1 Gyn 3:8 - Naaŋmen Nɔpaalaa Gane

⁸ Neɛzaa naŋ erɛ yelbebe e la a sebɛlbɛllɛ bie, bonso, a sebɛlbɛllɛ la erɛ yelbebe a yi a piiluu saŋ. A yeli ŋa zuiŋ la ka a Naaŋmen Bie wa, ka O wa sãã a sebɛlbɛllɛ toma bare.

1 Gyn 3:8 ပူးပေါင်းရင်းမြစ်များ

Matio Gane 12:28

Kyɛ ka a naŋ wa e Naaŋmen Vooroŋ kpeɛ̃õ ka N digre ne a sefaare bara, ka lɛ yɛ baŋ ka Naaŋmen naaloŋ wa la yɛ zie.

Matio Gane 13:38

a weɛ la a andonɛɛ, ka a bombi-sonne meŋ waa a naaloŋ biiri, ka a narse meŋ waa Setaana biiri.

Matio Gane 4:3

A sebɛlbɛllɛ da wa yeli ko O la, “Ka fõõ wa waa Naaŋmen Bie, yeli a kubo ama ka a leɛ boroboro.”

Marko Gane 1:24

a da ŋmɛ kpɛlle a yele, “Boŋ ka fo boɔrɔ ka fo e te, Yeezu naŋ yi Naazɛrɛ? Fo waɛ la ka fo wa sãã te be? N baŋ la neɛ na fo naŋ waa, fõõ la a Naaŋmen Nensoŋ na.”

Luka 10:18

Ka O yeli ko ba, “N nyɛ la Setaana ka o yi sazu a le teŋɛ a ŋa saa naŋ nyegre.

Gyɔɔn 12:31

A tendaa deme sɛrɛɛdiibu la a ŋaa. Pampana ba na digi la a tendaa naa bare.

Gyɔɔn 16:11

O na wuli ba la kyaare ne sɛrɛɛdiibu, bonso, a tendaa ŋa naa sɛrɛɛ di baarɛɛ la.”

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Urom 16:20

A koŋ la kɔɔre kyɛ ka a emmaaroŋ Naaŋmen ŋmore Setaana biŋ yɛ gbɛɛ puliŋ. Ka a te Daana Yeezu Kirista garaaseɛ be yɛ zie.

EFESU 2:2

a poɔŋ la ka yɛ da be, a tuuro a teŋɛzu yɛlɛ, a tuuro a sazu sefaare naa, a seɛ na naŋ tonɔ toma pampana a banaŋ naŋ zagra noɔre tuubu zie.

KOLO 2:15

O da faa la a namine ane a kpeɛ̃õ deme zɔɔzɔɔ-boma, kyɛ de ba wuli a andonɛɛ zaa, a di gandaaloŋ ba zu a lɛ eŋɛ.

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

Hiburu 2:14

A naŋ waa ka a bibiiri laŋ la nensaala waaloŋ, lɛ la ka a Yeezu meŋ da e nensaala ka ka a O kũũ poɔ, ka O na sãã a soba na naŋ taa a kũũ kpeɛ̃õ, ona la a sebɛlbɛllɛ,

Hiburu 9:26

Bonso, ka a naŋ da waa lɛ, a da na seŋ ka O woŋ tuo gbɛɛ yaga a yi a teŋɛ piiluu saŋ zaa. Kyɛ lɛ a naŋ waa, O wa la dayeni yoŋ a bebi-baare saŋ ka O de O meŋɛ maale bagre ka a te yelbebe nyɛ sudi.

2 Pit 2:4

Ka Naaŋmen da ba bare a malekere na naŋ da e yelbieri weɛlɛ, kyɛ da lɔɔ ba eŋ dazugovũũ poɔ, a leŋ ba ne banzɔlɔ biŋ ligruŋ kpoŋ poɔ a na te ta a sɛrɛɛdiibu saŋ,

1 Gyn 1:2

A nyɔvore ŋa da sããɛ la ka te da nyɛ O, a di O danseɛ, kyɛ manne a nyɔvore naŋ ba taa baaraa naŋ da be a Saa zie yɛlɛ ko yɛ. Ona la ka ba iri wuli te.

1 Gyn 3:10

A ŋaa la na wuli a banaŋ naŋ waa a Naaŋmen bibiiri ane banaŋ naŋ waa a sebɛlbɛllɛ bibiiri: banaŋ zaa naŋ ba erɛ yɛlɛ ka a toro bee a nɔŋ ba yɔɔmine ane ba yɔɔpuuli ba yi Naaŋmen zie.

1 Gyn 3:5

Yɛ baŋ ka O da waɛ la ka O wa de yelbebe bare, ka yelbieri zaa ba kye O poɔ.

1 Gyn 5:19

Te baŋ ka te e la Naaŋmen bibiiri, kyɛ ka a andonɛɛ zaa be a faaloŋ soba kpeɛ̃õ puliŋ.

Gyud 1:6

A malekere na naŋ da ba are a zie Naaŋmen naŋ da ko ba, kyɛ da bare a ba meŋɛ kpeɛbozie, Naaŋmen leŋ ba la biŋ ligruŋ kpoŋ poɔ ne banzɔlɔ tegitegilɛ a kyɛllɛ ne a Bebi-kpoŋ sɛrɛɛdiibu daare.

Yel-iriwulaa Gane 20:10

Kyɛ ka ba da de a sebɛlbɛllɛ naŋ da bɛlle ba lɔɔ eŋ baa vũũ ane gyirimuri poɔ. A be la ka a wɛdoŋɔ ane a kaŋwaa Ŋmen-yelmanna da be, ka ba na dɔgre ba ŋmenaa ane tensogɔ tegitegilɛ.

Yel-iriwulaa Gane 20:15

Kyɛ ba da de la soba na zaa yuori ba naŋ ba sɛge eŋ a nyɔvore gane poɔ lɔɔ eŋ a baa vũũ poɔ.