1 Pit 1:19 - Naaŋmen Nɔpaalaa Gane

¹⁹ kyɛ a Kirista zẽẽ naŋ taa yuori la ka ba de faa ne yɛ; aŋa pilee naŋ ba taa faaloŋ bee saanaa zaa.

1 Pit 1:19 ပူးပေါင်းရင်းမြစ်များ

Matio Gane 20:28

a ŋa lɛ a Nensaala Bie naŋ ba wa ka noba toŋ ko O, kyɛ O waɛ la ka O toŋ ko noba; a kyɛ de O nyɔvore yɔɔ de ne neŋyaga.”

Matio Gane 26:28

a N nɔpaalaa zẽẽ la ama, a na kyiri yaare la neŋyaga zuiŋ ka ba yelbebe nyɛ sudi.

Gyɔɔn 1:29

A nyaazie daare, Gyɔɔn da nyɛ la a Yeezu ka O waana o zie, ka o da yeli, “Yɛ nyɛ a Naaŋmen Pilee. Ona la na peere a andonɛɛ yelbieri bare!

Gyɔɔn 1:36

kyɛ nyɛ Yeezu ka O wa tɔlɔ, ka a Gyɔɔn kyaare yeli, “Yɛ nyɛ, a Naaŋmen Pilee la kyɛ!”

Toma 20:28

Yɛ kaara yɛmenne zie ane a peere zaa a Vooroŋ Soŋ naŋ e ka yɛ kaara a zu, yɛ kaara a Naaŋmen puoruu laŋne deme velaa. Bana la ka O faa ne O meŋɛ Bidɔɔ zẽẽ.

Urom 3:25

Ona la ka Naaŋmen iri tere ka ba maale ne bagre ka O zẽẽ yɔɔ yelbebe sane ko a banaŋ naŋ taa yeldeebo. A Naaŋmen da e la a lɛ ka O wuli O mennoŋ, bonso, a O Naaŋmennoŋ kannyiri zuiŋ la ka O da di suuri ko nensaalba yelbebe zaa ba naŋ da e;

EFESU 1:7

A O Poyɛŋ Bie zẽẽ zie la ka te tu nyɛ faabo, a nyɛ yelbebe sudi yi a O garaase-tɛɛtɛɛ naŋ ba poɔrɔ,

KOLO 1:14

O eŋɛŋ la ka te nyɛ faabo ane yelbebe sudi.

1 Pit 1:2

A Saa Naaŋmen la kaa-iri yɛ a seŋ O naŋ nare biŋ kyɛ maale yɛ ne a Vooroŋ Soŋ ka yɛ waa soŋ a sagra a Yeezu Kirista yɛlɛ, ka ba mere yɛ ne a O zẽẽ: Ka a Naaŋmen garaaseɛ ane maaroŋ be yɛ zie yaga lɛ.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Gyn 1:7

Kyɛ ka teneŋ wa kyɛnɛ a kyaane poɔ aŋa lɛ Naaŋmen meŋɛ naŋ be a kyaane poɔ, te taa la laŋne ne taa, ka a O Bie Yeezu zẽẽ pɛge a te yelbebe zaa bare.

1 Gyn 2:2

Ona la de O nyɔvore maale a te yelbebe sudi bagre, a te yoŋ yelbebe sudi naane kyɛ a tendaa noba zaa yelbebe sudi eŋɛ la.

Yel-iriwulaa Gane 1:5

Ka a Yeezu Kirista, a yelmeŋɛ dansedire, a bidɛndɛŋ naŋ leɛ-iri yi a kũũ poɔ a kyɛ di naaloŋ a tendaa namine zaa zu ko yɛ garaaseɛ ane maaroŋ. Ka a Onaŋ naŋ nɔnɔ te a kyɛ faa te yi a te yelbebe poɔ ne a O zẽẽ,

Yel-iriwulaa Gane 14:1

N pãã da kaaɛ la a da nyɛ a Pilee ka O are a Zaayɔn Taŋzu! Ka noba turi lezaapoi ne turi anaare ba naŋ da sɛge a Pilee yuori ane a O Saa yuori eŋ a ba gberi eŋɛ da be O zie.

Yel-iriwulaa Gane 14:5

ka zirii zaa daŋ ba yi ba nɔɛ poore; ba ba taa saanaa zaa.

Yel-iriwulaa Gane 5:6

Lɛ la ka N da nyɛ a Pilee ka o are a nakogi ane a bonvoba anaare ane a nembɛrɛ sogɔŋ, a da waa ŋa ba naŋ ko, ka O da taa eelɛ ayopoĩ ane nimie ayopoĩ naŋ waa a Naaŋmen seere ayopoĩ ba naŋ da toŋ a tendaa ziiri zaa.

Yel-iriwulaa Gane 5:9

Ba da yiele la yieluŋ paalaa: “Fo seŋɛɛ la ka fo de a gane a lagre a suni bare, bonso, ba da ko fo la, kyɛ ka fo da de fo zẽẽ yɔɔ de ne nensonne naŋ yi a bale zaa poɔ ane kɔkɔɛ zaa poɔ ane nemboorɔ zaa poɔ ane tenne zaa poore ko Naaŋmen.

Yel-iriwulaa Gane 7:14

Ka N da yeli sɔge o, “Neŋkpoŋ, fõõ la a soba na naŋ baŋ.” Lɛ la ka o da yeli ko ma, “A bama la a noba na naŋ yi a dɔgroŋ kpoŋ na poɔ; ba pɛge la a ba kparre a Pilee zẽẽ poɔ a e ka a e pelaa.