1 Gyn 4:4 - Naaŋmen Nɔpaalaa Gane

⁴ N bibiiri, yɛ yi la Naaŋmen zie, a zɔɔtoɔ̃ ba; bonso, a soba na naŋ be yɛ poɔ waa la kpoŋ gaŋ a soba na naŋ be a teŋɛzu.

1 Gyn 4:4 ပူးပေါင်းရင်းမြစ်များ

Gyɔɔn 12:31

A tendaa deme sɛrɛɛdiibu la a ŋaa. Pampana ba na digi la a tendaa naa bare.

Gyɔɔn 14:30

N koŋ la yeli yɛlɛ yaga ne yɛ, bonso, a teŋɛ ŋa zu naa waana la. O ba taa kpeɛ̃õ N zu.

Gyɔɔn 16:11

O na wuli ba la kyaare ne sɛrɛɛdiibu, bonso, a tendaa ŋa naa sɛrɛɛ di baarɛɛ la.”

Gyɔɔn 17:23

N be la ba poɔ ka fo be N poɔ, ka ka ba na lantaa e yeni. Lɛ la ka a tendaa noba na baŋ ka fõõ la toŋ ma kyɛ nɔŋ ba aŋa fo naŋ nɔŋ ma lɛ.

Urom 8:31

Boŋ ka te pãã na yeli kyaare ne a yɛlɛ ama? Ka Naaŋmen wa are ko te, aŋ la na baŋ zɔɔ ne te?

Urom 8:37

Ai, a ama zaa poɔ, te gaŋ la zɔɔtoɔ̃neba a yi a soba na naŋ nɔŋ te zie.

1 Kor 2:12

Pampana te ba de a andonɛɛ vooroŋ, kyɛ te de la a Vooroŋ na naŋ yi Naaŋmen zie, ka lɛ vɛŋ ka te na toɔ̃ baŋ a kyɔɔtaare na Naaŋmen naŋ ko te.

1 Kor 6:13

“Bondiraa waa la poɔ soobo, ka a poɔ waa a bondiraa soobo,” kyɛ Naaŋmen na sãã la a bondiraa ane a puori zaa bare. A eŋɛ ba e peɛ̃mo toma bon, a Daana bon la, a Daana la so a eŋɛ.

Korinti 4:4

A banaŋ naŋ ba sage de a Naaŋmen yɛlɛ eŋ, a teŋɛ ŋa zu ŋmen ligi la a ba teɛroŋ ka ba kontoɔ̃ nyɛ a Kirista yelnoore puubu veɛloŋ. A Kirista la taa a Naaŋmen waaloŋ.

Korinti 6:16

Boŋ yelwontaa la ka Naaŋmen puoruu die taa ne tebɛ die? Bonso, te waa la a Naaŋmen-vore die; aŋa Naaŋmen naŋ da yeli: “N na kpeɛrɛ la ba poɔ, kyɛ kyɛnɛ ba sogɔŋ, N na waa la ba Naaŋmen, ka ba meŋ waa N noba.

EFESU 2:2

a poɔŋ la ka yɛ da be, a tuuro a teŋɛzu yɛlɛ, a tuuro a sazu sefaare naa, a seɛ na naŋ tonɔ toma pampana a banaŋ naŋ zagra noɔre tuubu zie.

EFESU 3:17

kyɛ ka a Kirista tu a yɛ yeldeebo zie a wa be yɛ sukyie poore ka yɛ tɛ nyaga a are kpeɛŋaa nɔmmo poɔ.

EFESU 6:10

A baaraa zaa, yɛ are kpeɛŋaa a Daana eŋɛ, a taa faŋ a O kpeɛ̃õ poɔ.

1 Gyn 2:1

N bibiiri, N sɛgrɛ la a yɛlɛ ama korɔ yɛ ka ka yɛ na ta erɛ yelbieri. Kyɛ ka yɛ kanzaa wa e yelbieri, te taa la soŋnɔ a Saa zie. Ona la Yeezu Kirista, a nemmeŋɛ.

1 Gyn 2:13

N saamine, N sɛgrɛ korɔ yɛ la, bonso, yɛ baŋ la a soba na naŋ bebe a yi a piiluu saŋ. Baapaalba, N sɛgrɛ korɔ yɛ la, bonso, yɛ zɔɔtoɔ̃ la a faaloŋ soba.

1 Gyn 3:20

saŋ na zaa te sukyie naŋ maŋ wa korɔ te saanaa. Bonso, Naaŋmen e la kpoŋ gaŋ te sukyie, kyɛ ka O baŋ yelzaa.

1 Gyn 3:24

Banaŋ zaa naŋ sagra O nɔɛ maŋ be la O poɔ ka O meŋ be ba poɔ. A ŋaa zie la ka te baŋ ka Naaŋmen be la te poɔ, a Vooroŋ Soŋ O naŋ ko te zuiŋ.

1 Gyn 4:13

A ŋaa zie ka te baŋ ka te be la Naaŋmen poɔ ka O meŋ be te poɔ, O naŋ ko te a O Vooroŋ Soŋ zuiŋ.

1 Gyn 4:16

Azuiŋ te baŋɛɛ la kyɛ sage a nɔmmo Naaŋmen naŋ nɔŋ te. Naaŋmen waa la nɔmmo, ka banaŋ zaa naŋ be nɔmmo poɔ be Naaŋmen poɔ, ka Naaŋmen meŋ be ba poɔ.

1 Gyn 4:6

Te yi la Naaŋmen zie. Soba na zaa naŋ baŋ Naaŋmen maŋ kyɛlle woŋ la te yɛlɛ, kyɛ soba na zaa naŋ ba yi Naaŋmen zie ba kyɛllɛ te yɛlɛ. A ŋaa zie la ka te maŋ baŋ a yelmeŋɛ vooroŋ ane a tuluu vooroŋ.

1 Gyn 5:19

Te baŋ ka te e la Naaŋmen bibiiri, kyɛ ka a andonɛɛ zaa be a faaloŋ soba kpeɛ̃õ puliŋ.

1 Gyn 5:4

bonso, Naaŋmen naŋ dɔge neɛzaa maŋ zɔɔtoɔ̃ la a andonɛɛ. Kyɛ a kpeɛ̃õ na naŋ zɔɔtoɔ̃ a andonɛɛ la a te yeldeebo.

Yel-iriwulaa Gane 12:11

Kyɛ ba zɔɔtoɔ̃ o la ne a Pilee zẽẽ ane a ba yelbiri danseɛ, bonso, ba da ba kpimare nyɔvore, haali ka ba naŋ da na kpi gba.