1 Gyn 3:12 - Naaŋmen Nɔpaalaa Gane

¹² A ba seŋ ka te waa ŋa Keein naŋ da waa lɛ. O da yi la a faaloŋ soba zie, a da ko o yɔɔ. Kyɛ boŋ la so ka o da ko o? A o meŋɛ yel-erre naŋ da waa faa kyɛ ka a o yɔɔ deme da e soŋ zuiŋ la so.

1 Gyn 3:12 ပူးပေါင်းရင်းမြစ်များ

Matio Gane 13:19

A bombie anaŋ ba naŋ da bore a sori zu la neɛzaa naŋ woŋ a naaloŋ yelbiri kyɛ ba baŋ a tɛgɛ, a sebɛlbɛllɛ maŋ wa zeɛ la a bonna ba naŋ bore o sukyiri poɔ gaa ne.

Matio Gane 13:38

a weɛ la a andonɛɛ, ka a bombi-sonne meŋ waa a naaloŋ biiri, ka a narse meŋ waa Setaana biiri.

Matio Gane 23:35

ka a nemmenne na zaa ba naŋ ko zẽẽ a teŋɛzu kyɛ na do yɛ. A yi a nemmeŋɛ Abɛl a te tɔ Zakareya, a Barakiya bidɔɔ. Ona la ka yɛ da ko a Naaŋmen dieŋ, a zisoŋ ane a Naaŋmen bagmaalkuuri kpakyagaŋ.

Matio Gane 27:23

Ka a Pilato leɛ soore ba, “Wola, boŋ yelfaa ka O e?” Ka ba la tanne ne kɔkɔkpeɛne yaga zaa a yele, “Vɛŋ ka ba kpa O dagaraa zu!”

Matio Gane 5:37

Yɛ vɛŋ ka yɛ yelbie waa, ‘Õõ, Õõ’ bee ‘Ai, Ai.’ A ama puoriŋ, yeli zaa yɛ naŋ wa yele dɔglɔ yi la a sebɛlbɛllɛ zie.’

Luka 11:51

a piili ne Abɛl te tɔ Zakareya ba naŋ da ko a Naaŋmen bagmaalkuuri ane a zisoŋ sogɔŋ. Serɛzaa ka N yele korɔ yɛ, a ba dɔgroŋ na dɔgle la a zenɛ noba zu.

Gyɔɔn 10:32

Ka a Yeezu da soore ba, “N toŋ la tonsonne yaga naŋ yi a Saa zie wuli yɛ. A toma ŋa buo soba eŋɛ la ka yɛ na za ma ne a kubo?”

Gyɔɔn 8:40

Kyɛ pampana ŋa, yɛ moɔrɔ la ka yɛ ko ma, neɛ naŋ yeli a yelmeŋɛ O naŋ woŋ yi a Naaŋmen zie ko yɛ. Ŋaa naane ka Aboraham da e.

Gyɔɔn 8:41

Yɛ sereŋ erɛ la yɛlɛ na a yɛ saa naŋ da maŋ erɛ.” Ka ba da yeli ko a Yeezu, “Te ba waa sɛnsɛmbiiri. Saa yeni yoŋ la ka te taa; Ona la a Naaŋmen meŋɛ.”

Toma 7:52

A Ŋmen-yelmanneba buo soba la ka a yɛ sããkommine da ba dɔgre? Ba da ko la a Ŋmen-yelmanneba na zaa naŋ da daŋ moɔle a Nemmeŋɛ Soba waabo yɛlɛ, kyɛ pampana ŋa, yɛnee la yi a O puori kyɛ waa O koorɔ.

I Tesa 2:14

Yɛnee, n yɔɔmine ane n yɔɔpuuli, da leɛ la noba naŋ tɔglɔ a Naaŋmen puoruu laŋne deme naŋ be a Kirista Yeezu eŋɛ a Gyudiya teŋɛ poɔ. Bonso, a yɛmenne noba da dɔgre yɛ la aŋa lɛ ne o zu a Gyuumine naŋ da dɔgre ba.

Hiburu 11:4

Yeldeebo zuiŋ la ka Abɛl da maale bagre na Naaŋmen poɔ naŋ da pɛle ne a gaŋ a bagre Keein naŋ da maale. A yeldeebo ŋa zuiŋ la ka Naaŋmen da sage de Abɛl ka o e nemmeŋɛ. A Naaŋmen meŋɛ la sage de a Abɛl kyɔɔtaare. A Abɛl da kpie la kyɛ naŋ kyɛnɛ yele yɛlɛ a o yeldeebo zuiŋ.

Hiburu 12:24

Yɛ wa la Yeezu, a nɔpaalaa yelmaala zie ane a zẽẽ ba naŋ mere ka a yele yɛlɛ velaa gaŋ a Abɛl zẽẽ.

1 Pit 4:4

Ba nɔɛ maaɛ la ne yɛ naŋ ba la laŋna ne ba erɛ a yeldɛgɛ, ka a lɛ vɛŋ ka ba toorɔ yɛ zoma.

1 Gyn 3:8

Neɛzaa naŋ erɛ yelbebe e la a sebɛlbɛllɛ bie, bonso, a sebɛlbɛllɛ la erɛ yelbebe a yi a piiluu saŋ. A yeli ŋa zuiŋ la ka a Naaŋmen Bie wa, ka O wa sãã a sebɛlbɛllɛ toma bare.

Gyud 1:11

Ba yuori la we! Bonso, ba tu la a Keein sori na, a bare bamenne ko Balaam tuluu tɔnɔ ba naŋ boɔrɔ zuiŋ. Ba wɛ la a Koora koŋwoŋwuluu poɔ.

Yel-iriwulaa Gane 17:6

N da nyɛ la a pɔge ka o kuoli ne a nensonne zẽẽ ane a Yeezu dansediribe zẽẽ. N naŋ da wa nyɛ o, N noɔre da maaɛ la yaga.