1 Gyn 5:10 - Naaŋmen Nɔpaalaa Gane

¹⁰ Banaŋ naŋ sage de a Naaŋmen Bie maŋ taa la a danseɛ ŋa ba sukyie poɔ. Banaŋ naŋ ba sage de Naaŋmen eɛɛ la ka O e zirŋmaara ne ba naŋ ba sage de a danseɛ O naŋ di kyaare ne a O Bie.

1 Gyn 5:10 ပူးပေါင်းရင်းမြစ်များ

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 3:18

Banaŋ naŋ sage de O yɛlɛ koŋ le sɛrɛɛ poɔ, kyɛ banaŋ naŋ ba sage de O yɛlɛ le la sɛrɛɛ poɔ baare, ba naŋ ba sage de a Naaŋmen Bi-yeni yuori zuiŋ.

Gyɔɔn 3:33

Soba na zaa naŋ sage de a O danseɛ, sage deɛ la ka, Naaŋmen waa la yelmeŋɛ soba.

Gyɔɔn 5:38

Yɛ ba taa O yelbiri ka o be yɛ nyɔvore poɔ, yɛ naŋ ba sage de a soba na O naŋ toŋ yɛlɛ zuiŋ.”

Toma 8:37

[Ka Filipi yeli, “Fo na de la a suobu ka fõõ wa sage de a yɛlɛ ne fo poɔ zaa.” Ka a dɔɔ-varaa da leɛ yeli sɔge, “N deɛ la ka Yeezu Kirista la a Naaŋmen Bie.”]

Urom 8:16

A Vooroŋ Soŋ na ne O zu la dire danseɛ ne te vooroŋ ka te waa la Naaŋmen biiri,

Galesiya 4:1

A yeli ŋa poɔ, n teɛroŋ la ŋa: saŋ na zaa poɔ gbandiribe naŋ waa bibiiri ba ne gbaŋgbaare ba seɛ taa, aneazaa ka ba na la so a boma zaa;

Galesiya 4:6

Kyɛ yɛ naŋ leɛ O bidɔgre zuiŋ, Naaŋmen toŋ la O Bidɔɔ Vooroŋ eŋ te sukyie pooreŋ ka O e ka te ŋmeɛrɛ kpɛlle, “N Saa! N Ba!”

KOLO 3:3

bonso, yɛ kpie la ka a yɛ nyɔvoɛ sɔgle a Kirista naŋ be Naaŋmen poɔ.

Hiburu 3:12

N yɔɔmine ane n yɔɔpuuli, yɛ gu yɛmenne velaa, ka yɛ kanzaa ta wa taa sukyiri faa naŋ ba taa yeldeebo naŋ na vɛŋ ka o bare a Naaŋmen-vore tuubu.

2 Pit 1:19

Lɛnso, te nyɛ la a Ŋmen-yelmanneba yelyelii ka a sereŋ waa lɛ. A pãã seŋ ka yɛ mɔ a eŋ toori velaa kyɛlle a yeli ŋa aŋa fentelɛ naŋ kyaane lige poɔ, a te ta saŋ na zie naŋ wa vɛlɛ kyɛ ka zinyaakyeŋkyoɔlaa puri yɛ sukyie poore.

1 Gyn 1:10

Ka tenee yeli ka te ba e yelbieri, Naaŋmen la ka te boɔlɔ zirŋmaara, ka a O yelbiri ba kye a te nyɔvore poɔ.

1 Gyn 5:1

Neɛzaa naŋ sage de ka Yeezu la a Kirista waa la neɛ Naaŋmen naŋ dɔge. Neɛzaa naŋ nɔŋ a bidɔgrɔ maŋ nɔŋ la a bie meŋ.

Yel-iriwulaa Gane 12:17

Lɛ la ka a wa-beɛ suuri da iri ne a pɔge, ka o da gaa ka o zɔɔ ne a pɔge biiri na naŋ kyɛre, a banaŋ naŋ tuuro a Naaŋmen nɔɛ a kyɛ sage di a Yeezu danseɛ.

Yel-iriwulaa Gane 2:17

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. Soba na zaa naŋ zɔɔtoɔ̃, N na ko o la a maana ba naŋ kontoɔ̃ nyɛ ne nimiri mine. N na ko o la kusi-pelaa ba naŋ sɛge yopaalaa neɛzaa naŋ ba baŋ eŋ, ka a soba na naŋ de o yoŋ naane.”

Yel-iriwulaa Gane 2:28

lɛ meŋ gba la ka N da nyɛ kpeɛ̃õ yi a N Saa zie. A soba na naŋ zɔɔtoɔ̃, N na ko o la a zinyaakyeŋkyoɔlaa ka o wuli o kpeɛ̃õ ane o zɔɔtoɔ̃mo.