1 Pit 1:20 - Naaŋmen Nɔpaalaa Gane

²⁰ Ba da kaa-iri O la kyɛ ka a tendaa wa bebe, kyɛ pãã e ka O sãã a bebi-baare saŋ yɛ zuiŋ.

1 Pit 1:20 ပူးပေါင်းရင်းမြစ်များ

Matio Gane 25:34

A naa pãã na yeli ko la banaŋ naŋ be o nuduluŋ seŋ, ‘Yɛ wa, yɛnee N Saa naŋ maale, yɛ wa di a naaloŋ gbandiruŋ ba naŋ nare bare yɛ, a yi a tendaa piiluu saŋ.

Toma 2:23

A Yeezu ŋa la ka ba da de tere a seŋ a Naaŋmen naŋ da daŋ baŋ kyɛ nare biŋ. Ona la ka yɛ e ka a yɛ nenfaare a kpa dagaraa zu a ko.

Urom 3:25

Ona la ka Naaŋmen iri tere ka ba maale ne bagre ka O zẽẽ yɔɔ yelbebe sane ko a banaŋ naŋ taa yeldeebo. A Naaŋmen da e la a lɛ ka O wuli O mennoŋ, bonso, a O Naaŋmennoŋ kannyiri zuiŋ la ka O da di suuri ko nensaalba yelbebe zaa ba naŋ da e;

Urom 8:29

Bonso, a banaŋ O naŋ da daŋ baŋ, bana la ka O da daŋ nare bare ka ba na taa a O Bidɔɔ waaloŋ, ka ka O na toɔ̃ e a bidɛndɛŋ a yideme naŋ waa yaga poɔ.

Galesiya 4:4

Kyɛ a saŋ naŋ da wa ta, Naaŋmen da toŋ la O Bidɔɔ, ka pɔge dɔge O, a dɔge O a bege puliŋ,

EFESU 1:10

O narɛɛ la ka ka a saŋ wa ta, O na de la boma zaa naŋ be O poɔ lantaa, boma naŋ be sazu ane boma naŋ be a teŋɛzu.

EFESU 1:4

aŋa lɛ O naŋ da kaa-iri te a Kirista eŋɛ kyɛ ka a tendaa wa piili, a e ka te waa nensonne naŋ koŋ taa saanaa zaa kyɛ be O niŋesogɔ nɔmmo poɔ.

EFESU 3:11

A ŋaa da eɛɛ la a seŋ a O poteɛroŋ naŋ ba taa baaroo O naŋ da tu a te Daana Kirista Yeezu zie a e.

EFESU 3:9

kyɛ e ka neɛzaa nyɛ a yelsɔgle ba naŋ nare biŋ ka a sɔgle yuomo naŋ tɔle a Naaŋmen poɔ. A Naaŋmen la iri boma zaa

KOLO 1:26

a yelsɔglaa ŋa ba naŋ da sɔgle yuomo ane nemboore parɛɛ naŋ tɔle gaa kyɛ ka ba iri a wuli a nensonne pampana.

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

Hiburu 1:2

Kyɛ a bebi-baare ŋa poɔ, O tu la O Bidɔɔ zie a yeli yɛlɛ ko te. Ona la ka O iri ka O e a boma zaa gbandire. O zie meŋ la ka O tu kyɛ iri a boma zaa.

Hiburu 2:14

A naŋ waa ka a bibiiri laŋ la nensaala waaloŋ, lɛ la ka a Yeezu meŋ da e nensaala ka ka a O kũũ poɔ, ka O na sãã a soba na naŋ taa a kũũ kpeɛ̃õ, ona la a sebɛlbɛllɛ,

Hiburu 9:26

Bonso, ka a naŋ da waa lɛ, a da na seŋ ka O woŋ tuo gbɛɛ yaga a yi a teŋɛ piiluu saŋ zaa. Kyɛ lɛ a naŋ waa, O wa la dayeni yoŋ a bebi-baare saŋ ka O de O meŋɛ maale bagre ka a te yelbebe nyɛ sudi.

1 Pit 1:2

A Saa Naaŋmen la kaa-iri yɛ a seŋ O naŋ nare biŋ kyɛ maale yɛ ne a Vooroŋ Soŋ ka yɛ waa soŋ a sagra a Yeezu Kirista yɛlɛ, ka ba mere yɛ ne a O zẽẽ: Ka a Naaŋmen garaaseɛ ane maaroŋ be yɛ zie yaga lɛ.

1 Gyn 1:2

A nyɔvore ŋa da sããɛ la ka te da nyɛ O, a di O danseɛ, kyɛ manne a nyɔvore naŋ ba taa baaraa naŋ da be a Saa zie yɛlɛ ko yɛ. Ona la ka ba iri wuli te.

1 Gyn 3:5

Yɛ baŋ ka O da waɛ la ka O wa de yelbebe bare, ka yelbieri zaa ba kye O poɔ.

1 Gyn 3:8

Neɛzaa naŋ erɛ yelbebe e la a sebɛlbɛllɛ bie, bonso, a sebɛlbɛllɛ la erɛ yelbebe a yi a piiluu saŋ. A yeli ŋa zuiŋ la ka a Naaŋmen Bie wa, ka O wa sãã a sebɛlbɛllɛ toma bare.

Yel-iriwulaa Gane 13:8

ka a noba zaa naŋ be a teŋɛzu na puoro o, neɛzaa yuori ba naŋ da ba sɛge eŋ a Pilee ba naŋ da ko nyɔvore gane poɔ a yi a tendaa piiluu saŋ.