1 Gyn 4:10 - Naaŋmen Nɔpaalaa Gane

¹⁰ Ŋaa la nɔmmo: a ba e ŋa tenee la da nɔŋ Naaŋmen, kyɛ Ona la da nɔŋ te, a toŋ O Bie ka O wa leɛ te yelbebe sane bagmaale bon.

1 Gyn 4:10 ပူးပေါင်းရင်းမြစ်များ

Gyɔɔn 13:34

N eŋnɛ la nɔpaalaa korɔ yɛ, yɛ nɔnɔ taa. Aŋa N naŋ da nɔŋ yɛ lɛ, yɛ meŋ nɔnɔ taa.

Gyɔɔn 15:16

Yɛnee naane kaa-iri ma, kyɛ maa la kaa-iri yɛ, a toŋ yɛ ka yɛ gaa te wɔnɔ wɔmɔ. Wɔmɔ na naŋ na bebe kɔɔre, ka a Saa pãã na ko yɛ bonna zaa yɛ naŋ sɔre yi O zie a N yuori eŋɛ.

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 6:51

Maa la a nyɔvore bondiraa naŋ yi tenvelaa sigi wa. Neɛ na zaa naŋ di a bondiraa ŋa, na voorɔ la tegitegilɛ. Kyɛ a bondiraa na N naŋ na tere, ka o ko a teŋɛzu deme nyɔvore la a N meŋɛ eŋɛ.”

Hiburu 2:17

A lɛ zuiŋ a da ferɛɛ la ka O waa ŋa a O yɔɔmine ane O yɔɔpuuli yelzaa poɔ, ka ka O na waa Naaŋmen bagmaalkare neŋkpoŋ naŋ taa nembaalonzoe ane yelmennoŋ, ka O maale bagre a nensaalba yelbebe zuiŋ.

1 Pit 2:24

O meŋɛ la da tuo a te yelbebe a O eŋɛŋ a dagaraa zu, ka ka te na faa temenne yi yelbebe poɔ a kyɛnɛ mennoŋ poɔ. A O felɛ zuiŋ, yɛ nyɛ la baaloŋ sammo.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Gyn 2:2

Ona la de O nyɔvore maale a te yelbebe sudi bagre, a te yoŋ yelbebe sudi naane kyɛ a tendaa noba zaa yelbebe sudi eŋɛ la.

1 Gyn 3:1

Yɛ nyɛ nɔmmo na tɔ a Saa naŋ nɔŋ te, a e ka ba boɔlɔ te Naaŋmen bibiiri; ka te sereŋ waa a lɛ. Bon naŋ so ka a teŋɛzu noba ba baŋ te la, ba da ba baŋ Naaŋmen.

1 Gyn 4:19

Te nɔŋ O la, bonso, Ona la daŋ nɔŋ te.

1 Gyn 5:11

Kyɛ a danseɛ la ŋa: Naaŋmen ko te la nyɔvore naŋ ba taa baaraa, ka a nyɔvore ŋa be a O Bie poɔ.