1 Gyn 1:3 - Naaŋmen Nɔpaalaa Gane

³ Bon te naŋ da nyɛ kyɛ da woŋ yɛlɛ la ka te yele korɔ yɛ ka ka yɛ meŋ na laŋ ne te. Kyɛ serɛzaa, a te lantaa e la te ne a Saa ne a O Bie Yeezu Kirista lantaa.

1 Gyn 1:3 ပူးပေါင်းရင်းမြစ်များ

Gyɔɔn 17:11

Kyɛ pampana, N ba la be a teŋɛzu, kyɛ bana eŋ naŋ be la a teŋɛzu kyɛ ka N waana fo zie. N Saa Soŋ, gu ba a fo yuori fo naŋ ko ma zuiŋ, ka ka ba na waa yeni aŋa maa ne fo naŋ waa yeni lɛ.

Gyɔɔn 17:21

ka ba zaa na e yeni. N Saa, aŋa fo naŋ be N poɔ ka N meŋ be fo poɔ lɛ, e ka ba meŋ be te poɔ. Lɛ la ka a tendaa noba na sage de ka fõõ la toŋ ma.

Gyɔɔn 17:25

“Yelmennoŋ Saa, a teŋɛzu noba ba baŋ fo kyɛ maa baŋ fo la, ka a noba bama meŋ baŋ ka fõõ la toŋ ma.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 19:35

(A soba na naŋ da nyɛ a yeli ŋa da di la danseɛ ka ka yɛ meŋ na sage de. A o danseɛ e la yelmeŋɛ, kyɛ ka o baŋ ka a yelmeŋɛ la ka o yele.)

Toma 13:32

Kyɛ te taa la a yelnoore na Naaŋmen naŋ da eŋ noɔre ka O na ko la te sããkommine a wa na ko yɛ.

Toma 13:41

‘Nyɛ, yɛnee nen-elaareba ŋa! Ka nɔmaa kpɛ yɛ kyɛ ka yɛ wɛ, bonso, N tonɔ la toma a yɛ bebie ama poɔ, toma na yɛ naŋ daŋ koŋ sage de, haali gba ka neɛ kaŋ wa yeli ko yɛ.’ ”

Toma 2:42

A noba bama da kpimare la a apostoliimine wuluu, a da laŋna ne ba, a laŋna ŋmaara a boroboro a kyɛ laŋna puoro.

Toma 20:27

bonso, N da ba sɔgle ka N manne a Naaŋmen poboɔbo zaa ko yɛ.

Toma 4:20

Tenee eŋ kontoɔ̃ bare bonna te naŋ nyɛ bee a woŋ yeluu.”

Urom 15:27

Ba poore da pɛlɛɛ la ka ba e a yeli ŋa, kyɛ serɛzaa, a e la ba feroo toma ka ba e a yeli ŋa, bonso, ka a Nemboore-yobo wa di a Gyuumine seeloŋ maaloo tɔnɔ, ka lɛ, a seŋ ka ba soŋ a Gyuumine ne boma ba naŋ taa.

1 Kor 1:30

A Naaŋmen zie la ka a yɛ nyɔvore yi a Kirista Yeezu eŋɛ. Ona la da e a yɛŋ naŋ yi Naaŋmen zie ko te, ane mennoŋ ane pɛgeyiibu ane faabo,

1 Kor 1:9

Naaŋmen e la yelmeŋɛ soba. Ona la boɔle yɛ kpɛ ne a O Bie te Daana Yeezu Kirista laŋne poɔ.

1 Kor 15:1

N yɔɔmine ane n yɔɔpuuli, N na leɛ-teɛre yɛ la a kyaare ne a Ŋmen-yelnoore N naŋ da moɔle ko yɛ, ka yɛ meŋ da sage de, a o poɔ meŋ la ka yɛ are.

Korinti 13:14

Ka a Daana Yeezu Kirista garaaseɛ, a Naaŋmen nɔmmo ane a Vooroŋ Soŋ lammo be yɛ zaa zie.

EFESU 3:6

A lɛ tɛgɛ la, a Nemboore-yobo meŋ leɛ la a te gbandi-taaba, a waa eŋgan-yeni nandaare, a waa noba naŋ poɔ a nɔ-eŋnaa naŋ be a Kirista Yeezu eŋɛ a yi a Ŋmen-yelnoore zuiŋ.

Filipai Deme Gane 1:7

A seŋɛɛ la ka N teɛrɛ a yɛ zaa yɛlɛ ŋaa, bonso, yɛ taa la n yɛlɛ yɛ sukyie poore, N ne yɛ zaa naŋ taa a Naaŋmen garaaseɛ zuiŋ, N naŋ da be nempagdie poɔ ane saŋ na zaa N naŋ da zɔɔrɔ a Ŋmen-yelnoore zuiŋ.

Filipai Deme Gane 2:1

Ka yelteɛbo zaa wa be a Kirista eŋɛ, ka sumaaroŋ zaa yi a O nɔmmo poɔ, ka poŋ ko taa zaa be a Vooroŋ Soŋ eŋɛ, ka nyonono ane mooreteroo zaa bebe,

Filipai Deme Gane 3:10

N boɔrɔ la ka N baŋ a Kirista ane a O kũũ poɔ leɛ-iruu kpeɛ̃õ, kyɛ laŋ ne O di dɔgɛɛ a waa ŋa lɛ O naŋ da waa a O kũũ poɔ,

KOLO 1:13

O faa te la yi a ligruŋ kpeɛ̃õ poɔ kyɛ taa te wa eŋ a O poyɛŋ Bie naaloŋ poɔ,

I Tesa 1:10

a na kyɛllɛ a O Bidɔɔ ka O yi tenvelaa wa. Ona la ka O da e ka O leɛ-iri yi a kũũ poɔ; Ona la a Yeezu naŋ faa te yi a supuriyaaraa naŋ waana poɔ.

1 Tim 6:2

A gbaŋgbaare banaŋ nembɛrɛ naŋ e yelderebɛ ba seŋ ka ba erɛ nimikpɛ yɛlɛ korɔ ba, a nembɛrɛ naŋ poɔ a puoruu laŋne poɔ zuiŋ; kyɛ a ferɛɛ la ka ba maaleŋ tonɔ korɔ ba yaga, bonso, a banaŋ naŋ nyɛrɛ a ba toma tɔnɔ waa la yelderebɛ ane poyɛŋ noba. Kanna kyɛ kpaala yele a feroo toma ama yɛlɛ.

Hiburu 2:12

a yele: “N na yeli la fo yɛlɛ ko a N yɔɔmine ane n yɔɔpuuli. N na danne fo la a laŋne deme poɔ.”

Hiburu 3:1

Azuiŋ, n yɔɔmine ane n yɔɔpuuli naŋ e nensonne a poɔ a tenvelaa noba boɔlaa poɔ, yɛ nyɛ a Yeezu ka O waa apostolii ane a te yeldeebo Naaŋmen bagmaalkare neŋkpoŋ,

Hiburu 3:14

Bonso, te leɛ la a Kirista tonton-taaba ka tenee wa nyɔge a te dɛndɛŋ yeldeebo taa kpeɛŋaa te ta a baaraa saŋ.

1 Pit 5:1

Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

2 Pit 1:16

A ba e ŋa nyaayɛlɛ la ka te da de manna ne sensellɛ korɔ yɛ, te naŋ da yele a te Daana Yeezu Kirista kpeɛ̃õ ane O leɛ-waabo yɛlɛ korɔ yɛ, kyɛ temenne nimie la da nyɛ a O naaloŋ veɛloŋ.

1 Gyn 1:1

Te yele korɔ yɛ la bon naŋ da bebe a yi a piiluu saŋ, bon te naŋ da woŋ, bon te naŋ da nyɛ ne te nimie ane bon te naŋ da kaa nyɛ kyɛ seene ne te nuuri a kyaare ne a nyɔvore yelbiri.

1 Gyn 1:5

A duoro te naŋ da woŋ yi a Yeezu zie a yele korɔ yɛ la ŋa: Naaŋmen e la kyaane, ka ligruŋ zaa ba kye O poɔ togitogi zaa.

1 Gyn 1:7

Kyɛ ka teneŋ wa kyɛnɛ a kyaane poɔ aŋa lɛ Naaŋmen meŋɛ naŋ be a kyaane poɔ, te taa la laŋne ne taa, ka a O Bie Yeezu zẽẽ pɛge a te yelbebe zaa bare.