1 Gyn 5:4 - Naaŋmen Nɔpaalaa Gane

⁴ bonso, Naaŋmen naŋ dɔge neɛzaa maŋ zɔɔtoɔ̃ la a andonɛɛ. Kyɛ a kpeɛ̃õ na naŋ zɔɔtoɔ̃ a andonɛɛ la a te yeldeebo.

1 Gyn 5:4 ပူးပေါင်းရင်းမြစ်များ

Gyɔɔn 1:13

ba dɔgebo da ba waa zẽẽ bee eŋgane dɔgebo, bee nensaala poboɔbo, kyɛ Naaŋmen dɔgebo da la.

Gyɔɔn 16:33

N daŋ yeli la a ŋaa ko yɛ ka ka yɛ na taa emmaaroŋ N zie. Yɛ na nyɛ la dɔgroŋ a teŋɛzu, kyɛ yɛ nyɔge yɛmenne, bonso, N zɔɔtoɔ̃ la a tendaa!”

Gyɔɔn 3:3

Ka a Yeezu da yeli sɔge o, “Serɛzaa ka N yele korɔ fo, neɛzaa koŋ baŋ kpɛ a Naaŋmen naaloŋ poɔ, ka ba naŋ ba la maaleŋ dɔge o soba.”

1 Kor 15:57

Kyɛ Naaŋmen seŋ ne la bareka puoruu ne O naŋ tu a te Daana Yeezu Kirista zie a ko te zɔɔtoɔ̃mo.

1 Gyn 2:29

Ka yɛnee baŋ ka a Kirista e la nemmeŋɛ, yɛ sereŋ na baŋ ka neɛzaa naŋ erɛ yɛlɛ ka a tori e la Naaŋmen bidɔgraa.

1 Gyn 3:9

Banaŋ Naaŋmen naŋ dɔge ba erɛ yelbebe, bonso, Naaŋmen be la ba poɔ ka ba koŋ baŋ e yelbieri, bonso, Naaŋmen la dɔge ba.

1 Gyn 4:4

N bibiiri, yɛ yi la Naaŋmen zie, a zɔɔtoɔ̃ ba; bonso, a soba na naŋ be yɛ poɔ waa la kpoŋ gaŋ a soba na naŋ be a teŋɛzu.

1 Gyn 5:1

Neɛzaa naŋ sage de ka Yeezu la a Kirista waa la neɛ Naaŋmen naŋ dɔge. Neɛzaa naŋ nɔŋ a bidɔgrɔ maŋ nɔŋ la a bie meŋ.

1 Gyn 5:18

Te baŋɛɛ la ka banaŋ Naaŋmen naŋ dɔge ba erɛ yelbieri, kyɛ a soba na Naaŋmen naŋ dɔge maŋ gu ba la taa ka a faaloŋ soba koŋ seene ba.

1 Gyn 5:5

Aŋ la maŋ zɔɔtoɔ̃ a andonɛɛ, ka neɛ naŋ sage de ka Yeezu waa la Naaŋmen Bie naane?

Yel-iriwulaa Gane 12:11

Kyɛ ba zɔɔtoɔ̃ o la ne a Pilee zẽẽ ane a ba yelbiri danseɛ, bonso, ba da ba kpimare nyɔvore, haali ka ba naŋ da na kpi gba.

Yel-iriwulaa Gane 15:2

N da nyɛ la bonkaŋ naŋ waa ŋa mane kyɛ nyegrɛ aŋa kyaanaa kyɛ pulli ne vũũ, kyɛ ka a banaŋ naŋ da zɔɔtoɔ̃ a wɛdoŋɔ ane a o teebo ane a o yuori ŋmaaroŋ da are peɛle a mane naŋ nyegrɛ aŋa kyaanaa a taa a Naaŋmen koriŋgyo ba nuuri poɔ.

Yel-iriwulaa Gane 2:11

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. Soba na zaa naŋ zɔɔtoɔ̃, a kũũ boyi soba kontoɔ̃ e o soba yelfaa zaa.”

Yel-iriwulaa Gane 2:17

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. Soba na zaa naŋ zɔɔtoɔ̃, N na ko o la a maana ba naŋ kontoɔ̃ nyɛ ne nimiri mine. N na ko o la kusi-pelaa ba naŋ sɛge yopaalaa neɛzaa naŋ ba baŋ eŋ, ka a soba na naŋ de o yoŋ naane.”

Yel-iriwulaa Gane 2:26

Soba na zaa naŋ zɔɔtoɔ̃ a kyɛ naŋ kyɛnɛ tonɔ a N toma te ta a baaraa, N na ko o la, kpeɛ̃õ a tenne zu;

Yel-iriwulaa Gane 2:7

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. N na ko la a soba na naŋ zɔɔtoɔ̃ sori ka o di a nyɔvore teɛ wɔmɔ naŋ be a Naaŋmen tenvelaa gaaden poɔ.”

Yel-iriwulaa Gane 3:12

Ka fõõ wa zɔɔtoɔ̃, N na e la ka fo waa ŋa dalugri a N Naaŋmen puoruudie poɔ; fo daŋ koŋ yi o poɔ togitogi zaa. N na sɛge eŋ la fo eŋɛ a N Naaŋmen yuori ane a N Naaŋmen teŋkpoŋ yuori, a Gyɛruzɛlɛm paalaa naŋ yi a N Naaŋmen zie a tenvelaa poɔ sigre waana ane a N meŋɛ yopaalaa.

Yel-iriwulaa Gane 3:21

A soba na naŋ zɔɔtoɔ̃, N na ko o la zie ka o zeŋ ne ma a N naaloŋ dakogi zu, aŋa maa meŋɛ naŋ da zɔɔtoɔ̃ a zeŋ ne a N Saa a O naaloŋ dakogi zu lɛ.

Yel-iriwulaa Gane 3:5

Ka fõõ wa zɔɔtoɔ̃, ba na su fo la kparpelaa aŋa ba naŋ su ba lɛ, kyɛ N koŋ sãã a fo yuori bare a nyɔvore gane poɔ. N na pore la fo yosoŋ a N Saa ane O malekere niŋesogɔ.