1 Gyn 2:3 - Naaŋmen Nɔpaalaa Gane

³ Pampana, yeli ŋa la na wuli ka te sereŋ baŋ O la, ka tenee wa sagra a O nɔɛ.

1 Gyn 2:3 ပူးပေါင်းရင်းမြစ်များ

Luka 6:46

“Bonso ka yɛ boɔlɔ ma ‘Daana, Daana,’ kyɛ ba erɛ bonna N naŋ yele korɔ yɛ?

Gyɔɔn 14:15

Ka yɛnee wa nɔŋ ma, yɛ na sagra la a N nɔɛ.

Gyɔɔn 15:10

Ka yɛnee wa sagra a N nɔɛ, yɛ na be la a N nɔmmo poɔ, aŋa lɛ N naŋ sagra a N Saa nɔɛ a be a O nɔmmo poɔ lɛ.

Gyɔɔn 15:14

Ka yɛnee wa sagra N nɔɛ, yɛ waa la N bamine.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Korinti 4:6

Bonso, Ona la a Naaŋmen naŋ da yeli, “Vɛŋ ka veɛloŋ puri sãã ligruŋ poɔ.” Ona meŋɛ la e ka a O veɛloŋ kyaane a te sukyie poɔ, ka te na baŋ a Naaŋmen puubu na naŋ sãã a Kirista niŋesogɔ.

Hiburu 5:9

Ba naŋ pãã da wa e ka O tori baare, O da leɛ la faabo naŋ ba taa baaroo yiibu zie a ko banaŋ zaa naŋ sagra O noɔre,

1 Gyn 2:13

N saamine, N sɛgrɛ korɔ yɛ la, bonso, yɛ baŋ la a soba na naŋ bebe a yi a piiluu saŋ. Baapaalba, N sɛgrɛ korɔ yɛ la, bonso, yɛ zɔɔtoɔ̃ la a faaloŋ soba.

1 Gyn 3:14

Te baŋ ka te yi la kũũ poɔ a kpɛ nyɔvore poɔ, te naŋ nɔŋ taa zuiŋ. Soba na zaa naŋ ba taa nɔmmo be la kũũ poɔ.

1 Gyn 3:19

A ŋaa zie la ka te na baŋ ka te e la yelmenne deme kyɛ na taa bambaare Naaŋmen niŋesogɔ,

1 Gyn 3:6

Neɛzaa naŋ be O poɔ ba erɛ yelbebe. Neɛzaa naŋ erɛ yelbebe ba nyɛ O bee a baŋ O.

1 Gyn 4:13

A ŋaa zie ka te baŋ ka te be la Naaŋmen poɔ ka O meŋ be te poɔ, O naŋ ko te a O Vooroŋ Soŋ zuiŋ.

1 Gyn 4:7

N poyɛŋ noba, yɛ e ka te nɔnɔ taa, bonso, nɔmmo yi la Naaŋmen zie. Neɛzaa naŋ taa nɔmmo, waa la neɛ Naaŋmen naŋ dɔge, ka o baŋ Naaŋmen.

1 Gyn 5:19

Te baŋ ka te e la Naaŋmen bibiiri, kyɛ ka a andonɛɛ zaa be a faaloŋ soba kpeɛ̃õ puliŋ.

1 Gyn 5:2

Ŋaa zie la ka te maŋ baŋ ka te nɔŋ la a Naaŋmen bibiiri, ka tenee wa nɔŋ Naaŋmen kyɛ sagra O nɔɛ.

1 Gyn 5:3

Bonso, a Naaŋmen nɔmmo la ŋa, ka te sagra a O nɔɛ. Kyɛ a O nɔɛ tuubu ba waa tuo,

Yel-iriwulaa Gane 12:17

Lɛ la ka a wa-beɛ suuri da iri ne a pɔge, ka o da gaa ka o zɔɔ ne a pɔge biiri na naŋ kyɛre, a banaŋ naŋ tuuro a Naaŋmen nɔɛ a kyɛ sage di a Yeezu danseɛ.

Yel-iriwulaa Gane 14:12

A nensonne, a banaŋ naŋ tuuro a Naaŋmen nɔɛ kyɛ kpimare a ba yeldeebo a Yeezu eŋɛ kannyiri diibu yelteɛbo la ŋa.

Yel-iriwulaa Gane 22:14

A banaŋ naŋ pɛge a ba kparre nyɛ la maaloo. Ba na nyɛ la sori di a nyɔvore teɛ wɔmɔ kyɛ tu a dendɔɛ kpɛ a teŋkpoŋ poɔ.