1 Gyn 3:10 - Naaŋmen Nɔpaalaa Gane

¹⁰ A ŋaa la na wuli a banaŋ naŋ waa a Naaŋmen bibiiri ane banaŋ naŋ waa a sebɛlbɛllɛ bibiiri: banaŋ zaa naŋ ba erɛ yɛlɛ ka a toro bee a nɔŋ ba yɔɔmine ane ba yɔɔpuuli ba yi Naaŋmen zie.

1 Gyn 3:10 ပူးပေါင်းရင်းမြစ်များ

Matio Gane 13:38

a weɛ la a andonɛɛ, ka a bombi-sonne meŋ waa a naaloŋ biiri, ka a narse meŋ waa Setaana biiri.

Luka 6:35

Kyɛ yɛ nɔnɔ yɛ dɔndɔnne, a erɛ soŋ, a pɛŋnɛ noba, kyɛ ta teɛrɛ ka ba leɛ yɔɔ yɛ. A yɛ san-yɔɔ na e la kpoŋ, ka yɛ e a Naaŋmen Kpeɛ̃õ Zaa Daana biiri, bonso, O maŋ taa la nimimaaroŋ ko a potuo deme ane a nenfaare.

Gyɔɔn 1:12

Kyɛ banaŋ zaa naŋ sage de O yɛlɛ, a sage de O yuori, O da ko ba la kpeɛ̃õ ka ba na leɛ Naaŋmen biiri,

Gyɔɔn 11:52

A paaloŋ faabo yoŋ naane, kyɛ O waɛ la ka O laŋ a Naaŋmen biiri naŋ yaare ziiri zaa taa ziyeni.

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Gyɔɔn 8:47

Soba na zaa naŋ yi Naaŋmen zie maŋ kyɛlle woŋ la a Naaŋmen yelbie. Yɛ naŋ ba yi Naaŋmen zie la so ka yɛ ba wono a yɛlɛ.”

Toma 13:10

kyɛ yeli, “Fõõ sebɛlbɛllɛ bie, mennoŋ zaa dɔndɔmɔ, fo paale ne la bɛllɛ kyɛ e golgole soba. Fo koŋ bare a Daana sobie naŋ tori gɔŋbaroo be?

Urom 13:8

Yɛ ta di neɛzaa sane, ka nɔmmo yɛ naŋ na nɔŋ taa naane; bonso, soba na naŋ nɔŋ o tɔsoba tu seŋ la lɛ a bege naŋ wuli.

EFESU 5:1

Azuiŋ, yɛ tɔglɔ Naaŋmen yɛ naŋ waa O poyɛŋ biiri,

KOLO 3:14

A gaŋ a zaa, yɛ de nɔmmo su pɔge yɛmenne, ona la maŋ leŋ boma zaa lantaa velaa zaa.

1 Tim 1:5

Kyɛ a wuluu ŋa yelnyɔgraa la nɔmmo naŋ yire sukyirpelaa, teɛroŋ soŋ ane yeldeebo naŋ waa meŋɛ zie.

1 Gyn 2:29

Ka yɛnee baŋ ka a Kirista e la nemmeŋɛ, yɛ sereŋ na baŋ ka neɛzaa naŋ erɛ yɛlɛ ka a tori e la Naaŋmen bidɔgraa.

1 Gyn 3:1

Yɛ nyɛ nɔmmo na tɔ a Saa naŋ nɔŋ te, a e ka ba boɔlɔ te Naaŋmen bibiiri; ka te sereŋ waa a lɛ. Bon naŋ so ka a teŋɛzu noba ba baŋ te la, ba da ba baŋ Naaŋmen.

1 Gyn 3:2

N poyɛŋ noba, pampana, te waa la Naaŋmen biiri, kyɛ bon te naŋ na waa naŋ ba sãã sɛre. Bon te naŋ baŋ la ŋa: ka O naŋ wa sãã te na waa ŋa lɛ O naŋ waa, bonso, te na nyɛ O la a lɛ O naŋ waa.

1 Gyn 4:21

A noɔre te naŋ de yi a Kirista zie la ŋa: banaŋ naŋ nɔŋ Naaŋmen seŋ ka ba nɔnɔ ba yɔɔmine ane ba yɔɔpuuli meŋ.

1 Gyn 4:6

Te yi la Naaŋmen zie. Soba na zaa naŋ baŋ Naaŋmen maŋ kyɛlle woŋ la te yɛlɛ, kyɛ soba na zaa naŋ ba yi Naaŋmen zie ba kyɛllɛ te yɛlɛ. A ŋaa zie la ka te maŋ baŋ a yelmeŋɛ vooroŋ ane a tuluu vooroŋ.

1 Gyn 4:8

Soba na zaa naŋ ba taa nɔmmo ba baŋ Naaŋmen, bonso, Naaŋmen waa la nɔmmo.

1 Gyn 5:19

Te baŋ ka te e la Naaŋmen bibiiri, kyɛ ka a andonɛɛ zaa be a faaloŋ soba kpeɛ̃õ puliŋ.

1 Gyn 5:2

Ŋaa zie la ka te maŋ baŋ ka te nɔŋ la a Naaŋmen bibiiri, ka tenee wa nɔŋ Naaŋmen kyɛ sagra O nɔɛ.

3 Gyn 1:11

N poyɛŋ neɛ, ta tɔglɔ yelfaare, tɔglɔ yelveɛle. Soba na zaa naŋ erɛ yelveɛle yi la Naaŋmen zie, ka soba na zaa naŋ erɛ yelfaare ba nyɛ Naaŋmen.