1 Pit 1:18 - Naaŋmen Nɔpaalaa Gane

¹⁸ Yɛ baŋ ka ba faa yɛ la yi yelfoglo yɛ naŋ taa yi a yɛ sããkommine zie ne daaroŋ naŋ ba waa boma naŋ na baŋ wɛ aŋa salema bee salem-pelaa,

1 Pit 1:18 ပူးပေါင်းရင်းမြစ်များ

Marko Gane 8:37

Serɛzaa, boŋ ka neɛ na baŋ de leɛre ne o nyɔvore?

Urom 1:21

aneazaa ka ba da baŋ la Naaŋmen kyɛ ba da ba eŋnɛ O aŋa Naaŋmen bee a puori O bareka, kyɛ ba da leɛ taa la teɛroŋ laama, ka a ba dambol-yɛŋ da leɛ ligi.

1 Kor 3:20

kyɛ la maaleŋ sɛge: “A Daana baŋ la a yɛndeme poteɛrɛ, a baŋ ka a waa la weɛlɛ.”

1 Kor 6:20

Ba da yɛ la ne daaroŋ naŋ ba wono, azuiŋ yɛ de a yɛ enne danna ne Naaŋmen.

1 Kor 7:23

Ba da da yɛ la ne daaroŋ naŋ ba wono; yɛ ta la leɛ nensaalba gbaŋgbaare.

Galesiya 1:4

A Yeezu Kirista la de O meŋɛ tere te yelbebe zuiŋ, ka O faa te yi a zenɛ bebiri faaloŋ poɔ, a seŋ a te Saa Naaŋmen naŋ boɔrɔ lɛ.

EFESU 4:17

Pampana, N dire la a yeli ŋa danseɛ, kyɛ kpaala yɛ a Daana eŋɛ: yɛ ta la erɛ yɛlɛ aŋa a Nemboore-yobo naŋ maŋ erɛ lɛ a ba teɛroŋ weere poɔ.

TITU 2:14

Ona la da de O meŋɛ tere ka O faa te yi yelbebe zaa poɔ kyɛ peere te ka te yi fanana a waa O meŋɛ noba naŋ kyerɛ ne tonsonne tommo.

Hiburu 9:12

a kpɛ a Zisoŋ Zie dayeni yoŋ. O da ba de boore ane naabilii zẽẽ kpɛ ne, kyɛ O meŋɛ zẽẽ la ka O da de kpɛ ne, a pãã nyɛ nyɔvore naŋ ba taa baaroo faabo.

1 Pit 1:7

A dɔgɛɛ ŋa la na tegre a yɛ yeldeebo nyɛ ka o waa la meŋɛ aŋa salema ba naŋ eŋ vũũ poɔ ka o soli, kyɛ a yɛ yeldeebo waa la bon naŋ taa yuori gaŋ salema naŋ waa bon naŋ maŋ wɛ. A yɛ yeldeebo ba naŋ tegre ka o waa meŋɛ la na tere dannoo, puubu ane emmo ka a Yeezu wa leɛ de O meŋɛ wuli.

1 Pit 4:3

Yɛ daŋ de la vuo yaga ka a seŋ, a erɛ ne lɛ a Nemboore-yobo naŋ maŋ nɔŋ ka ba erɛ, a be nemboŋyɛlɛ, vɔlfaare, dããnyukuoli, bondi-yɛlɛ ane tolomala, ane tebɛ maaloo poɔ.

1 Gyn 3:5

Yɛ baŋ ka O da waɛ la ka O wa de yelbebe bare, ka yelbieri zaa ba kye O poɔ.