1 Pit 1:1 - Naaŋmen Nɔpaalaa Gane

¹ Maa Piita naŋ waa a Yeezu Kirista apostolii la sɛgrɛ a lɛtɛ ŋa korɔ a Naaŋmen Neŋkaa-irri naŋ yaare be Pɔntuse paaloŋ, Galesiya paaloŋ, Kapadosiya paaloŋ, Ezeya paaloŋ ane Bitiniya paaloŋ a waa saama.

1 Pit 1:1 ပူးပေါင်းရင်းမြစ်များ

Matio Gane 10:2

A apostoliimine pie ne bayi na yoe la ama: a dɛndɛŋ soba la Saamon, ka o yuori kaŋ di Piita ane o yɔɔ Anduru, Gyimisi ane o yɔɔ Gyɔɔn, a Zɛbɛdii bidɔbɔ;

Matio Gane 24:22

Kyɛ ka ba naŋ da ba ŋmaa a bebie ama kyɛlɛɛ bare, nensaala zaa da koŋ nyɛ faabo. Kyɛ a neŋkaa-irri zuiŋ, ba na ŋmaa la a bebie mine bare.

Matio Gane 4:18

A Yeezu naŋ da kyɛnɛ a Galili mane noɔreŋ, O da nyɛ la yɔɔmine bayi, Saamon, ka o yuori kaŋ meŋ da di Piita ane o yɔɔ Anduru, ka ba lɔɔrɔ ba zonkyogri a mane poɔ, bonso, ba da waa la zonnyɔgrebɔ.

Luka 18:7

Yɛ teɛre ka Naaŋmen koŋ bo bo-soŋ ko a O neŋkaa-irri naŋ ŋmeɛrɛ kpɛlle korɔ O, ŋmenaa ane tensogɔ be? O na kɔɔre la yaga kyɛ wa soŋ ba be?

Gyɔɔn 11:52

A paaloŋ faabo yoŋ naane, kyɛ O waɛ la ka O laŋ a Naaŋmen biiri naŋ yaare ziiri zaa taa ziyeni.

Gyɔɔn 7:35

A Gyuumine da soorɔ la taa, “Yeŋ la ka a dɔɔ ŋa boɔrɔ ka O gaa ka te koŋ baŋ nyɛ O? O mɔɔ boɔrɔ la ka O gaa a Gyuumine naŋ yaare be a Giriki noba poɔ a te kanne a Giriki noba be?

Toma 18:2

O da te nyɛ la Gyuu neɛ kaŋ yuori naŋ di Akuyɛla a be. A Akuyɛla da waa la Pɔntuse teŋɛ neɛ. O ne o pɔge Peresela da yi la Itali wa a be ka a da naŋ ba kɔɔre, bonso Keladeo da tere la noɔre ka a Gyuumine zaa yi a Urom poɔ. A Pɔɔl da gaa te nyɛ ba la,

Toma 18:23

O naŋ da wa zeŋ a be ka a kɔɔre belaa, o da yie la a yoɔrɔ a ziiri zaa, a te tɔle gaa Galesiya paaloŋ ane Firigyeya, a yele yɛlɛ a teɛrɛ a potuuribo zaa.

Toma 19:10

A yɛlɛ ama da e la lɛ yuomo ayi, ka a noba zaa naŋ da kpeɛrɛ a Ezeya paaloŋ poɔ, a Gyuumine ane a Giriki noba da woŋ a Daana yelbiri.

Toma 6:9

Lɛ la ka a noba mine naŋ da be a puoruudie na ba naŋ da boɔlɔ Gbaŋgbaare naŋ so bamenne puoruudie (aŋa lɛ ba naŋ da boɔlɔ o) ane Seeriya ane Alɛzandereya tenne noba ane noba naŋ yi Silisiya ane Ezeya da iri ŋmeɛrɛ nɔkpeɛne ne a Stefanuu.

Toma 8:4

A banaŋ naŋ da zo yaare da yi yoɔrɔ la, a moɔlɔ a yelbiri.

1 Kor 16:19

A puoruu laŋne yie noba naŋ be Ezeya poɔ puoro yɛ la. Akiila ane Prisika, a de ne a puoruu laŋne deme naŋ maŋ lantaa a ba yiri poɔ puoro yɛ la soŋ zaa a Daana eŋɛ.

Korinti 1:8

Yɔɔmine, te ba boɔrɔ ka yɛ be babammo poɔ a kyaare ne a woore na te naŋ da nyɛ a Ezeya poɔ, bonso, ba da dɔgre te la te zuo, ka te da ba la boɔrɔ ka te naŋ kyɛnɛ voorɔ.

Galesiya 1:2

ane a yɔɔmine zaa naŋ be n zie la sɛgrɛ a lɛtɛ ŋa korɔ a puoruu laŋne deme naŋ be Galesiya teŋɛ poɔ:

EFESU 2:12

Yɛ leɛ-teɛre ka a saŋ na yɛ da ba be a Kirista poɔ, a waa nɔɔre a Izerayɛl boorɔ noba poɔ, a waa saama a nɔ-eŋnaa poɔ, a da ba taa teɛretɔroo, a da ba taa Naaŋmen a teŋɛzu.

EFESU 2:19

Azuiŋ, yɛ ba la waa saama ane nɔɔre, kyɛ yɛ ne a nensonne zaa waa la tembiiri, a waa a Naaŋmen yideme.

2 Tim 1:15

Fo baŋɛɛ la ka a banaŋ zaa naŋ be a Ezeya poɔ leɛ la puori kyɛ bare ma. Figyilose ane Hɛmogene meŋ poɔ la ba poɔ.

Hiburu 11:13

A noba bama zaa da be la a yeldeebo poɔ kyɛ te kpi kyɛ da ba nyɛ a yɛlɛ Naaŋmen naŋ da yeli ka O na e ko ba la. Ba da nyɛ a la ba teɛroŋ poɔ ka a be tɔɔre zaa a waana, ka ba tuori de a. Ba da sagɛɛ la ka ba waa la saama ane nɔɔre a teŋɛzu kyɛ.

Gyimisi 1:1

Maa Gyimisi naŋ waa Naaŋmen ane te Daana Yeezu Kirista tontonɔ la sɛgrɛ a lɛtɛ ŋa korɔ a Izerayɛl bale pie ne bayi naŋ yaare be a tendaa zaa poɔ: Yɛ yaane.

1 Pit 2:11

N poyɛŋ noba, N sɔrɔ yɛ la aŋa yɛ naŋ waa nɔɔre ane noba ba naŋ digi bare ka yɛ be teŋyuo poɔ, yɛ bare a eŋgane vɔlfaare naŋ zɔɔrɔ ne yɛ seere.

2 Pit 1:1

Maa Saamon Piita, naŋ waa Yeezu Kirista tontonɔ ane O apostolii la sɛgrɛ a lɛtɛ ŋa korɔ banaŋ naŋ nyɛ a yeldeebo naŋ e bon-yuori aŋa te deni a yi a mennoŋ naŋ be a te Naaŋmen ane te Daana Yeezu Kirista zie:

Yel-iriwulaa Gane 1:11

a yele, “Sɛge a yɛlɛ fo naŋ nyɛ eŋ gane poɔ a tere ka ba te ko a puoruu laŋne yie ayopoĩ naŋ be a Efesu poɔ, a Semaana poɔ, a Pɛgamu poɔ, a Taatira poɔ, a Saadise poɔ, a Filadɛlfiya poɔ ane a Laodisiya poɔ.”