŋ naŋ da e ka a Yeezu leɛ-iri a kuuni poɔ wa be yɛ poɔ, a soba na naŋ da e ka a Kirista leɛ-iri a kuuni poɔ na tu la a O Vooroŋ Soŋ meŋ naŋ be yɛ zie a ko yɛ enne naŋ na baŋ kpi nyɔvore.

Urom 8:24

Bonso, a teɛretɔroo poɔ la ka te nyɛ faabo. Pampana ŋa, teɛretɔroo ba naŋ maŋ nyɛ ne nimiri ba e teɛretɔroo. Bonso, aŋ la maŋ taa teɛretɔroo bon o naŋ nyɛ eŋɛ?

1 Kor 13:13

Azuiŋ, yeldeebo, teɛretɔroo ane nɔmmo la bebe. Kyɛ a ama ata poɔ, nɔmmo la a zaa poɔ kpoŋ soba.

1 Kor 15:20

Kyɛ serɛzaa, ba eɛɛ la ka a Kirista da leɛ-iri a kuuni poɔ. Ona la a kuuni poɔ leɛ-iruu dɛndɛŋ soba.

Korinti 1:3

Ka Naaŋmen, a te Daana Yeezu Kirista Saa, a nembaalonzoe Saa ane mooreteroo zaa Naaŋmen nyɛ puubu.

Galesiya 6:16

Kyɛ a banaŋ naŋ na tuuro a wuluu ŋa eŋ; ka maaroŋ ane nembaalonzoe be ba zie, kyɛ be a Naaŋmen noba Izerayɛl deme zie.

EFESU 1:17

N puoro la ka a te Daana Yeezu Kirista Naaŋmen, a puubu Saa, ko yɛ yɛŋ ane yɛlɛ iri wuluu seɛ ka yɛ na toɔ̃ baŋ O.

EFESU 1:3

Ka a Naaŋmen, a te Daana Yeezu Kirista Saa nyɛ puubu. O na la maale te a Kirista eŋɛ ne seeloŋ maaloo boorɔ zaa naŋ be a sazu paaloŋ poɔ,

EFESU 1:7

A O Poyɛŋ Bie zẽẽ zie la ka te tu nyɛ faabo, a nyɛ yelbebe sudi yi a O garaase-tɛɛtɛɛ naŋ ba poɔrɔ,

EFESU 2:4

Kyɛ Naaŋmen naŋ paale ne nembaalonzoe nɔŋ te la ne O nɔmmo naŋ waa kpoŋ.

EFESU 3:20

Pampana, a soba na kpeɛ̃õ naŋ tonɔ te poɔŋ taa la faŋ a na e yɛlɛ zaa a gaŋ bonna zaa te naŋ sɔrɔ bee a teɛrɛ.

KOLO 1:23

ka a naŋ wa e ka yɛ naŋ kyɛnɛ are la kpeɛŋaa kyɛ kpimare a yeldeebo, a ba wa tagra yire a teɛretɔroo na ba naŋ da eŋ noɔre ka yɛ woŋ yi a Ŋmen-yelnoore poɔ, a na ka ba da moɔle ko a bon-iri zaa naŋ be a teŋɛzu. Maa Pɔɔl wa leɛ la a Ŋmen-yelnoore ŋa tontonɔ.

KOLO 1:27

Bana la ka Naaŋmen da sage ka O e ka ba baŋ lɛ O puubu yelsɔglɔ bondaanoŋ naŋ da seŋ lɛ a Kirista naŋ be a Nemboore-yobo poɔ, a puubu teɛretɔroo.

I Tesa 1:3

a maŋ teɛrɛ a yɛ yeldeebo toma, a yɛ nɔmmo toma ane a kannyiri yɛ naŋ taa ne a teɛretɔroo a te Daana Yeezu Kirista eŋɛ a te Saa Naaŋmen niŋesogɔ.

I Tesa 4:13

Te yɔɔmine ane te yɔɔpuuli, te ba boɔrɔ ka yɛ be babammo poɔ a kyaare ne a banaŋ naŋ kpi yɛlɛ, ka yɛ ta wa taa posaanaa aŋa ba mine naŋ ba taa teɛretɔroo naŋ maŋ erɛ lɛ.

II Tesa 2:16

Pampana, ka a te Daana Yeezu Kirista meŋɛ ane a te Saa Naaŋmen, a Onaŋ naŋ nɔŋ te a tu garaaseɛ zie a ko te mooreteroo naŋ ba taa baaroo ane teɛretɔroo meŋɛ,

1 Tim 1:14

Kyɛ a te Daana garaaseɛ da paale ma la ne yeldeebo ane nɔmmo naŋ be a Kirista Yeezu eŋɛ.

TITU 2:13

kyɛ ka te naŋ kyɛllɛ a maaloo bebiri te naŋ taa teɛretɔroo kyaare ne ane a te Naaŋmen kpoŋ ane a te Faara Yeezu Kirista puubu naŋ na wa sãã.

Hiburu 3:6

Kyɛ Kirista naŋ waa a Naaŋmen bidɔɔ, O da taa la yelmennoŋ a Naaŋmen yiri zaa zu. Tenee la a O yiri, ka teneŋ wa nyɔge a te bambaare taa kpeɛŋaa ane a pɔloo naŋ kyaare ne teɛretɔroo.

Gyimisi 1:18

Naaŋmen naŋ da boɔrɔ ka O tu a O meŋɛ poboɔbo ka a ta zuiŋ, O da dɔge te la ne a O yelmeŋɛ yelbiri, ka ka te na waa a dɛndɛŋ noba a O bon-iri poɔ.

1 Pit 1:13

Azuiŋ, yɛ nare yɛ teɛroŋ gu ka yɛ toŋ toma. Yɛ baŋ yɛmenne taabo; a de yɛ teɛretɔroo zaa eŋ a garaaseɛ na a Yeezu Kirista naŋ na wa ko yɛ ka O naŋ wa wa.

1 Pit 1:21

A Kirista zie la ka yɛ tu a wa sage de a Naaŋmen yɛlɛ; Ona la e ka a Yeezu leɛ-iri yi a kũũ poɔ, a ko O puubu, ka ka yɛ yeldeebo ane teɛretɔroo na be Naaŋmen eŋɛ.

1 Pit 1:23

Ba leɛ dɔge yɛ la paalaa ne a Naaŋmen yelbi-vore naŋ bebe tegitegilɛ ka a ba e dɔgrebɔ naŋ na kpi la dɔge yɛ kyɛ dɔgrebɔ naŋ koŋ baŋ kpi la dɔge yɛ.

1 Pit 2:2

Yɛ maŋ boɔrɔ a Naaŋmen yelbiri berekoɔ̃ aŋa bilɛɛre ka ka yɛ na nyu a baa, a kpɛ faabo poɔ,

1 Pit 3:15

kyɛ yɛ eŋnɛ a Kirista, a yɛ Daana, yɛ sukyie pooreŋ. Yɛ nare tegitegilɛ ka yɛ manne ko neɛ na zaa naŋ wa soore yɛ yeli kyaare ne a teɛretɔroo yɛ naŋ taa,

1 Pit 3:21

A koɔ̃ ŋa da e la yelmannaa naŋ are ko suobu deebo naŋ maŋ faa yɛ pampana. A ba e ŋa eŋgane dɛgre sobaroo la, kyɛ a noɔre yɛ naŋ eŋ ko Naaŋmen ne teɛroŋ velaa a Yeezu Kirista kũũ leɛ-iruu eŋɛ la.

1 Pit 3:5

A ŋaa la ka a dakoroŋ saŋ pɔgsonne naŋ da de ba teɛretɔroo eŋ Naaŋmen eŋɛ da maŋ vɛŋ ka ba veɛloŋ waa. Ba da maŋ sigre la bamenne korɔ ba serebɛ.

1 Gyn 2:29

Ka yɛnee baŋ ka a Kirista e la nemmeŋɛ, yɛ sereŋ na baŋ ka neɛzaa naŋ erɛ yɛlɛ ka a tori e la Naaŋmen bidɔgraa.

1 Gyn 3:3

Banaŋ zaa naŋ taa a teɛretɔroo ŋa a Kirista poɔ maŋ pɛge la bamenne, aŋa O naŋ pɛge yi lɛ.

1 Gyn 3:9

Banaŋ Naaŋmen naŋ dɔge ba erɛ yelbebe, bonso, Naaŋmen be la ba poɔ ka ba koŋ baŋ e yelbieri, bonso, Naaŋmen la dɔge ba.

1 Gyn 4:7

N poyɛŋ noba, yɛ e ka te nɔnɔ taa, bonso, nɔmmo yi la Naaŋmen zie. Neɛzaa naŋ taa nɔmmo, waa la neɛ Naaŋmen naŋ dɔge, ka o baŋ Naaŋmen.

1 Gyn 5:1

Neɛzaa naŋ sage de ka Yeezu la a Kirista waa la neɛ Naaŋmen naŋ dɔge. Neɛzaa naŋ nɔŋ a bidɔgrɔ maŋ nɔŋ la a bie meŋ.

1 Gyn 5:18

Te baŋɛɛ la ka banaŋ Naaŋmen naŋ dɔge ba erɛ yelbieri, kyɛ a soba na Naaŋmen naŋ dɔge maŋ gu ba la taa ka a faaloŋ soba koŋ seene ba.

1 Gyn 5:4

bonso, Naaŋmen naŋ dɔge neɛzaa maŋ zɔɔtoɔ̃ la a andonɛɛ. Kyɛ a kpeɛ̃õ na naŋ zɔɔtoɔ̃ a andonɛɛ la a te yeldeebo.