1 Gyn 4:9 - Naaŋmen Nɔpaalaa Gane

⁹ Ŋaa la ka a Naaŋmen nɔmmo da sãã te poɔ, Naaŋmen da toŋ la O Bidɔɔ yeni ka O wa a teŋɛzu, ka ka te na tu O zie a nyɛ nyɔvore.

1 Gyn 4:9 ပူးပေါင်းရင်းမြစ်များ

Marko Gane 12:6

A weɛ soba da naŋ taa la neŋyenaa kaŋ, a o poyɛŋ bie. A baaraa zaa o da toŋ o la, a yele, ‘Ba na ko la a n bidɔɔ gyeremɛ.’

Luka 4:18

“A Daana Vooroŋ sigi ma la, bonso, O sɔ ma la ne kããsoŋ ka N moɔle a Ŋmen-yelnoore ko a nembaalba. O toŋ ma la ka N moɔle a faabo yɛlɛ ko a gbaŋgbaare kyɛ vɛŋ ka zɔnne nimie yuo, a e ka noba ba naŋ dɔgrɔ so bamenne,

Gyɔɔn 10:10

A nannyige maŋ wa la ka o zu, a ko, a kyɛ sãã yoŋ. Maa eŋ waɛ la ka ka noba na taa nyɔvore, a taa o ka o gore.”

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 3:18

Banaŋ naŋ sage de O yɛlɛ koŋ le sɛrɛɛ poɔ, kyɛ banaŋ naŋ ba sage de O yɛlɛ le la sɛrɛɛ poɔ baare, ba naŋ ba sage de a Naaŋmen Bi-yeni yuori zuiŋ.

Gyɔɔn 5:23

ka ka noba zaa na de emmo ko a Bidɔɔ aŋa lɛ ba naŋ eŋnɛ a Saa. Soba na zaa naŋ ba eŋnɛ a Bidɔɔ, ba eŋnɛ a Saa naŋ toŋ a Bidɔɔ.

Gyɔɔn 6:29

Ka Yeezu da yeli sɔge ba, “A Naaŋmen toma la ŋa: ka yɛ sage de a neɛ na O naŋ toŋ yɛ zie yɛlɛ.”

Gyɔɔn 6:51

Maa la a nyɔvore bondiraa naŋ yi tenvelaa sigi wa. Neɛ na zaa naŋ di a bondiraa ŋa, na voorɔ la tegitegilɛ. Kyɛ a bondiraa na N naŋ na tere, ka o ko a teŋɛzu deme nyɔvore la a N meŋɛ eŋɛ.”

Gyɔɔn 6:57

Aŋa lɛ a Saa vore naŋ toŋ ma, ka N voorɔ a Saa zuiŋ, lɛ meŋ la ka soba na zaa naŋ di N eŋɛ na voorɔ a N zuiŋ.

Gyɔɔn 8:29

Kyɛ a soba na naŋ toŋ ma be la N zie. O ba bare ma N yoŋ, bonso, N maŋ erɛ la yɛlɛ naŋ pɛllɛ O poɔ tegitegilɛ.”

Gyɔɔn 8:42

Ka a Yeezu da yeli ko ba, “Ka Naaŋmen da waa yɛ Saa, yɛ da na nɔŋ ma la, bonso, Naaŋmen zie la ka N yi, kyɛ pampana, maa la be kyɛ. N ba wa N meŋɛ waabo, kyɛ Ona la toŋ ma.

Gyɔɔn 9:3

Ka a Yeezu da yeli sɔge, “A o meŋɛ bee o dɔgrebɔ ba e yelbieri. Ba da dɔge o la ka o zɔŋ ka ka Naaŋmen toma na tu o zie sãã.

Urom 8:32

Soba na naŋ da ba zagre ka O de O meŋɛ Bidɔɔ tere te zaa zuiŋ, O koŋ ko te bonzaa a laŋ ne a O Bidɔɔ be?

Hiburu 1:5

Ka a Malekere buo soba la ka Naaŋmen daŋ yeli: “Fo waa la N Bidɔɔ; zenɛ la ka N dɔge fo”? Bee a la yeli: “N na waa la o Saa, kyɛ ka o waa N Bidɔɔ”?

1 Gyn 3:16

A ŋaa zie la ka te baŋ nɔmmo, ka a Kirista de la O nyɔvore tere te zuiŋ, ka a seŋ ka te meŋ de te nyɔvoɛ tere te taaba zuiŋ.

1 Gyn 4:10

Ŋaa la nɔmmo: a ba e ŋa tenee la da nɔŋ Naaŋmen, kyɛ Ona la da nɔŋ te, a toŋ O Bie ka O wa leɛ te yelbebe sane bagmaale bon.

1 Gyn 4:16

Azuiŋ te baŋɛɛ la kyɛ sage a nɔmmo Naaŋmen naŋ nɔŋ te. Naaŋmen waa la nɔmmo, ka banaŋ zaa naŋ be nɔmmo poɔ be Naaŋmen poɔ, ka Naaŋmen meŋ be ba poɔ.

1 Gyn 5:11

Kyɛ a danseɛ la ŋa: Naaŋmen ko te la nyɔvore naŋ ba taa baaraa, ka a nyɔvore ŋa be a O Bie poɔ.

1 Gyn 5:13

N sɛgrɛ la a yɛlɛ ama korɔ yɛnee naŋ sage de a Naaŋmen Bie yuori, ka ka yɛ na baŋ ka yɛ taa la nyɔvore naŋ ba taa baaraa.