1 Pit 1:15 - Naaŋmen Nɔpaalaa Gane

¹⁵ Kyɛ aŋa lɛ a soba na naŋ boɔle yɛ naŋ waa soŋ, yɛ meŋ waa soŋ yɛ yel-erre zaa poɔ.

1 Pit 1:15 ပူးပေါင်းရင်းမြစ်များ

Matio Gane 5:48

Azuiŋ yɛ e noba naŋ tori aŋa a yɛ Saa naŋ be tenvelaa poɔ naŋ tori lɛ.”

Urom 9:24

a laŋ ne te meŋ O naŋ da boɔle, a ba e a Gyuumine yoŋ poɔ kyɛ a Nemboore-yobo meŋ poɔ.

Korinti 7:1

N poyɛŋ noba, a nɔɛ ama ba naŋ eŋ ko te zuiŋ, yɛ e ka te peere te enne ane te seere dɛgre zaa bare, a e ka sonnoŋ tori a Naaŋmen dabeɛ̃ zoobu poɔ.

Filipai Deme Gane 1:27

Yeli yoŋ naŋ ferɛ la ka yɛ taa a yɛ nyɔvoɛ ka a seŋ ne lɛ a Kirista yelnoore naŋ wullo, ka maa wa nyɛ yɛ bee ka maa ba wa, kyɛ woŋ yɛ yɛlɛ, N na baŋ ka yɛ are la kpeɛŋaa ne noɔre yeni, a laŋ moɔrɔ ne teɛroŋ yeni a kyaare ne a Ŋmen-yelnoore yeldeebo,

Filipai Deme Gane 3:14

N erɛ la aneɛ a gɛrɛ niŋe ka N ta a taabo zie a nyɛ a tenvelaa kyɔɔtaare na eŋɛ Naaŋmen naŋ boɔle ma eŋ a Kirista Yeezu eŋɛ.

Filipai Deme Gane 3:20

Kyɛ tenee e la a tenvelaa biiri, a be la ka te kyɛllɛ a Faara, a Daana Yeezu Kirista ka O yi be leɛ wa.

I Tesa 2:12

Te da kpaala yɛ la kyɛ yele yɛlɛ teɛrɛ yɛ, a sɔrɔ ka yɛ taa a yɛ nyɔvoɛ ka a seŋ ne a Naaŋmen naŋ boɔrɔ lɛ. Ona la boɔle yɛ eŋ a O meŋɛ naaloŋ ane a O puubu poɔ.

1 Tim 4:12

Ta vɛŋ ka neɛzaa taa kaabanyɛ ne fo naŋ waa baapaalaa zuiŋ, kyɛ waa neɛ a yelderebɛ naŋ na tɔglɔ, fo yɛlɛ yeluu poɔ, fo eroŋ poɔ, fo nɔmmo poɔ, fo yeldeebo ane fo sonnoŋ poɔ.

2 Tim 1:9

Ona la da faa te kyɛ boɔle te ne boɔlaa naŋ e soŋ, a ba e a te toma zuiŋ kyɛ O meŋɛ poboɔbo ane O garaaseɛ zuiŋ la. O da ko te la a garaaseɛ ŋa a Kirista Yeezu eŋɛ kyɛ ka a tendaa wa bebe.

TITU 3:14

Vɛŋ ka a noba zanne ka ba kpimare tonsonne tommo, a maŋ toɔ̃ soŋ a banaŋ a naŋ wono ka ka ba ta wa e noba naŋ ba taa tɔnɔ.

TITU 3:8

A yeluu ŋa e la yelmeŋɛ. N boɔrɔ la ka fo maaleŋ yele a yɛlɛ ama, ka a banaŋ naŋ wa sage de a Naaŋmen yɛlɛ e noba naŋ na kpimare tonsonne tommo eŋɛ. A yɛlɛ ama veɛlɛ la kyɛ taa tɔnɔ ko neɛzaa.

Hiburu 12:14

Yɛ eŋ faŋ a boɔrɔ ka maaroŋ be yɛ ne noba zaa zie ane a sonnoŋ na neɛ naŋ ba taa o, kontoɔ̃ nyɛ a Daana.

Hiburu 13:5

Yɛ gu yɛmenne yi libi-nɔŋ eŋɛ, kyɛ vɛŋ ka yɛ niŋe paale ne bon yɛ naŋ taa, bonso, Naaŋmen yelee la, “N daŋ koŋ bare yɛ zaa bee a gyɛ yɛ bare.”

Gyimisi 3:13

Aŋ la taa yɛŋ kyɛ baŋ yɛlɛ tɛgɛ yɛ poɔ? A soba o tu a o yelveɛle zie a wuli ka o tonɔ la a o tonveɛle ne Sigruumilluu ne yɛŋ.

1 Pit 2:12

Yɛ kaara yɛ yel-erre velaa a Nemboore-yobo poɔ, ka ba naŋ wa yele ka yɛ waa la yelfa-erebɛ, ka ba nyɛ a yɛ yelveɛle a de dannoo ko Naaŋmen ka O naŋ wa wa ka O di sɛrɛɛ.

1 Pit 2:9

Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.

1 Pit 3:16

kyɛ yɛ maŋ manne a yɛlɛ ne sumaaroŋ ane emmo. Yɛ taa teɛroŋ sonne ka ka ba naŋ wa toorɔ yɛ, ka vi kpɛ a banaŋ naŋ erɛ yɛ faa a yɛ yelveɛle yɛ naŋ erɛ a Kirista zuiŋ.

1 Pit 5:10

Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.

1 Gyn 3:3

Banaŋ zaa naŋ taa a teɛretɔroo ŋa a Kirista poɔ maŋ pɛge la bamenne, aŋa O naŋ pɛge yi lɛ.

Yel-iriwulaa Gane 3:7

“Sɛge ko a puoruu laŋne maleke naŋ be a Filadɛlfiya teŋɛ poɔ: A nensoŋ na, a yelmeŋɛ soba na yelbie la ama, a onaŋ naŋ taa a Davil naaloŋ saafebiri, ona la maŋ yuo, ka neɛzaa koŋ pɔge, a maŋ pɔge ka neɛzaa kyebe na yuo:

Yel-iriwulaa Gane 4:8

A bonvoba anaare kanzaa maŋ taa la begɛ ayoɔbo, a taa nimie gyeere a lamboe zaa ane a pooreŋ meŋ. Ŋmenaa ane tensogɔ ka a maŋ yiele tegitegilɛ, a yele, “Soŋ, soŋ, soŋ, la a Daana Naaŋmen, a Kpeɛ̃õ Zaa Soba, Ona la da bebe, Ona la bebe, Ona la na wa.”

Yel-iriwulaa Gane 6:10

Ba da kyeerɛ ne la kɔkɔkpeɛne a yele, “Boma Zaa Daana, soŋ ane yelmeŋɛ soba, a na kɔɔre seŋ la wola kyɛ ka fo di a teŋɛzu noba sɛrɛɛ, a yɔɔ a banaŋ naŋ da kyiri te zẽẽ sane?”