1 Gyn 2:16 - Naaŋmen Nɔpaalaa Gane

¹⁶ bonso, a boma na zaa naŋ be a teŋɛzu (a eŋgane yelboɔre, boma nimie naŋ nɔŋ ka a nyɛrɛ, bondaanoŋ pɔloo) kanzaa ba yi a Saa zie, kyɛ a yi la a teŋɛzu.

1 Gyn 2:16 ပူးပေါင်းရင်းမြစ်များ

Matio Gane 4:8

A sebɛlbɛllɛ da laboreŋ taa O la te do ne taŋ wogiwogi kaŋ zu a te wuli O a tendaa paaloŋ naaloŋ zaa ane a veɛloŋ;

Matio Gane 5:28

Kyɛ maa yele korɔ yɛ la, ka neɛzaa wa kaa pɔge ne peɛ̃mo vɔlaa, o soba gaŋ ne o la o sukyiri poɔ.

Luka 4:5

Lɛ la ka a sebɛlbɛllɛ da taa O daadaalɛ te do ne zie naŋ zɛge do a te wuli O a tendaa naaloŋ zaa,

Urom 13:14

Kyɛ yɛ de a Daana Yeezu Kirista ka O waa yɛ zɔɔzɔɔ-bon, a ta bare vuo fẽẽ zaa ko a eŋɛ vɔlfaare ka a nyɛ a boɔbo.

1 Kor 10:6

A yɛlɛ ama da eɛɛ la ka a e yelwulaa ko te, ka ka te na ta boɔrɔ yelfaare aŋa ba naŋ da e lɛ.

Galesiya 5:17

Bonso, bonna zaa a eŋgane naŋ boɔrɔ maŋ zɔɔrɔ ne la a Vooroŋ Soŋ, ka bonna a Vooroŋ Soŋ naŋ boɔrɔ meŋ zɔɔrɔ ne a eŋgane; bonso a ama zɔɔrɔ ne la taa, ka ka a pigi yɛ sori ka yɛ ta toɔ̃ e yeli na yɛ naŋ boɔrɔ.

Galesiya 5:24

Kyɛ banaŋ naŋ e a Kirista Yeezu soobo kpa la a eŋgane laŋ ne o vɔlfaare ane o yelboɔre.

EFESU 2:3

Te zaa da poɔ la a poɔ, a be a te eŋgane vɔlfaare poɔ, a tuuro a te enne ane te yɛŋ yelboɔre, kyɛ da waa supuriyaaraa biiri a te nensaaloŋ poɔ, aŋa lɛ neɛzaa naŋ da waa.

TITU 2:12

a wullo te ka te bare yelfaare ane vɔlfaare, kyɛ vɛŋ ka a te nyɔvoɛ te naŋ taa a zenɛ bebiri wuli ka te baŋ la temenne taabo, a e noba naŋ tori kyɛ taa Naaŋmennoŋ,

TITU 3:3

Bonso, temenne da waa la dambolo saŋ kaŋ naŋ tɔle, a ba sagra nɔɛ, a waa noba naŋ da bɔre, a waa vɔlfa-boorɔ zaa ane a eŋgane yelboɔre gbaŋgbaare, a da waa potuodeme, a erɛ nyuuri kyɛ kyiire taa.

Gyimisi 3:15

A yɛŋ ŋa tɔ ba yi Naaŋmen zie sigi wa, kyɛ o waa la teŋɛzu yɛŋ, a waa nensaaloŋ ane a sebɛlbɛllɛ yɛŋ.

Gyimisi 4:16

Kyɛ lɛ a naŋ waa, yɛ wullo la yɛmenne a erɛ pɔloo, kyɛ a pɔloo eebo ŋa e la yelfaa.

1 Pit 1:14

Aŋa bibiiri naŋ sagra noɔre, yɛ ta la tuuro a yɛ koroŋ yelboɔre na yɛ naŋ da taa a yɛ babammo saŋ.

1 Pit 2:11

N poyɛŋ noba, N sɔrɔ yɛ la aŋa yɛ naŋ waa nɔɔre ane noba ba naŋ digi bare ka yɛ be teŋyuo poɔ, yɛ bare a eŋgane vɔlfaare naŋ zɔɔrɔ ne yɛ seere.

2 Pit 2:10

a gaŋ a zaa, banaŋ naŋ nɔŋ eŋgane vɔlfaare yɛlɛ kyɛ ba eŋnɛ nembɛrɛ. A ba zukuoŋ-yɛlɛ zuiŋ, ba da ba zoro dabeɛ̃ ka ba to noba naŋ taa gyeremɛ zoma,

2 Pit 2:18

Ba maŋ yeli la yelbi-bɛrɛ naŋ ba taa tɛgɛ kyɛ de eŋgane vɔlfaare yɛlɛ bɛlle ne noba na naŋ da zo yi a banaŋ naŋ da be tuluu poɔ.