1 Pit 1:17 - Naaŋmen Nɔpaalaa Gane

¹⁷ Ka yɛneŋ wa boɔlɔ a soba na naŋ maŋ di noba zaa yel-erre sɛrɛɛ, a ba erɛ nɔnne ka yɛ Saa, yɛ taa Naaŋmen dabeɛ̃ zoobu ane emmo a saŋ yɛ naŋ waa saama a teŋɛzu.

1 Pit 1:17 ပူးပေါင်းရင်းမြစ်များ

Matio Gane 16:27

“A Nensaala Bie ne O malekere na wa la a O Saa veɛloŋ poɔ. A pãã wa ko neɛzaa san-yɔɔ a seŋ lɛ o naŋ toŋ.

Matio Gane 22:16

Azuiŋ, ba da toŋ la ba potuuribo ane Hɛrɔde noba mine a Yeezu zie a yele, “Wulwullo, te baŋ ka fo waa la nemmeŋɛ, a wullo a Naaŋmen sori ne yelmeŋɛ, a ba zoro neɛ kanzaa bonso, fo ba ogro.

Matio Gane 6:9

“Azuiŋ yɛ maŋ puori ŋaa: Te Saa naŋ be tenvelaa poɔ, ka fo yuori waa soŋ,

Urom 11:20

A lɛ waa la yelmeŋɛ. Ba da kɔɔre a la bare, ba naŋ da ba sage de zuiŋ, kyɛ yɛnee are la yeldeebo yoŋ zuiŋ. Azuiŋ yɛ ta wullo yɛmenne, kyɛ yɛ taa Naaŋmen dabeɛ̃ zoobu.

Korinti 1:2

Ka garaaseɛ ane maaroŋ naŋ yi te Saa Naaŋmen ane te Daana Yeezu Kirista zie be yɛ zie.

Korinti 5:6

Lɛnso te ba bonnɔ togitogi zaa. Aneazaa ka te baŋ ka ka tenee wa kpeɛrɛ a eŋɛŋ, te waa la tɔɔre ne a Daana,

Korinti 7:1

N poyɛŋ noba, a nɔɛ ama ba naŋ eŋ ko te zuiŋ, yɛ e ka te peere te enne ane te seere dɛgre zaa bare, a e ka sonnoŋ tori a Naaŋmen dabeɛ̃ zoobu poɔ.

Korinti 7:11

Yɛ nyɛ a nimizeɛ na posaanaa naŋ tu Naaŋmen sori naŋ wa ne yɛ zie. O eɛɛ la ka yɛ taa nimizeɛ a sɔrɔ suuri diteroo a yi suuri ane dabeɛ̃ poɔ. O eɛɛ la ka yɛ nɔnɔ ka yɛ nyɛ ma, ka a yɛ enne kyerɛ ka yɛ nyɛ mennoŋ ka o bebe! Yɛ wulee la ka yɛ ba taa saanaa zaa a yɛlɛ ama poɔ.

Galesiya 2:6

Kyɛ a banaŋ ba naŋ da de ka ba waa wederebɛ (kyɛ bon ba naŋ waa ba taa tɛgraa zaa ko ma; Naaŋmen ba erɛ nɔmboore); a wederebɛ bama da ba soŋ ma ne bonzaa.

EFESU 1:17

N puoro la ka a te Daana Yeezu Kirista Naaŋmen, a puubu Saa, ko yɛ yɛŋ ane yɛlɛ iri wuluu seɛ ka yɛ na toɔ̃ baŋ O.

EFESU 3:14

A ŋaa zuiŋ, N gbi la dumo a Saa niŋesogɔ,

EFESU 6:9

Yɛ banaŋ meŋ naŋ so a gbaŋgbaare, yɛ erɛ a lɛ ne o zu korɔ a gbaŋgbaare. Yɛ ta maŋ toɔrɔ dabeɛ̃ ennɛ ba, bonso, yɛ baŋ ka yɛ zaa taa la Daana yeni naŋ be tenvelaa poɔ naŋ ba erɛ nɔnne.

Filipai Deme Gane 2:12

Azuiŋ n poyɛŋ noba, aŋa lɛ yɛ naŋ maŋ sagra n noɔre tegitegilɛ, ka a ba e ka a saŋ N naŋ maŋ be yɛ zie yoŋ la, kyɛ a gaŋ a zaa, saŋ na N naŋ ba maŋ wa be yɛ zie, yɛ tonɔ a yɛ faabo toma ane Naaŋmen emmo dabeɛ̃ ane miimu;

KOLO 3:25

Bonso, ba na yɔɔ la a yelfa-erebɛ seŋ lɛ ba naŋ e a yelfaare seŋ, ka nɔmboore zaa koŋ kyebe.

Hiburu 12:28

Azuiŋ, te naŋ pãã na nyɛ naaloŋ ba naŋ kontoɔ̃ zɛŋ zuiŋ, yɛ e ka te puori Naaŋmen ameseɛrɛ ane puoruu naŋ seŋ ne ane emmo ane dabeɛ̃.

Hiburu 4:1

Azuiŋ, a Naaŋmen pɛnnoo poɔ kpeɛbo noɔre O naŋ da eŋ naŋ naŋ kyɛnɛ bebe, yɛ vɛŋ ka te gu temenne velaa ka te kanzaa ta wa kɔŋ o kpeɛbo.

1 Pit 2:11

N poyɛŋ noba, N sɔrɔ yɛ la aŋa yɛ naŋ waa nɔɔre ane noba ba naŋ digi bare ka yɛ be teŋyuo poɔ, yɛ bare a eŋgane vɔlfaare naŋ zɔɔrɔ ne yɛ seere.

1 Pit 3:15

kyɛ yɛ eŋnɛ a Kirista, a yɛ Daana, yɛ sukyie pooreŋ. Yɛ nare tegitegilɛ ka yɛ manne ko neɛ na zaa naŋ wa soore yɛ yeli kyaare ne a teɛretɔroo yɛ naŋ taa,