1 Pit 1:11 - Naaŋmen Nɔpaalaa Gane

¹¹ Ba da peɛrɛɛ la ka ba baŋ a soba bee a saŋ a Kirista Vooroŋ naŋ be a ba poɔ a boɔrɔ ka O yeli, O naŋ da daŋ di danseɛ kyaare ne a dɔgɛɛ ba naŋ da nare biŋ a Kirista ane a puubu naŋ na tu a lɛ puoriŋ.

1 Pit 1:11 ပူးပေါင်းရင်းမြစ်များ

Matio Gane 26:24

A Nensaala Bie gɛrɛ la a seŋ lɛ ba naŋ sɛge kyaare ne O, kyɛ weɛbo la a ko a soba na naŋ yi a Nensaala Bie puori! Ka ba naŋ da ba dɔge o soba gba a naŋ seɛ.”

Luka 24:44

Lɛ la ka O da yeli ko ba, “A N yelbie N naŋ da yeli ko yɛ saŋ na N naŋ da naŋ be a yɛ zie la lɛ; ka a yɛlɛ zaa ba naŋ sɛge kyaare ne ma a Moozul sɛgre gane poɔ ane a Ŋmen-yelmanneba sɛgre gama poɔ ane a yiele gane poɔ na nyɛ la eebo.”

Gyɔɔn 12:41

A Azaaya da yeli la a yɛlɛ ŋa kyaare ne a Yeezu, bonso, o da nyɛ la O puubu.

Toma 16:7

Ba naŋ da wa te ta Mesiya teŋɛ niŋe, ba da boɔrɔ la ka ba da te kpɛ Bitiniya poɔ, kyɛ a Yeezu Vooroŋ da ba sage ka ba kpɛ a be.

Urom 8:9

Kyɛ yɛnee ba be a nensaaloŋ poɔ, yɛ be la a Vooroŋ Soŋ poɔ, a Naaŋmen Vooroŋ naŋ be yɛ eŋɛŋ zuiŋ. Soba na zaa naŋ ba taa a Kirista Vooroŋ ba waa a Kirista neɛ.

Galesiya 4:6

Kyɛ yɛ naŋ leɛ O bidɔgre zuiŋ, Naaŋmen toŋ la O Bidɔɔ Vooroŋ eŋ te sukyie pooreŋ ka O e ka te ŋmeɛrɛ kpɛlle, “N Saa! N Ba!”

2 Pit 1:21

bonso, a Ŋmen-yelmanna yelyelii kanzaa ba yi nensaala zie, kyɛ a Vooroŋ Soŋ la ko ba faŋ ka ba yele a Naaŋmen yelbie.

Yel-iriwulaa Gane 19:10

Lɛ la ka N da le vɔgle muro o gbɛɛ puliŋ ka N puori o, kyɛ ka o da yeli ko ma, “A ba fere ka fo e a lɛ! N waa la fo tonton-tɔsoba a laŋ ne a fo yɔɔmine banaŋ naŋ sage de a Yeezu danseɛ. Puoro Naaŋmen! Bonso a Yeezu danseɛ la korɔ a banaŋ naŋ yele Ŋmen-yelmanneba yelyelii kpeɛ̃õ.”