1 Gyn 2:1 - Naaŋmen Nɔpaalaa Gane

¹ N bibiiri, N sɛgrɛ la a yɛlɛ ama korɔ yɛ ka ka yɛ na ta erɛ yelbieri. Kyɛ ka yɛ kanzaa wa e yelbieri, te taa la soŋnɔ a Saa zie. Ona la Yeezu Kirista, a nemmeŋɛ.

1 Gyn 2:1 ပူးပေါင်းရင်းမြစ်များ

Luka 10:22

A N Saa de la a boma zaa ko ma. Neɛzaa ba baŋ neɛ na a Bidɔɔ naŋ waa, ka a Saa yoŋ naane. Neɛzaa meŋ ba baŋ neɛ na a Saa naŋ waa, ka a Bidɔɔ yoŋ naane ane banaŋ a Bidɔɔ naŋ boɔrɔ ka O de a Saa wuli ba.”

Gyɔɔn 10:15

aŋa lɛ N Saa naŋ baŋ ma ka N meŋ baŋ O. Kyɛ N de la N nyɔvore tere a N peere zuiŋ.

Gyɔɔn 13:33

N bibiiri, N koŋ la be yɛ zie ka a la kɔɔre yaga. Yɛ na bɔ ma la, kyɛ a ŋa N naŋ da yeli ko a Gyuumine lɛ, a lɛ ka N yele korɔ yɛ, ‘A zie N naŋ gɛrɛ, yɛ koŋ baŋ wa be.’

Gyɔɔn 14:16

Kyɛ N na sɔre la a Saa ka O ko yɛ Soŋnɔ ka O wa be yɛ zie tegitegilɛ.

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 21:5

A Yeezu pãã da soore ba la, “N Bibiiri, yɛ ba taa zoma be?” Ka ba da yeli sɔge, “Ai.”

Gyɔɔn 5:14

A lɛ puoriŋ, a Yeezu da te nyɛ o la a Naaŋmen die poɔ a da yeli ko o, “Nyɛ, fo nyɛ la laafeɛ! Tɔɔ daŋ la wa erɛ yelbieri zaa ka yelfaa zaa ta wa pɔge fo.”

Gyɔɔn 5:36

Kyɛ N taa la danseɛ naŋ gaŋ a Gyɔɔn deni. A toma na N Saa naŋ ko ma ka N na toŋ te baare, a toma na ne a zu N naŋ tonɔ la dire danseɛ ka a Saa la toŋ ma.

Gyɔɔn 6:27

Yɛ ta tonɔ boɔrɔ bondirii naŋ na maŋ wɛ, kyɛ yɛ boɔrɔ anaŋ naŋ na terɛ nyɔvore naŋ ba taa baaroo. Ana la ka a Nensaala Bie na ko yɛ, bonso, Ona la ka a Saa Naaŋmen tere kpeɛ̃õ.”

Gyɔɔn 8:11

Ka a pɔge da yeli, “Daana, neɛzaa ba kyebe.” Ka a Yeezu da yeli, “N meŋ koŋ yeli ka fo taa la saanaa seŋ ne kũũ. Gɛrɛ fo gaabo zie, kyɛ a naŋ yi a ŋaa gɛrɛ, tɔɔ la wa erɛ yelbieri.”]

Toma 7:52

A Ŋmen-yelmanneba buo soba la ka a yɛ sããkommine da ba dɔgre? Ba da ko la a Ŋmen-yelmanneba na zaa naŋ da daŋ moɔle a Nemmeŋɛ Soba waabo yɛlɛ, kyɛ pampana ŋa, yɛnee la yi a O puori kyɛ waa O koorɔ.

Urom 5:10

Ka teneŋ da naŋ waa dɔndɔnne kyɛ ka te ne Naaŋmen da leɛ maale taa yi a O Bidɔɔ kũũ eŋɛ, serɛzaa, te naŋ leɛ maale taa, te na nyɛ la faabo a O Bidɔɔ nyɔvore zuiŋ.

Urom 6:15

Boŋ pãã la? Te erɛ yelbieri te naŋ ba la be a bege puliŋ kyɛ be a garaaseɛ puliŋ zuiŋ be? A koŋ baŋ waa lɛ togitogi!

Urom 8:34

Nembuo la na tere saanaa? A Kirista Yeezu la, Ona la da kpi, õõ, Ona la ka ba da e ka O leɛ-iri a kuuni poɔ, a be a Naaŋmen nuduluŋ seŋ, a sereŋ puoro sɔrɔ korɔ te.

1 Kor 15:34

Yɛ leɛ taa teɛroŋ velaa kyɛ bare yelbebe eebo. Bonso, a noba mine ba baŋ Naaŋmen togitogi. N yele la a yeli ŋa ka ka vi kpɛ yɛ.

Korinti 5:21

A te zuiŋ, Naaŋmen da eɛɛ la ka a Kirista naŋ da ba taa yelbieri, tuo a te yelbieri ka ka te na tu O zie a leɛ taa Naaŋmen mennoŋ.

Galesiya 4:19

N bibiiri, a yɛ zuiŋ la ka N la wono tuo aŋa pɔge poɔ naŋ beɛrɛ bidɔge poɔ a na te ta saŋ na yɛ naŋ na taa a Kirista waaloŋ.

EFESU 2:18

Bonso, a Kirista zie la ka te zaa taa sori a na toɔ̃ tu a Vooroŋ Soŋ yeni zie ta a Saa.

EFESU 4:26

Ka yɛ suuri wa iri kyɛ yɛ ta e yelbieri; yɛ ta maŋ vɛŋ ka yɛ suuri iri te kpɛ ŋmenaa.

1 Tim 2:5

Bonso Naaŋmen yeni yoŋ la bebe; ka yelmaala yeni meŋ be Naaŋmen ane nensaalba sogɔŋ. Ona la a Kirista Yeezu naŋ sereŋ waa nensaala,

1 Tim 3:14

N teɛrɛ la ka a koŋ kɔɔre kyɛ ka N wa yɛ zie, kyɛ N sɛgrɛ la a wuluu ama korɔ yɛ ka ka

Hiburu 9:24

Bonso, a Kirista da ba kpɛ a zisoŋ zie ba naŋ de nensaalba nuuri maale ne ka o waa a tenvelaa bon-tɔgle-maalaa meŋɛ, kyɛ O da kpɛ la tenvelaa meŋɛ, a pãã na maŋ are a Naaŋmen niŋesogɔ te zuiŋ.

Gyimisi 1:27

Puoruu naŋ veɛlɛ, ka dɛgre zaa ba kye o poɔ a Saa Naaŋmen zie la ŋa: kaara bikpeere ane pɔg-kɔbɔ zu a ba woore poɔ, kyɛ gu fo meŋɛ, a ta mɔge faaloŋ a teŋɛzu.

Gyimisi 3:9

Te maŋ de o la danne ne a Daana te Saa, kyɛ la de o kaa-eŋ banaŋ ba naŋ iri ka ba taa a Naaŋmen waaloŋ.

1 Pit 2:22

“O da ba e yelbieri zaa, ka zirii zaa ba yi O noɔre poɔ.”

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

1 Gyn 3:18

N bibiiri, yɛ ta vɛŋ ka te nɔmmo e noɔre poɔ nɔmmo, kyɛ te taa nɔmmo ne yelmennoŋ ane te eroŋ poɔ.

1 Gyn 3:5

Yɛ baŋ ka O da waɛ la ka O wa de yelbebe bare, ka yelbieri zaa ba kye O poɔ.

1 Gyn 3:7

N bibiiri, yɛ ta vɛŋ ka neɛzaa bɛlle yɛ. Neɛzaa naŋ erɛ yɛlɛ naŋ tori e la nemmeŋɛ, aŋa lɛ a Kirista naŋ e nemmeŋɛ.

1 Gyn 4:4

N bibiiri, yɛ yi la Naaŋmen zie, a zɔɔtoɔ̃ ba; bonso, a soba na naŋ be yɛ poɔ waa la kpoŋ gaŋ a soba na naŋ be a teŋɛzu.

1 Gyn 5:17

Yelfaare zaa e la yelbieri, kyɛ yelbieri kaŋ bebe la a ba e kũũ yelbieri.

1 Gyn 5:21

N bibiiri, yɛ gu yɛmenne yi tebɛ enne.

3 Gyn 1:4

N koŋ baŋ taa popeɛloŋ zaa ka o e kpoŋ gaŋ ŋaa, ne N naŋ woŋ ka N bibiiri kyɛnɛ la a yelmeŋɛ poɔ.