1 Kor 14:3 - Naaŋmen Nɔpaalaa Gane

³ Kyɛ soba na naŋ yele Ŋmen-yelmanna yelyelii, yele korɔ la noba, ka ba yeldeebo na baara, a yeli teɛ ba kyɛ moore ko ba.

1 Kor 14:3 ပူးပေါင်းရင်းမြစ်များ

1 Kor 14:12

Lɛ meŋ la ka a waa yɛ zie, yɛ naŋ kyerɛ ka yɛ nyɛ a Vooroŋ Soŋ kyɔɔtaare, yɛ moɔ nimiri ka yɛ de a tonɔ ne ka a puoruu laŋne na baara duoro.

1 Tim 4:13

Moɔ nimiri kanna a gansoŋ korɔ noba, a yele yɛlɛ teɛrɛ ba, kyɛ kanna ba te ta saŋ na N naŋ na wa.

Gyud 1:20

Kyɛ yɛnee, n poyɛŋ noba, yɛ baara duoro a yɛ yeldeebo ŋa naŋ e soŋ poɔ. Yɛ puoro a Vooroŋ Soŋ poɔ;

TITU 1:9

A seŋ ka o e neɛ naŋ baŋ a yelbiri naŋ seŋ ne dɛloo ka a ta aŋa lɛ a kannoo naŋ wuli, ka ka o na toɔ̃ wullo wuluu naŋ soma kyɛ toɔ̃ yeli lɔɔ a banaŋ naŋ tullo a yelmeŋɛ.

EFESU 6:22

A yeli ŋa zuiŋ la ka N tonɔ o yɛ zie, ka o wa vɛŋ ka yɛ baŋ lɛ a naŋ waa ko te, kyɛ yeli yɛlɛ teɛ yɛ sukyie.

2 Tim 4:2

moɔlɔ a Naaŋmen yelbiri; ka a naŋ waa wola zaa, kpimare moɔlɔ; a erɛ ka ba sagra derɛ, a kpaana ba kyɛ yele yɛlɛ teɛrɛ ba ne kannyiri kpoŋ a fo wuluu poɔ.

TITU 2:6

A lɛ ne o zu, sɔre a bipɔlɔ ka ba baŋ bamenne taabo.

1 Kor 14:31

Bonso, yɛ yeni yeni zaa na toɔ̃ yeli la Ŋmen-yelmanna yelyelii kyɛ ko taa, ka a noba zaa na toɔ̃ zanne kyɛ yeli yɛlɛ teɛtaa.

1 Kor 14:26

N bamine, wola pãã ka a seŋ ka yɛlɛ erɛ? Ka yɛnee maŋ wa lantaa, yɛ kanzaa maŋ taa la yieluŋ, ka kaŋ taa wuluu, ka kaŋ taa yel-iriwulaa, ka kaŋ taa kɔkɔsaana bee a na baŋ iri kɔkɔsaama tɛgɛ. Yɛ vɛŋ ka a yɛlɛ zaa yɛ naŋ erɛ soŋ a puoruu laŋne ka o baara.

Urom 14:19

Yɛ pãã vɛŋ ka te boɔrɔ yɛlɛ naŋ waana ne emmaaroŋ ane te zaa baabo.

Toma 13:15

Ba naŋ da wa kanne a Naaŋmen nɔɛ ane a Ŋmen-yelmanneba gama baare, a puoruudie nembɛrɛ da toŋɛɛ la ka ba wa yeli ko ba, “N yɔɔmine, ka yɛnee wa taa yelbiri zaa ka yɛ yeli teɛ a noba, yɛ wa yeli.”

TITU 2:9

Yeli ko gbaŋgbaare ka ba sigre bamenne korɔ a noba naŋ so ba kyɛ erɛ ka ba poore pɛllɛ ne ba yelzaa poɔ, kyɛ a ba seŋ ka ba yele yɛlɛ legre a ba nembɛrɛ nɔɛ,

I Tesa 2:3

Bonso, a te kpɛlle te naŋ ŋmeɛrɛ da ba yi bɛllɛ, bee teɛroŋ faare bee nyaayɛlɛ poɔ,

1 Kor 10:23

“Sori bebe la ka neɛ baŋ e yelzaa,” kyɛ yelzaa naane terɛ sommo. “Sori bebe la ka neɛ baŋ e yelzaa,” kyɛ a zaa naane waana ne sommo.

1 Pit 5:12

A Silivaanu N naŋ de ka o waa N yɔɔ naŋ e nemmeŋɛ la soŋ ka N sɛge a gan-ŋmaa ŋa ka N yeli yɛlɛ teɛ yɛ kyɛ di danseɛ ka a Naaŋmen garaaseɛ meŋɛ la a ŋa. Yɛ are kpeɛŋaa o poɔ.

Hiburu 13:22

N yɔɔmine ane n yɔɔpuuli, N sɔrɔ yɛ la, yɛ di kannyiri ne a n yelteɛbo yelbie, bonso ŋmaa ŋmaa lɛ la ka N da sɛge ko yɛ.

Hiburu 10:25

Te ta zagra ka te laŋna taa, aŋa ba mine naŋ e milli lɛ, kyɛ te soŋnɔ taa, a maaleŋ gaŋ a zaa, yɛ naŋ nyɛ ka a Daana Waabo Bebiri tara.

TITU 2:15

Yele a yɛlɛ ama; yele yɛlɛ teɛrɛ kyɛ kpaana noba ne kpeɛ̃õ. Ta wa vɛŋ ka neɛzaa erɛ fo kaabanyɛ yɛlɛ.

1 Tim 6:2

A gbaŋgbaare banaŋ nembɛrɛ naŋ e yelderebɛ ba seŋ ka ba erɛ nimikpɛ yɛlɛ korɔ ba, a nembɛrɛ naŋ poɔ a puoruu laŋne poɔ zuiŋ; kyɛ a ferɛɛ la ka ba maaleŋ tonɔ korɔ ba yaga, bonso, a banaŋ naŋ nyɛrɛ a ba toma tɔnɔ waa la yelderebɛ ane poyɛŋ noba. Kanna kyɛ kpaala yele a feroo toma ama yɛlɛ.

1 Tim 1:4

a ta de ba teɛroŋ zaa eŋ sensellɛ ane a sããkommine dɔge-tu-taa yoe naŋ ba taa baaroo, a ba taa tɛgɛ kyɛ waana ne nɔkpeɛne a gaŋ a Naaŋmen wuluu naŋ be yeldeebo poɔ.

II Tesa 3:12

Pampana, a noba bama taaba la ka te kpaana kyɛ yele yɛlɛ teɛrɛ ba a Daana Yeezu Kirista eŋɛ, ka ba tonɔ ba toma zomm a kaara bamenne.

I Tesa 4:18

Azuiŋ, yɛ yele yɛlɛ teɛrɛ taa ne a yelbie ama.

I Tesa 4:1

A baaraa zaa, te yɔɔmine ane te yɔɔpuuli, te sɔrɔ yɛ la kyɛ yele korɔ yɛ a Daana Yeezu eŋɛ ka yɛ naŋ da zanne yi te zie lɛ, a naŋ seŋ ka yɛ taa yɛ nyɔvoɛ ka a pɛllɛ Naaŋmen poɔ (aŋa lɛ yɛ naŋ sereŋ erɛ), yɛ erɛ ka a gaŋ a lɛ.

I Tesa 3:2

Te da toŋ la a te yɔɔ Timoti naŋ waa te tontontɔ naŋ tonɔ korɔ Naaŋmen ne o naŋ moɔlɔ a Kirista yelnoore, ka o wa ko yɛ faŋ kyɛ yeli yɛlɛ teɛ a yɛ yeldeebo,

I Tesa 2:11

Aŋa yɛ naŋ baŋ lɛ, te da erɛ la yɛlɛ yɛ yeni yeni zaa zie aŋa saa naŋ maŋ erɛ o bibiiri zie lɛ.

KOLO 4:8

N toŋ o la yɛ zie a yeli ŋa zuiŋ, ka ka yɛ na baŋ lɛ te naŋ waa kyɛ ka o yeli yɛlɛ dii yɛ sukyie.

EFESU 4:29

Yɛ ta vɛŋ ka yelfaare yire yɛ nɔɛ poore, kyɛ yɛ maŋ yele yɛlɛ naŋ terɛ maaloo a seŋ a naŋ ferɛ lɛ, ka lɛ na vɛŋ ka a yɛ yelbie taa maaloo ko a banaŋ naŋ kyɛllɛ wono a.

Korinti 2:7

Azuiŋ, a seŋ ka yɛ di suuri ko o, a moore ko o, ka a soba ta wa taa posãã-kpoŋ ka a te zuo o faŋ.

Korinti 1:4

Ona la maŋ moorɔ korɔ te a te woore zaa poɔ, ka ka te meŋ na toɔ̃ moore ko banaŋ naŋ be woore kanzaa poɔ ne a mooreteroo na te naŋ nyɛ yi Naaŋmen zie.

1 Kor 14:17

A fo ameseɛrɛ puoruu na toɔ̃ veɛlɛ la, kyɛ a onaŋ soba eŋ ba nyɛ sommo zaa.

1 Kor 8:1

Pampana ŋa, a kyaare ne bondirii ba naŋ de maale ne tebɛ, aŋa ba naŋ maŋ yeli, “te zaa taa la yelbammo.” Yelbammo maŋ waana ne la pɔloo, kyɛ ka nɔmmo yɛllɛ.

Urom 15:2

A ferɛɛ la ka te kanzaa maŋ erɛ yɛlɛ naŋ na pɛle te tɔsoba poɔ, ka ka a te teɛre soŋ e ka te teɛ ba ka ba baara.

Urom 12:8

ka fõõ wa e neɛ naŋ yele yɛlɛ teɛrɛ noba, yele teɛrɛ noba; ka noba sommo la, soŋnɔ noba ne nɔmmo; ka fõõ waa wederɛ, erɛ a lɛ ne fo nimizeɛ zaa; ka fõõ wa e nembaaloŋ zoro, erɛ lɛ ne popeɛloŋ.

Toma 15:32

A Gyudase ane Selase meŋ naŋ da waa Ŋmen-yelmanneba, da yeli la yɛlɛ yaga teɛ a yɔɔmine a ko ba faŋ paalaa.

Toma 14:22

A be, ba da yeli la yɛlɛ teɛ a potuuribo a ko ba faŋ paalaa ka ba na eŋ faŋ a kyɛnɛ a ba yeldeebo poɔ, a yele, “A ferɛɛ la ka te nyɛ dɔgroŋ yaga kyɛ pãã kpɛ a Naaŋmen naaloŋ poɔ.”

Toma 9:31

A puoruu laŋne deme naŋ da be Gyudiya, Galili ane a Samareya paaloŋ da taa la emmaaroŋ kyɛ da yɛllɛ. A puoruu laŋne da yɛllɛ la, a da taa a Daana dabeɛ̃ kyɛ ka a Vooroŋ Soŋ mooreteroo da be ba zie.

Luka 3:18

A Gyɔɔn da wuli la a noba a Ŋmen-yelnoore a o kannoo poɔ.

Hiburu 3:13

Kyɛ yɛ yele yɛlɛ teɛrɛ taa bebiri zaa, bebiri zaa yɛ naŋ boɔlɔ “zenɛ,” ka ka yelbebe bɛllɛ ta wa dare yɛ kanzaa sukyiri.

Toma 4:36

Yuzɛb naŋ yi Sapuru kyɛ da waa Levi bale neɛ ka a apostoliimine da pore o yuori ka Banabase (a yuori tɛgɛ la, “neɛ naŋ maŋ yeli yɛlɛ dii o tɔ sukyiri.”).