1 Gyn 5:6 - Naaŋmen Nɔpaalaa Gane

⁶ Yeezu Kirista la a soba na naŋ tu koɔ̃ ane zẽẽ zie wa. A ba e koɔ̃ yoŋ, kyɛ koɔ̃ ane zẽẽ la. Kyɛ a Vooroŋ Soŋ la a dansedire, bonso a Vooroŋ Soŋ la a yelmeŋɛ.

1 Gyn 5:6 ပူးပေါင်းရင်းမြစ်များ

Matio Gane 26:28

a N nɔpaalaa zẽẽ la ama, a na kyiri yaare la neŋyaga zuiŋ ka ba yelbebe nyɛ sudi.

Matio Gane 3:16

A Yeezu naŋ da wa de a suobu baare, a wa yire a koɔ̃ poɔ, daadaalɛ ka a saluoni yuo, ka O nyɛ a Naaŋmen Vooroŋ ka o sigre waana aŋa ŋmanee, a wa dɔɔ O zuŋ.

Marko Gane 14:24

O da yeli ko ba la, “A N nɔpaalaa zẽẽ la ama naŋ kyiri yaare neŋyaga zuiŋ.

Luka 22:20

Ba naŋ da wa di baare, O da de la ŋmanlee meŋ e a lɛ ne o zu kyɛ yele, “A ŋmanlee ŋa poɔ boma naŋ kyire a yɛ zuiŋ, e la a N nɔpaalaa zẽẽ.

Gyɔɔn 14:17

Ona la a yelmeŋɛ Vooroŋ. Ona la ka a teŋɛzu deme kontoɔ̃ nyɛ bonso, ba ba nyɛrɛ O bee a baŋ O. Yɛnee eŋ baŋ O la, bonso, O kpeɛrɛ ne yɛ la, kyɛ na be yɛ poɔ.

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 15:26

“Ka a Soŋnɔ, a yelmeŋɛ Vooroŋ N naŋ na toŋ ka O yi a Saa zie wa, na wa di la N danseɛ.

Gyɔɔn 16:13

Ka a yelmeŋɛ Vooroŋ wa wa, O na wuli yɛ la a yelmeŋɛ zaa, bonso, O koŋ yeli O meŋɛ yɛlɛ, kyɛ yelzaa O naŋ woŋ yi a Saa zie la ka O na yeli ane yɛlɛ na naŋ na e.

Gyɔɔn 3:5

Ka Yeezu da yeli sɔge, “Serɛzaa ka N yele korɔ fo, neɛzaa koŋ baŋ kpɛ a Naaŋmen naaloŋ ka ba naŋ ba leɛ dɔge o ne koɔ̃ ane a Vooroŋ Soŋ.

Gyɔɔn 4:10

Ka a Yeezu da yeli sɔge O, “Ka fõõ da baŋ a Naaŋmen kyɔɔtaa, ane neɛ na naŋ la yele korɔ fo, ‘Ko ma koɔ̃ ka N nyu,’ fo da na sɔre O la ka O da ko fo koɔ̃ naŋ terɛ nyɔvore.”

Gyɔɔn 4:14

Kyɛ banaŋ naŋ nyu a koɔ̃ N naŋ na ko ba, kɔŋnyuuri daŋ koŋ la kpɛ ba zaa. A koɔ̃ na N naŋ na tere, na leɛ la bulnimiri ba poɔŋ, ka a bullo yire a terɛ nyɔvore naŋ ba taa baaroo.”

Gyɔɔn 6:55

Bonso, N eŋɛ waa la bondiraa meŋɛ, ka N zẽẽ waa bonnyuuraa meŋɛ.

Toma 8:36

Ba naŋ da naŋ be a sobiriŋ gɛrɛ, ba da wa ta la koɔ̃ mine; ka a dɔɔ-varaa yeli, “Nyɛ, koɔ̃ la be kyɛ! Boŋ la na pigi n suobu deebo?”

Urom 3:25

Ona la ka Naaŋmen iri tere ka ba maale ne bagre ka O zẽẽ yɔɔ yelbebe sane ko a banaŋ naŋ taa yeldeebo. A Naaŋmen da e la a lɛ ka O wuli O mennoŋ, bonso, a O Naaŋmennoŋ kannyiri zuiŋ la ka O da di suuri ko nensaalba yelbebe zaa ba naŋ da e;

EFESU 1:7

A O Poyɛŋ Bie zẽẽ zie la ka te tu nyɛ faabo, a nyɛ yelbebe sudi yi a O garaase-tɛɛtɛɛ naŋ ba poɔrɔ,

KOLO 1:4

bonso, te woŋ la a yɛ yeldeebo yɛ naŋ taa a Kirista Yeezu eŋɛ ane lɛ yɛ naŋ taa nɔmmo ne a nensonne zaa,

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

TITU 3:5

O da faa te la ka a ba e ka te naŋ da toŋ mennoŋ toma zuiŋ la, kyɛ O nembaalonzoe zuiŋ la ka O tu a koɔ̃ suobu deebo eŋɛ a leɛ dɔge te kyɛ ko te a Vooroŋ Soŋ ka te leɛ e nempaalba.

Hiburu 10:29

Yɛ teɛre ka wola ka a dɔgroŋ na seŋ ka ba ko a banaŋ naŋ kaabanyɛ a Naaŋmen Bie, a sãã a nɔ-eŋnaa zẽẽ naŋ ko ba pɛgeyiibu kyɛ e ka a garaaseɛ Vooroŋ suuri iri?

Hiburu 12:24

Yɛ wa la Yeezu, a nɔpaalaa yelmaala zie ane a zẽẽ ba naŋ mere ka a yele yɛlɛ velaa gaŋ a Abɛl zẽẽ.

Hiburu 13:20

Ka a maaroŋ Naaŋmen naŋ da e ka a te Daana Yeezu leɛ yi a kuuni poɔ, a waa a peere pekyee-kpoŋ, a nɔ-eŋnaa naŋ ba taa baaraa zẽẽ,

Hiburu 9:14

wola ka a Kirista zẽẽ O naŋ tu a Vooroŋ Soŋ naŋ ba taa baaraa zie a de O meŋɛ naŋ ba taa saanaa zaa ko Naaŋmen koŋ baŋ maale a te sukyie yaga zaa a yi ne yɛlɛ naŋ ba taa tɔnɔ zie ka te na toɔ̃ puoro a Naaŋmen-vore!

Hiburu 9:7

Kyɛ a Naaŋmen bagmaalkare neŋkpoŋ yoŋ la da maŋ kpɛ a sege ayi soba poɔ dayeni yoŋ, yuoni zaa poɔ, o naŋ da maŋ wa de zẽẽ maale ne bagre a peere ne o meŋɛ yelbebe ane a noba yelbebe ba naŋ ba baŋ kyɛ e.

1 Pit 1:2

A Saa Naaŋmen la kaa-iri yɛ a seŋ O naŋ nare biŋ kyɛ maale yɛ ne a Vooroŋ Soŋ ka yɛ waa soŋ a sagra a Yeezu Kirista yɛlɛ, ka ba mere yɛ ne a O zẽẽ: Ka a Naaŋmen garaaseɛ ane maaroŋ be yɛ zie yaga lɛ.

1 Pit 3:21

A koɔ̃ ŋa da e la yelmannaa naŋ are ko suobu deebo naŋ maŋ faa yɛ pampana. A ba e ŋa eŋgane dɛgre sobaroo la, kyɛ a noɔre yɛ naŋ eŋ ko Naaŋmen ne teɛroŋ velaa a Yeezu Kirista kũũ leɛ-iruu eŋɛ la.

1 Gyn 1:7

Kyɛ ka teneŋ wa kyɛnɛ a kyaane poɔ aŋa lɛ Naaŋmen meŋɛ naŋ be a kyaane poɔ, te taa la laŋne ne taa, ka a O Bie Yeezu zẽẽ pɛge a te yelbebe zaa bare.

1 Gyn 4:10

Ŋaa la nɔmmo: a ba e ŋa tenee la da nɔŋ Naaŋmen, kyɛ Ona la da nɔŋ te, a toŋ O Bie ka O wa leɛ te yelbebe sane bagmaale bon.

Yel-iriwulaa Gane 1:5

Ka a Yeezu Kirista, a yelmeŋɛ dansedire, a bidɛndɛŋ naŋ leɛ-iri yi a kũũ poɔ a kyɛ di naaloŋ a tendaa namine zaa zu ko yɛ garaaseɛ ane maaroŋ. Ka a Onaŋ naŋ nɔnɔ te a kyɛ faa te yi a te yelbebe poɔ ne a O zẽẽ,

Yel-iriwulaa Gane 5:9

Ba da yiele la yieluŋ paalaa: “Fo seŋɛɛ la ka fo de a gane a lagre a suni bare, bonso, ba da ko fo la, kyɛ ka fo da de fo zẽẽ yɔɔ de ne nensonne naŋ yi a bale zaa poɔ ane kɔkɔɛ zaa poɔ ane nemboorɔ zaa poɔ ane tenne zaa poore ko Naaŋmen.

Yel-iriwulaa Gane 7:14

Ka N da yeli sɔge o, “Neŋkpoŋ, fõõ la a soba na naŋ baŋ.” Lɛ la ka o da yeli ko ma, “A bama la a noba na naŋ yi a dɔgroŋ kpoŋ na poɔ; ba pɛge la a ba kparre a Pilee zẽẽ poɔ a e ka a e pelaa.