1 Gyn 3:3 - Naaŋmen Nɔpaalaa Gane

³ Banaŋ zaa naŋ taa a teɛretɔroo ŋa a Kirista poɔ maŋ pɛge la bamenne, aŋa O naŋ pɛge yi lɛ.

1 Gyn 3:3 ပူးပေါင်းရင်းမြစ်များ

Matio Gane 5:48

Azuiŋ yɛ e noba naŋ tori aŋa a yɛ Saa naŋ be tenvelaa poɔ naŋ tori lɛ.”

Luka 6:36

Yɛ zoro noba nembaaloŋ, aŋa yɛ Saa Naaŋmen naŋ zoro noba nembaaloŋ lɛ.”

Gyɔɔn 17:19

Kyɛ a ba eŋɛ la ka N maale N meŋɛ, ka ka ba meŋ na maale bamenne a yelmeŋɛ poɔ.”

Toma 15:9

A ba yeldeebo zuiŋ, O pɛge la a ba sukyie ka a veɛlɛ, ka tɛɛtɛɛ zaa ba kyebe te ne ba zie.

Urom 15:12

Azaaya laboreŋ yelee la: “A Gyɛse bale neɛ na wa la, a soba na naŋ iri ka O di naaloŋ a Nemboore-yobo zu; O eŋɛŋ la ka a Nemboore-yobo na taa teɛretɔroo.”

Korinti 7:1

N poyɛŋ noba, a nɔɛ ama ba naŋ eŋ ko te zuiŋ, yɛ e ka te peere te enne ane te seere dɛgre zaa bare, a e ka sonnoŋ tori a Naaŋmen dabeɛ̃ zoobu poɔ.

KOLO 1:5

a teɛretɔroo ba naŋ biŋ ko yɛ a tenvelaa poɔ zuiŋ. Yɛ da woŋ la a teɛretɔroo ŋa yɛlɛ yi a yelmeŋɛ yelbiri naŋ e a Ŋmen-yelnoore

II Tesa 2:16

Pampana, ka a te Daana Yeezu Kirista meŋɛ ane a te Saa Naaŋmen, a Onaŋ naŋ nɔŋ te a tu garaaseɛ zie a ko te mooreteroo naŋ ba taa baaroo ane teɛretɔroo meŋɛ,

TITU 3:7

ka ka tenee wa leɛ nensonne a O garaaseɛ zuiŋ, te pãã na nyɛ la a nyɔvo-babaaraa teɛretɔroo gbandiruŋ.

Hiburu 12:14

Yɛ eŋ faŋ a boɔrɔ ka maaroŋ be yɛ ne noba zaa zie ane a sonnoŋ na neɛ naŋ ba taa o, kontoɔ̃ nyɛ a Daana.

Hiburu 6:18

ka ka a na tu a yɛlɛ ayi naŋ ba taa leɛbaroo zie a wuli ka Naaŋmen koŋ baŋ ŋmaa zirii. Tenee banaŋ naŋ zo te kpɛ O nyuo seŋ ka te nyɛ teɛbo kaŋ a na toɔ̃ de a teɛretɔroo ba naŋ biŋ te niŋesogɔ.

Hiburu 7:26

Bonso, a da seŋɛɛ la ka te taa a Naaŋmen bagmaalkare neŋkpoŋ ŋa tɔ, naŋ waa soŋ, a ba taa saanaa zaa, a ba mɔge yelbieri, a tage O meŋɛ yi yelbebe deme poɔ kyɛ ka ba zɛge O do saa gaŋ a saluoni.

Gyimisi 4:8

Yɛ tage peɛle Naaŋmen, O na tage peɛle yɛ la. Yɛ pɛge yɛ nuuri, yɛnee yelbebe deme kyɛ pɛge a yɛ sukyie ka a veɛlɛ, yɛnee teɛroŋ-kpara deme.

1 Pit 1:15

Kyɛ aŋa lɛ a soba na naŋ boɔle yɛ naŋ waa soŋ, yɛ meŋ waa soŋ yɛ yel-erre zaa poɔ.

1 Pit 1:3

Ka Naaŋmen, a te Daana Yeezu Kirista Saa, nyɛ puubu! A O nembaalonzoe naŋ e kpoŋ eŋɛ la ka ba leɛ dɔge te paalaa, ka te pãã taa teɛretɔroo naŋ e vore a Yeezu Kirista kũũ leɛ-iruu eŋɛ,

2 Pit 1:4

A lɛ zuiŋ, O tu la a boma ama zie a eŋ noɔre naŋ taa yuori kyɛ e kpoŋ yaga ko te, ka ka yɛ tu a zie a zo yi a faaloŋ na naŋ be a teŋɛzu a vɔlfaare zuiŋ, a pãã toɔ̃ poɔ a Naaŋmen waaloŋ poɔ.

2 Pit 3:14

Azuiŋ, N poyɛŋ noba, yɛ naŋ kyɛllɛ a yɛlɛ ama, yɛ mɔ ka O wa nyɛ yɛ ka yɛ taa emmaaroŋ, kyɛ ta taa dɛgre bee saanaa zaa.

1 Gyn 2:6

soba na zaa naŋ yeli, “N laŋ ne O la,” seŋ ka o tu a sori na O naŋ da tu.

1 Gyn 4:17

Ŋaa la ka nɔmmo maŋ e soŋ a te poɔ: ka te na ta taa dabeɛ̃ a sɛrɛɛdiibu daare, bonso, a lɛ O naŋ waa, lɛ la ka te waa a teŋɛ ŋa zu.