1 Gyn 2:13 - Naaŋmen Nɔpaalaa Gane

¹³ N saamine, N sɛgrɛ korɔ yɛ la, bonso, yɛ baŋ la a soba na naŋ bebe a yi a piiluu saŋ. Baapaalba, N sɛgrɛ korɔ yɛ la, bonso, yɛ zɔɔtoɔ̃ la a faaloŋ soba.

1 Gyn 2:13 ပူးပေါင်းရင်းမြစ်များ

Matio Gane 11:27

A N Saa de la a boma zaa ko ma. Neɛzaa ba baŋ a Bidɔɔ, ka a Saa yoŋ naane, ka neɛzaa meŋ ba baŋ a Saa ka a Bidɔɔ yoŋ naane, ane banaŋ yoŋ a Bidɔɔ naŋ boɔrɔ ka O wuli ba a Saa.”

Matio Gane 13:19

A bombie anaŋ ba naŋ da bore a sori zu la neɛzaa naŋ woŋ a naaloŋ yelbiri kyɛ ba baŋ a tɛgɛ, a sebɛlbɛllɛ maŋ wa zeɛ la a bonna ba naŋ bore o sukyiri poɔ gaa ne.

Matio Gane 13:38

a weɛ la a andonɛɛ, ka a bombi-sonne meŋ waa a naaloŋ biiri, ka a narse meŋ waa Setaana biiri.

Matio Gane 5:37

Yɛ vɛŋ ka yɛ yelbie waa, ‘Õõ, Õõ’ bee ‘Ai, Ai.’ A ama puoriŋ, yeli zaa yɛ naŋ wa yele dɔglɔ yi la a sebɛlbɛllɛ zie.’

Luka 10:22

A N Saa de la a boma zaa ko ma. Neɛzaa ba baŋ neɛ na a Bidɔɔ naŋ waa, ka a Saa yoŋ naane. Neɛzaa meŋ ba baŋ neɛ na a Saa naŋ waa, ka a Bidɔɔ yoŋ naane ane banaŋ a Bidɔɔ naŋ boɔrɔ ka O de a Saa wuli ba.”

Gyɔɔn 14:7

Ka yɛnee baŋ ma, yɛ na baŋ la a Saa meŋ. A yi ŋaa kyɛ gɛrɛ, yɛ baŋ O la kyɛ nyɛ O meŋ.”

Gyɔɔn 14:9

Ka a Yeezu da soore o, “Filipi, N naŋ be a yɛ zie te kɔɔre seŋ a ŋaa, kyɛ ka yɛ naŋ ba baŋ ma? Neɛ na zaa naŋ nyɛ ma nyɛ la a Saa. Wola ka fo na yeli, ‘Wuli te a Saa’?

Gyɔɔn 16:3

Ba na e la a ŋaa ba naŋ ba baŋ a Saa bee maa zuiŋ.

Gyɔɔn 16:33

N daŋ yeli la a ŋaa ko yɛ ka ka yɛ na taa emmaaroŋ N zie. Yɛ na nyɛ la dɔgroŋ a teŋɛzu, kyɛ yɛ nyɔge yɛmenne, bonso, N zɔɔtoɔ̃ la a tendaa!”

Gyɔɔn 17:21

ka ba zaa na e yeni. N Saa, aŋa fo naŋ be N poɔ ka N meŋ be fo poɔ lɛ, e ka ba meŋ be te poɔ. Lɛ la ka a tendaa noba na sage de ka fõõ la toŋ ma.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 8:19

Lɛ la ka ba soore O, “Yeŋ ka a fo Saa be?” Ka a Yeezu da yeli sɔge ba, “Yɛ ba baŋ ma bee a N Saa. Ka yɛnee da baŋ ma, yɛ da na baŋ la a N Saa meŋ.”

Korinti 4:6

Bonso, Ona la a Naaŋmen naŋ da yeli, “Vɛŋ ka veɛloŋ puri sãã ligruŋ poɔ.” Ona meŋɛ la e ka a O veɛloŋ kyaane a te sukyie poɔ, ka te na baŋ a Naaŋmen puubu na naŋ sãã a Kirista niŋesogɔ.

1 Tim 5:1

Ta wa yele yɛlɛ tanna dɔɔnyaŋaa, kyɛ maŋ yeli yɛlɛ ko o aŋa fo saa, a yele yɛlɛ korɔ a pɔlbilii fo naŋ kore aŋa fo yɔɔmine,

TITU 2:6

A lɛ ne o zu, sɔre a bipɔlɔ ka ba baŋ bamenne taabo.

1 Gyn 1:1

Te yele korɔ yɛ la bon naŋ da bebe a yi a piiluu saŋ, bon te naŋ da woŋ, bon te naŋ da nyɛ ne te nimie ane bon te naŋ da kaa nyɛ kyɛ seene ne te nuuri a kyaare ne a nyɔvore yelbiri.

1 Gyn 2:1

N bibiiri, N sɛgrɛ la a yɛlɛ ama korɔ yɛ ka ka yɛ na ta erɛ yelbieri. Kyɛ ka yɛ kanzaa wa e yelbieri, te taa la soŋnɔ a Saa zie. Ona la Yeezu Kirista, a nemmeŋɛ.

1 Gyn 2:12

N bibiiri, N sɛgrɛ korɔ yɛ la, bonso, a yɛ yelbebe nyɛ la sudi a Yeezu yuori zuiŋ.

1 Gyn 2:14

Bibiiri, N sɛgrɛ korɔ yɛ la, bonso, yɛ baŋ la a Saa. Saamine, N sɛgrɛ korɔ yɛ la, bonso, yɛ baŋ la a soba na naŋ bebe a yi a piiluu saŋ. Baapaalba, N sɛgrɛ korɔ yɛ la, bonso, yɛ taa la faŋ ka a Naaŋmen yelbiri be yɛ poɔ, kyɛ ka yɛ zɔɔtoɔ̃ a faaloŋ soba.

1 Gyn 3:12

A ba seŋ ka te waa ŋa Keein naŋ da waa lɛ. O da yi la a faaloŋ soba zie, a da ko o yɔɔ. Kyɛ boŋ la so ka o da ko o? A o meŋɛ yel-erre naŋ da waa faa kyɛ ka a o yɔɔ deme da e soŋ zuiŋ la so.

1 Gyn 4:4

N bibiiri, yɛ yi la Naaŋmen zie, a zɔɔtoɔ̃ ba; bonso, a soba na naŋ be yɛ poɔ waa la kpoŋ gaŋ a soba na naŋ be a teŋɛzu.

1 Gyn 5:18

Te baŋɛɛ la ka banaŋ Naaŋmen naŋ dɔge ba erɛ yelbieri, kyɛ a soba na Naaŋmen naŋ dɔge maŋ gu ba la taa ka a faaloŋ soba koŋ seene ba.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.

Yel-iriwulaa Gane 12:11

Kyɛ ba zɔɔtoɔ̃ o la ne a Pilee zẽẽ ane a ba yelbiri danseɛ, bonso, ba da ba kpimare nyɔvore, haali ka ba naŋ da na kpi gba.

Yel-iriwulaa Gane 2:7

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. N na ko la a soba na naŋ zɔɔtoɔ̃ sori ka o di a nyɔvore teɛ wɔmɔ naŋ be a Naaŋmen tenvelaa gaaden poɔ.”