1 Pit 1:12 - Naaŋmen Nɔpaalaa Gane

¹² Ba da iri wuli la a Ŋmen-yelmanneba ka bamenne naane ka ba da tonɔ terɛ kyɛ yɛnee la ka ba da tonɔ terɛ a kyaare ne a yɛlɛ ba naŋ moɔle ko yɛ pampana. Ba da tu la a banaŋ naŋ da taa a yelnoore wa ne yɛ zie a yi a Vooroŋ Soŋ ba naŋ da toŋ ka o yi tenvelaa wa. A malekere da taa la vɔlaa ka ba nyɛ a yɛlɛ ama.

1 Pit 1:12 ပူးပေါင်းရင်းမြစ်များ

Matio Gane 11:25

A saŋ na, Yeezu da yelee la, “N Saa, sazu ane teŋɛ Daana, N puoro fo la bareka, ne fo naŋ sɔgle a yɛlɛ ama a yɛndeme ane bambaŋnema zie kyɛ iri a wuli bilɛɛre;

Matio Gane 11:27

A N Saa de la a boma zaa ko ma. Neɛzaa ba baŋ a Bidɔɔ, ka a Saa yoŋ naane, ka neɛzaa meŋ ba baŋ a Saa ka a Bidɔɔ yoŋ naane, ane banaŋ yoŋ a Bidɔɔ naŋ boɔrɔ ka O wuli ba a Saa.”

Matio Gane 16:17

Ka Yeezu yeli ko o, “Fo nyɛ la maaloo, Saamon, Gyona bidɔɔ! Bonso, eŋgane ane zẽẽ naane wuli fo a yeli ŋa tɛgɛ, kyɛ N Saa naŋ be tenvelaa poɔ la wuli fo.

Marko Gane 16:15

A Yeezu pãã da yeli ko ba la, “Yɛ gaa a tendaa zaa a te moɔle a Ŋmen-yelnoore ko a Naaŋmen bon-iri zaa.

Luka 15:10

Maa yele korɔ yɛ, a lɛ ne o zu la ka a Naaŋmen malekere maŋ taa kyelloo ka yelbe-erɛ bon-yeni wa leɛ o eebo.”

Luka 2:26

A Vooroŋ Soŋ da iri wuli o la ka o koŋ kpi kyɛ te ta lɛ saŋ o nimiri naŋ na nyɛ a Daana Mɛzaaya.

Luka 9:6

Ba da yie la a yoɔrɔ a tenne poore, a moɔlɔ a yelnoore kyɛ saŋ na baalba a ziiri zaa.

Gyɔɔn 15:26

“Ka a Soŋnɔ, a yelmeŋɛ Vooroŋ N naŋ na toŋ ka O yi a Saa zie wa, na wa di la N danseɛ.

Toma 10:44

A Piita naŋ da naŋ kyɛnɛ yele a yɛlɛ, a Vooroŋ Soŋ da sigi wa kpɛ la a banaŋ zaa naŋ da woŋ a yelbiri.

Toma 16:10

O naŋ da wa nyɛ a nyaabo, a daadaalɛ ka te da e aneɛ ka te gaŋ gaa a Masedoniya, te naŋ da baŋ ka Naaŋmen la boɔle te ka te gaa te moɔle a yelnoore ko ba zuiŋ.

Toma 2:33

Naaŋmen pãã da zɛge O la ka O do zeŋ O nuduluŋ seŋ, kyɛ ka O da de a Vooroŋ Soŋ a Saa naŋ da eŋ noɔre ka O na tere la, ona la ka O paale ne te ka yɛ nyɛ a kyɛ woŋ.

Toma 4:31

Ba naŋ da wa puori baare, a zie na ba naŋ da lantaa da gbigree la kyɛ ka ba da paale ne a Vooroŋ Soŋ a da moɔlɔ a Naaŋmen yelbiri ane ba faŋ zaa.

Toma 4:8

Lɛ la ka Piita naŋ da paale ne a Vooroŋ Soŋ da yeli ko ba, “Yɛnee, a noba namine ane ba nembɛrɛ,

Toma 8:25

A Piita ane a Gyɔɔn naŋ da wa di a yɛlɛ ama danseɛ a kyɛ manne a Daana yelbiri baare, ba da la leɛ gaa la a Gyɛruzɛlɛm, a moɔlɔ a yelnoore a Samareya tembilii yaga poore.

Urom 1:15

A lɛnso ka N kyerɛ ka N moɔle a Ŋmen-yelnoore ko yɛ banaŋ meŋ naŋ be a Urom teŋɛ poɔ.

Urom 1:17

Bonso a Ŋmen-yelnoore poɔŋ la ka Naaŋmen maŋ iri O mennoŋ wuli a yi yeldeebo piiluu te ta yeldeebo baaraa; aŋa ba naŋ da sɛge a lɛ, “Soba na zaa naŋ e nemmeŋɛ, na taa la o nyɔvore ne yeldeebo.”

Urom 10:15

Kyɛ wola ka ba na moɔle O yɛlɛ ka ba naŋ ba toŋ ba? Aŋa ba naŋ da sɛge lɛ, “Nyɛ a noba naŋ moɔlɔ a Ŋmen-yelnoore waabo naŋ veɛlɛ lɛ!”

Urom 15:19

N da moɔle la a Kirista yelnoore zaa a yi Gyɛruzɛlɛm a te ta Elarekum a tu a kpeɛ̃õ naŋ be a yelwulii ane nɔmaa toma eŋɛ ane a Naaŋmen Vooroŋ kpeɛ̃õ eŋɛ.

1 Kor 2:10

a boma ama la ka Naaŋmen da tu a Vooroŋ Soŋ zie a iri wuli te; bonso, a Vooroŋ Soŋ maŋ gyɛle la a boma zaa a te laŋne a Naaŋmen yelsɔgle zaa.

Korinti 1:22

a eŋ te O ŋmaaroŋ, kyɛ ko te a O Vooroŋ Soŋ ka O be a te sukyie poɔ a waa a bon dɛndɛŋ O naŋ da ko te.

Korinti 6:6

te sonnoŋ poɔ, te yelbammo poɔ, te kannyiri poɔ, te nimibaaloŋ poɔ, a te seere sonnoŋ poɔ ane nɔmmo naŋ waa meŋɛ poɔ.

Galesiya 1:12

bonso N ba de a yi nensaalba zie, bee nensaala la wuli ma, kyɛ a Yeezu Kirista meŋɛ la da iri a wuli ma.

Galesiya 1:16

a iri a O Bidɔɔ wuli ma, ka a lɛ e ka N moɔle O yɛlɛ a Nemboore-yobo poɔ. N da ba gaa te peɛre yelzaa yi neɛzaa zie,

EFESU 3:10

ka ka O tu a puoruu laŋne deme zie a e ka a namine ane a kpeɛ̃õ deme naŋ be a sazu poɔ baŋ a Naaŋmen yɛŋ parɛɛ parɛɛ.

I Tesa 2:9

N yɔɔmine ane n yɔɔpuuli, yɛ leɛ-teɛre a te toma ane a te wale puruu; te da tonɔ la toma ŋmenaa ane tensogɔ a saŋ te naŋ da moɔlɔ a Ŋmen-yelnoore korɔ yɛ ka ka te ta wa ko yɛ kanzaa toɔrɔ.

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

Hiburu 11:13

A noba bama zaa da be la a yeldeebo poɔ kyɛ te kpi kyɛ da ba nyɛ a yɛlɛ Naaŋmen naŋ da yeli ka O na e ko ba la. Ba da nyɛ a la ba teɛroŋ poɔ ka a be tɔɔre zaa a waana, ka ba tuori de a. Ba da sagɛɛ la ka ba waa la saama ane nɔɔre a teŋɛzu kyɛ.

Hiburu 2:4

kyɛ ka Naaŋmen meŋ di a danseɛ ne yelwulii ane nɔmaa toma ane yelseɛlɛ tɛɛtɛɛ, ane a Vooroŋ Soŋ kyɔɔtaare O naŋ tere a seŋ O naŋ boɔrɔ lɛ.

Hiburu 4:2

Serɛzaa, a Ŋmen-yelnoore da wa la te zie aŋa lɛ a naŋ da ta ba lɛ. Kyɛ a yɛlɛ ba naŋ da woŋ da ba yi tɔnɔ ko ba, bonso, ba da ba taa noɔre yeni a yeldeebo poɔ ne a banaŋ naŋ da kyɛlle woŋ.

1 Pit 1:25

kyɛ a Daana yelbiri bebe la tegitegilɛ.” A yelbiri ŋa la a yelnoore ba naŋ da moɔle ko yɛ.

1 Pit 4:6

A ŋaa la so ka ba da moɔle a Ŋmen-yelnoore ko a kuuni meŋ gba, aneazaa ka ba da di la ba sɛrɛɛ a nensaaloŋ poɔ aŋa lɛ ba naŋ maŋ di nensaalba zaa sɛrɛɛ ka ba na toɔ̃ taa nyɔvore ba seere poɔ aŋa Naaŋmen.

Yel-iriwulaa Gane 5:11

Lɛ la ka N da kaa, a da woŋ malekere yaga kɔkɔɛ. A malekere da ŋmaa-gyili la a nakogi ane a bonvoba ane a nembɛrɛ. Ba da waa la turi turi turi kombaŋsɔre.