1 Kor 8:3 - Naaŋmen Nɔpaalaa Gane

³ kyɛ neɛ na zaa naŋ nɔnɔ Naaŋmen, a Naaŋmen maŋ baŋ la a soba.

1 Kor 8:3 ပူးပေါင်းရင်းမြစ်များ

Matio Gane 7:23

Kyɛ N pãã na leɛ yeli ko ba la, ‘Maa ba baŋ yɛ togitogi; yɛ tage yi be N zie, yɛnee yelfa-erebɛ ŋa.’

Gyɔɔn 10:14

Maa la a pekyee-meŋɛ. N baŋ la N peere, ka a N peere meŋ baŋ ma,

Gyɔɔn 21:17

A Yeezu da la soore o la a gbɛre bota soba, “Saamon, Gyɔɔn bidɔɔ, fo nɔŋ ma laa?” A Piita da taa la posaanaa ne a Yeezu naŋ da soore o a gbɛre bota soba, “Fo nɔŋ ma laa?” Ka o da yeli ko O, “Daana, fo baŋ la bonzaa. Fo baŋ ka N nɔŋ fo la.” Ka a Yeezu da yeli ko o, “Guolo a N peere.”

Urom 11:2

Naaŋmen ba gyɛ a O noba O naŋ da daŋ baŋ bare. Yɛ ba baŋ lɛ a gansoŋ naŋ da yeli a Elaagya yɛlɛ be, a lɛ o naŋ da sɔre ka Naaŋmen iri O nimiri eŋ a Izerayɛl biiri?

1 Kor 13:12

Pampana ŋa, te maŋ nyɛ la kyaanaa poɔ zĩĩ lɛ, kyɛ te na nyɛ la O niŋesogɔ weliweli. Pampana ŋa, N baŋ la ŋmaara ŋmaara, kyɛ N na baŋ la a zaa gbuli aŋa ba naŋ baŋ ma baare lɛ.

1 Kor 2:9

Kyɛ aŋa lɛ ba naŋ da sɛge: “Bonna nimiri naŋ ba nyɛ bee ka toori woŋ, bee a kpɛ nensaalba sukyie, la bonna Naaŋmen naŋ nare biŋ a banaŋ naŋ nɔŋ O”;

Galesiya 4:9

Kyɛ pampana, yɛ naŋ wa baŋ Naaŋmen kyɛ bee Naaŋmen naŋ wa baŋ yɛ, wola ka yɛ na la leɛ gaa a andonɛɛ se-foglo naŋ ba taa faŋ bee tɛgɛ zie? Wola ka yɛ na boɔrɔ ka yɛ la te leɛ a gbaŋgbaare?

2 Tim 2:19

Kyɛ a Naaŋmen yiri pare naŋ e kpeɛŋaa naŋ arɛɛ la a taa ŋmaaroŋ ŋa, “A Daana baŋ la banaŋ naŋ e O noba,” kyɛ “Vɛŋ ka neɛzaa naŋ boɔlɔ a Daana yuori leɛ yi potuoloŋ poɔ.”

Gyimisi 1:12

Soba na zaa naŋ di kannyiri toɔrɔ poɔ na nyɛ la maaloo. A neɛ ŋa soba naŋ toɔ̃ are a enyaabo poɔ zuiŋ, o na nyɛ la a nyɔvore nazupili na a Daana naŋ da eŋ noɔre ka O na ko la banaŋ naŋ nɔŋ O.

Gyimisi 2:5

N yɔɔmine ane n yɔɔpuuli N naŋ nɔŋ, yɛ kyɛlle woŋ. Naaŋmen mɔɔ naane kaa-iri a nandaanema a teŋɛzu a e ka ba taa yeldeebo bondaanoŋ, kyɛ waa a naaloŋ na O naŋ da eŋ noɔre ka O na ko la banaŋ naŋ nɔnɔ O gbandiribe be?

1 Pit 1:8

Aneazaa ka yɛ ba nyɛ a Kirista kyɛ yɛ nɔŋ O la. Yɛ ba nyɛ O pampana kyɛ yɛ sage de la O yɛlɛ, a kyellɛ ne popeɛloŋ naŋ ba taa mannoo,

1 Gyn 4:19

Te nɔŋ O la, bonso, Ona la daŋ nɔŋ te.

1 Gyn 4:7

N poyɛŋ noba, yɛ e ka te nɔnɔ taa, bonso, nɔmmo yi la Naaŋmen zie. Neɛzaa naŋ taa nɔmmo, waa la neɛ Naaŋmen naŋ dɔge, ka o baŋ Naaŋmen.

Yel-iriwulaa Gane 2:13

“N baŋ la zie fo naŋ kpeɛrɛ, benee Setaana nakogi naŋ be. Kyɛ fo nyɔge la a N yuori taa kpeɛŋaa zaa, a da ba zagre a yeldeebo fo naŋ taa ne ma bare, haali a bebie na ba naŋ da ko a N dansedire Antepa, a onaŋ naŋ da taa yelmeŋɛ ne ma a yɛ sogɔŋ, benee Setaana naŋ kpeɛrɛ.

Yel-iriwulaa Gane 2:19

“N baŋ la a fo tontonne; a fo nɔmmo, yeldeebo, tonteroo ane fo kannyiri diibu. N baŋ ka a fo puori tontonne zuo la a dɛndɛŋ deme.

Yel-iriwulaa Gane 2:9

“N baŋ la a fo woore ane a fo nandaanoŋ yɛlɛ, aneazaa ka fo waa la bondaana. N baŋ la lɛ a banaŋ naŋ yeli ka ba waa la Gyuumine kyɛ ba waa Gyuumine naŋ saana fo yuori, a waa Setaana puoruu laŋne deme.