1 Gyn 5:9 - Naaŋmen Nɔpaalaa Gane

⁹ Ka teneŋ derɛ nensaalba danseɛ, Naaŋmen danseɛ la e kpoŋ, bonso, a danseɛ Naaŋmen naŋ di ko a O Bie la ŋa.

1 Gyn 5:9 ပူးပေါင်းရင်းမြစ်များ

Matio Gane 17:5

Piita naŋ da naŋ yele a yɛlɛ, a daadaalɛ la ka zunzug-pelaa deɛ wa pilli pɔge ba, kyɛ ka kɔkɔre yele yɛlɛ a zunzugri poɔ, “A N Bidɔɔ la a ŋa, N Poyɛŋ Bie; N poɔ pɛle ne O la; yɛ kyɛllɛ O yɛlɛ!”

Gyɔɔn 10:38

Kyɛ ka maa wa tonɔ a N Saa toma, aneazaa ka yɛ ba sage de N yɛlɛ, kyɛ yɛ sage de a N tontonne, ka a lɛ vɛŋ ka yɛ woŋ kyɛ baŋ a tɛgɛ ka a Saa be la N poɔ ka N meŋ be a Saa poɔ.”

Gyɔɔn 5:39

“Yɛ maŋ sɔre la, a boɔrɔ yɛlɛ a gansoŋ poɔ, bonso, yɛ teɛre ka a poɔ la ka yɛ na nyɛ nyɔvore naŋ ba taa baaroo, kyɛ a gansoŋ ŋa poɔ yɛlɛ la di N danseɛ.

Toma 17:31

bonso, O biŋ la bebiri O naŋ na di a tendaa sɛrɛɛ ne mennoŋ. O kaa-iri la neɛ ka o na di a sɛrɛɛ ŋa, kyɛ O wuli la a yeli ŋa nensaalba zaa ane O naŋ e ka a neɛ ŋa leɛ-iri a kuuni poɔ.”

Toma 5:32

Te ne a Vooroŋ Soŋ la e a yɛlɛ ama dansediribe. A Vooroŋ Soŋ la ka Naaŋmen ko a banaŋ naŋ sage de O yɛlɛ.”

Hiburu 2:4

kyɛ ka Naaŋmen meŋ di a danseɛ ne yelwulii ane nɔmaa toma ane yelseɛlɛ tɛɛtɛɛ, ane a Vooroŋ Soŋ kyɔɔtaare O naŋ tere a seŋ O naŋ boɔrɔ lɛ.

Hiburu 6:18

ka ka a na tu a yɛlɛ ayi naŋ ba taa leɛbaroo zie a wuli ka Naaŋmen koŋ baŋ ŋmaa zirii. Tenee banaŋ naŋ zo te kpɛ O nyuo seŋ ka te nyɛ teɛbo kaŋ a na toɔ̃ de a teɛretɔroo ba naŋ biŋ te niŋesogɔ.

1 Gyn 5:10

Banaŋ naŋ sage de a Naaŋmen Bie maŋ taa la a danseɛ ŋa ba sukyie poɔ. Banaŋ naŋ ba sage de Naaŋmen eɛɛ la ka O e zirŋmaara ne ba naŋ ba sage de a danseɛ O naŋ di kyaare ne a O Bie.

1 Gyn 5:8

a Vooroŋ, a koɔ̃ ane a zẽẽ, kyɛ a ba bata ŋa taa la noɔre yeni.