1 Gyn 3:1 - Naaŋmen Nɔpaalaa Gane

¹ Yɛ nyɛ nɔmmo na tɔ a Saa naŋ nɔŋ te, a e ka ba boɔlɔ te Naaŋmen bibiiri; ka te sereŋ waa a lɛ. Bon naŋ so ka a teŋɛzu noba ba baŋ te la, ba da ba baŋ Naaŋmen.

1 Gyn 3:1 ပူးပေါင်းရင်းမြစ်များ

Luka 20:36

Serɛzaa, ba koŋ la baŋ kpi, bonso, ba na waa seŋ ŋa malekere. Ba na waa la Naaŋmen bibiiri, ba naŋ leɛ-iri a kuuni poɔ zuiŋ.

Gyɔɔn 1:12

Kyɛ banaŋ zaa naŋ sage de O yɛlɛ, a sage de O yuori, O da ko ba la kpeɛ̃õ ka ba na leɛ Naaŋmen biiri,

Gyɔɔn 11:52

A paaloŋ faabo yoŋ naane, kyɛ O waɛ la ka O laŋ a Naaŋmen biiri naŋ yaare ziiri zaa taa ziyeni.

Gyɔɔn 15:21

Kyɛ ba na e yɛ la a ama zaa a N yuori zuiŋ, bonso, ba ba baŋ a soba na naŋ toŋ ma.

Gyɔɔn 16:3

Ba na e la a ŋaa ba naŋ ba baŋ a Saa bee maa zuiŋ.

Gyɔɔn 17:25

“Yelmennoŋ Saa, a teŋɛzu noba ba baŋ fo kyɛ maa baŋ fo la, ka a noba bama meŋ baŋ ka fõõ la toŋ ma.

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Urom 5:8

Kyɛ Naaŋmen wuli la O nɔmmo ko te, bonso, te naŋ da naŋ waa yelbe-erebɛ, a Kirista da kpi la te zuiŋ.

Urom 8:19

Bonso, a Naaŋmen bon-iri zaa kyɛllɛ ne la eŋkyere a bebiri na daare ba naŋ na iri a Naaŋmen biiri wuli;

Urom 8:21

ka ka a Naaŋmen bon-iri meŋɛ na nyɛ faabo yi gbaŋgbaaloŋ naŋ na poɔ̃ poɔ, kyɛ na nyɛ a Naaŋmen biiri faabo puubu.

Urom 8:32

Soba na naŋ da ba zagre ka O de O meŋɛ Bidɔɔ tere te zaa zuiŋ, O koŋ ko te bonzaa a laŋ ne a O Bidɔɔ be?

Korinti 6:18

ka N waa yɛ saa, kyɛ ka yɛ waa N bidɔbɔ ane N pɔgeyaare, a Kpeɛ̃õ Zaa Daana la yele.”

Galesiya 3:26

bonso a Kirista Yeezu poɔ, yɛ zaa waa la Naaŋmen biiri a yi yeldeebo eŋɛ.

Galesiya 3:29

Ka fõõ wa e a Kirista soobo, ka lɛ fo waa la Aboraham bie, a e gbandire a seŋ lɛ ba naŋ da eŋ a noɔre tere.

KOLO 3:3

bonso, yɛ kpie la ka a yɛ nyɔvoɛ sɔgle a Kirista naŋ be Naaŋmen poɔ.

1 Gyn 3:10

A ŋaa la na wuli a banaŋ naŋ waa a Naaŋmen bibiiri ane banaŋ naŋ waa a sebɛlbɛllɛ bibiiri: banaŋ zaa naŋ ba erɛ yɛlɛ ka a toro bee a nɔŋ ba yɔɔmine ane ba yɔɔpuuli ba yi Naaŋmen zie.

1 Gyn 3:2

N poyɛŋ noba, pampana, te waa la Naaŋmen biiri, kyɛ bon te naŋ na waa naŋ ba sãã sɛre. Bon te naŋ baŋ la ŋa: ka O naŋ wa sãã te na waa ŋa lɛ O naŋ waa, bonso, te na nyɛ O la a lɛ O naŋ waa.

1 Gyn 4:17

Ŋaa la ka nɔmmo maŋ e soŋ a te poɔ: ka te na ta taa dabeɛ̃ a sɛrɛɛdiibu daare, bonso, a lɛ O naŋ waa, lɛ la ka te waa a teŋɛ ŋa zu.

Yel-iriwulaa Gane 21:7

A banaŋ naŋ zɔɔtoɔ̃ na di la a boma ama gbandiruŋ, kyɛ N na waa la ba Naaŋmen ka ba meŋ waa N bibiiri.