1 Gyn 1:7 - Naaŋmen Nɔpaalaa Gane

⁷ Kyɛ ka teneŋ wa kyɛnɛ a kyaane poɔ aŋa lɛ Naaŋmen meŋɛ naŋ be a kyaane poɔ, te taa la laŋne ne taa, ka a O Bie Yeezu zẽẽ pɛge a te yelbebe zaa bare.

1 Gyn 1:7 ပူးပေါင်းရင်းမြစ်များ

Matio Gane 6:12

Di te saanaa suuri ko te, aŋa lɛ te naŋ dire suuri korɔ banaŋ naŋ sãã te.

Gyɔɔn 1:29

A nyaazie daare, Gyɔɔn da nyɛ la a Yeezu ka O waana o zie, ka o da yeli, “Yɛ nyɛ a Naaŋmen Pilee. Ona la na peere a andonɛɛ yelbieri bare!

Gyɔɔn 12:35

Ka a Yeezu da yeli ko ba, “A kyaane be la yɛ zie ka a kɔɔre belaa. Yɛ naŋ taa a kyaane, yɛ kyɛnɛ a kyaane poɔ, ka ligruŋ ta wa ligi pɔge yɛ. Ka yɛnee wa kyɛnɛ lige poɔ, yɛ ba maŋ baŋ zie yɛ naŋ gɛrɛ.

Gyɔɔn 5:4

Ba da maŋ kyɛllɛ la a koɔ̃ dɔ̃ɔ̃mo saŋ, bonso, wagre mine poɔ a Daana maleke da maŋ sigi wa la a koɔ̃-puu zie, a wa dɔ̃ɔ̃ a koɔ̃. Soba na zaa naŋ wa daŋ kpɛ a koɔ̃ saŋ na ba naŋ wa dɔ̃ɔ̃ a baare, maŋ nyɛ la sammo yi o baaloŋ na zaa o naŋ beɛrɛ.]

Urom 13:12

A zie sɔgɛɛ la gaa tɔɔre yaga, ka zinyaane peɛle. Yɛ vɛŋ ka te pãã lɔɔ a ligruŋ toma bare, kyɛ de a veɛloŋ zɔɔre boma su.

1 Kor 6:11

Kyɛ a ŋaa la ka yɛ mine da waa, kyɛ ka ba da pɛge yɛ. Yɛ da nyɛ la pɛgeyiibu, a nyɛ bo-soŋ a Daana Yeezu Kirista yuori eŋɛ ane a te Naaŋmen Vooroŋ eŋɛ.

EFESU 1:7

A O Poyɛŋ Bie zẽẽ zie la ka te tu nyɛ faabo, a nyɛ yelbebe sudi yi a O garaase-tɛɛtɛɛ naŋ ba poɔrɔ,

EFESU 5:8

Bonso, saŋ kaŋ yɛ da be la ligruŋ poɔ kyɛ pampana, a Daana eŋɛ, yɛ be la kyaane poɔ. Yɛ taa yɛ nyɔvoɛ aŋa kyaane biiri,

1 Tim 6:16

O yoŋ la koŋ baŋ kpi kyɛ kpeɛrɛ veɛloŋ poɔ neɛzaa naŋ kontoɔ̃ ta. Ona la ka neɛzaa daŋ ba nyɛ bee a na baŋ nyɛ; Ona la so puubu ane kpeɛ̃õ naŋ ba taa baaroo. Ameena.

TITU 2:14

Ona la da de O meŋɛ tere ka O faa te yi yelbebe zaa poɔ kyɛ peere te ka te yi fanana a waa O meŋɛ noba naŋ kyerɛ ne tonsonne tommo.

Hiburu 9:14

wola ka a Kirista zẽẽ O naŋ tu a Vooroŋ Soŋ naŋ ba taa baaraa zie a de O meŋɛ naŋ ba taa saanaa zaa ko Naaŋmen koŋ baŋ maale a te sukyie yaga zaa a yi ne yɛlɛ naŋ ba taa tɔnɔ zie ka te na toɔ̃ puoro a Naaŋmen-vore!

Gyimisi 1:17

Mennoŋ kyɔɔtaare teroo zaa ane kyɔɔtaa zaa naŋ soma yi la sazu, a veɛloŋ Saa zie a sazu poɔ sigre waana. Ona la ba leɛrɛ bee a taa ligruŋ zaa.

1 Pit 1:19

kyɛ a Kirista zẽẽ naŋ taa yuori la ka ba de faa ne yɛ; aŋa pilee naŋ ba taa faaloŋ bee saanaa zaa.

1 Gyn 1:3

Bon te naŋ da nyɛ kyɛ da woŋ yɛlɛ la ka te yele korɔ yɛ ka ka yɛ meŋ na laŋ ne te. Kyɛ serɛzaa, a te lantaa e la te ne a Saa ne a O Bie Yeezu Kirista lantaa.

1 Gyn 1:5

A duoro te naŋ da woŋ yi a Yeezu zie a yele korɔ yɛ la ŋa: Naaŋmen e la kyaane, ka ligruŋ zaa ba kye O poɔ togitogi zaa.

1 Gyn 5:6

Yeezu Kirista la a soba na naŋ tu koɔ̃ ane zẽẽ zie wa. A ba e koɔ̃ yoŋ, kyɛ koɔ̃ ane zẽẽ la. Kyɛ a Vooroŋ Soŋ la a dansedire, bonso a Vooroŋ Soŋ la a yelmeŋɛ.

1 Gyn 5:8

a Vooroŋ, a koɔ̃ ane a zẽẽ, kyɛ a ba bata ŋa taa la noɔre yeni.

2 Gyn 1:4

N poɔ da pɛlɛɛ la yaga ne N naŋ da nyɛ a fo bibiiri mine ka ba kyɛnɛ a yelmeŋɛ poɔ aŋa lɛ a Saa naŋ da eŋ noɔre ko te.

3 Gyn 1:4

N koŋ baŋ taa popeɛloŋ zaa ka o e kpoŋ gaŋ ŋaa, ne N naŋ woŋ ka N bibiiri kyɛnɛ la a yelmeŋɛ poɔ.

Yel-iriwulaa Gane 1:5

Ka a Yeezu Kirista, a yelmeŋɛ dansedire, a bidɛndɛŋ naŋ leɛ-iri yi a kũũ poɔ a kyɛ di naaloŋ a tendaa namine zaa zu ko yɛ garaaseɛ ane maaroŋ. Ka a Onaŋ naŋ nɔnɔ te a kyɛ faa te yi a te yelbebe poɔ ne a O zẽẽ,

Yel-iriwulaa Gane 12:11

Kyɛ ba zɔɔtoɔ̃ o la ne a Pilee zẽẽ ane a ba yelbiri danseɛ, bonso, ba da ba kpimare nyɔvore, haali ka ba naŋ da na kpi gba.

Yel-iriwulaa Gane 7:14

Ka N da yeli sɔge o, “Neŋkpoŋ, fõõ la a soba na naŋ baŋ.” Lɛ la ka o da yeli ko ma, “A bama la a noba na naŋ yi a dɔgroŋ kpoŋ na poɔ; ba pɛge la a ba kparre a Pilee zẽẽ poɔ a e ka a e pelaa.