1 Gyn 1:2 - Naaŋmen Nɔpaalaa Gane

² A nyɔvore ŋa da sããɛ la ka te da nyɛ O, a di O danseɛ, kyɛ manne a nyɔvore naŋ ba taa baaraa naŋ da be a Saa zie yɛlɛ ko yɛ. Ona la ka ba iri wuli te.

1 Gyn 1:2 ပူးပေါင်းရင်းမြစ်များ

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 1:4

O poɔ la ka nyɔvore da be, ka a nyɔvore da waa nensaalba zaa kyaane.

Gyɔɔn 10:28

N ko a la nyɔvore naŋ ba taa baaroo, ka a daŋ koŋ kpi zaa. Neɛzaa koŋ baŋ faa a yi ne a N nuuri poɔ.

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 15:27

Yɛ meŋ na di la a N danseɛ, bonso, yɛ da be la N zie a yi a piiluu saŋ.”

Gyɔɔn 16:28

A Saa zie la ka N da yi wa a teŋɛzu, kyɛ N la yire la a teŋɛzu a leɛ gɛrɛ a Saa zie.”

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 17:5

Pampana ŋa, N Saa, pãã iri N yuori a fo meŋɛ niŋesogɔ ne a yuori na N naŋ da taa fo zie kyɛ ka a tendaa wa bebe.”

Gyɔɔn 19:35

(A soba na naŋ da nyɛ a yeli ŋa da di la danseɛ ka ka yɛ meŋ na sage de. A o danseɛ e la yelmeŋɛ, kyɛ ka o baŋ ka a yelmeŋɛ la ka o yele.)

Gyɔɔn 21:14

A gbɛre bota soba la ŋaa a Yeezu naŋ da de O meŋɛ wuli a potuuribo, a O kũũ leɛ-iruu puoriŋ.

Gyɔɔn 3:13

Neɛzaa daŋ ba do tenvelaa, ka a soba na naŋ yi a tenvelaa sigi wa yoŋ naane. Ona la a Nensaala Bie.

Gyɔɔn 7:29

N baŋ O la, bonso O zie la ka N yi wa, Ona la toŋ ma.”

Gyɔɔn 8:38

Bon N naŋ nyɛ yi a N Saa zie la ka N yele korɔ yɛ, kyɛ yɛnee eŋ, yɛ erɛ bonna yɛ naŋ woŋ yi a Saa zie.”

Toma 1:22

a piili ne a Gyɔɔn suobu teroo, a te ta a daare na ba naŋ da de O yi ne a te zie do ne, a ferɛɛ la ka ba kaŋ laŋne te ka te waa a O kũũ leɛ-iruu dansediribe.”

Toma 10:41

kyɛ a noba zaa naane da nyɛ O, kyɛ te banaŋ Naaŋmen naŋ da kaa-iri ka te e dansediribe yoŋ la da nyɛ O. Tenee la da laŋne O a di kyɛ nyu a O kuuni poɔ leɛ-iruu puoriŋ.

Toma 2:32

A Yeezu ŋa la ka Naaŋmen da e ka o leɛ-iri, ka te zaa e a yeli ŋa dansediribe.

Toma 3:15

kyɛ ka yɛ da ko a Nyɔvore zaa soba, a Onaŋ Naaŋmen naŋ da e ka o leɛ-iri a kuuni poɔ, tenee la a yeli ŋa dansediribe.

Toma 5:32

Te ne a Vooroŋ Soŋ la e a yɛlɛ ama dansediribe. A Vooroŋ Soŋ la ka Naaŋmen ko a banaŋ naŋ sage de O yɛlɛ.”

Urom 8:3

Bonso, Naaŋmen da e la bonna a bege naŋ da kontoɔ̃ e, a nensaala bambaaloŋ naŋ da e ka o ba taa faŋ zuiŋ: A Naaŋmen da toŋ la O meŋɛ Bidɔɔ ka O wa de nensaala waaloŋ naŋ e yelbieri eŋɛ, kyɛ O naŋ da boɔrɔ ka O zɔɔ ne yelbieri, O da sãã la yelbieri yi nensaaloŋ eŋɛ,

Galesiya 4:4

Kyɛ a saŋ naŋ da wa ta, Naaŋmen da toŋ la O Bidɔɔ, ka pɔge dɔge O, a dɔge O a bege puliŋ,

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

2 Tim 1:10

Kyɛ pampana ŋa, ba iri o la wuli te a yi a te Faara Kirista Yeezu waabo eŋɛ. Ona la da iri kũũ bare kyɛ e ka nyɔvore naŋ koŋ baŋ la kpi tu a Ŋmen-yelnoore zie sãã veɛloŋ poɔ.

TITU 1:2

a nyɔvo-babaaraa teɛretɔroo a Naaŋmen naŋ ba ŋmaara zirii naŋ da eŋ noɔre tere sɛre kyɛ ka a andonɛɛ wa piili.

1 Pit 5:1

Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

1 Gyn 1:1

Te yele korɔ yɛ la bon naŋ da bebe a yi a piiluu saŋ, bon te naŋ da woŋ, bon te naŋ da nyɛ ne te nimie ane bon te naŋ da kaa nyɛ kyɛ seene ne te nuuri a kyaare ne a nyɔvore yelbiri.

1 Gyn 2:25

A bon ŋa la ka a Kirista da eŋ noɔre ka o na ko te la: nyɔvore naŋ ba taa baaraa.

1 Gyn 3:5

Yɛ baŋ ka O da waɛ la ka O wa de yelbebe bare, ka yelbieri zaa ba kye O poɔ.

1 Gyn 3:8

Neɛzaa naŋ erɛ yelbebe e la a sebɛlbɛllɛ bie, bonso, a sebɛlbɛllɛ la erɛ yelbebe a yi a piiluu saŋ. A yeli ŋa zuiŋ la ka a Naaŋmen Bie wa, ka O wa sãã a sebɛlbɛllɛ toma bare.

1 Gyn 4:14

Te nyɛɛ la kyɛ di danseɛ ka a Saa toŋ la a O Bidɔɔ ka O wa e a andonɛɛ Faara.

1 Gyn 4:2

Ŋaa zie la ka yɛ na baŋ a Naaŋmen Vooroŋ: vooroŋ na zaa naŋ yeli ka Yeezu Kirista leɛ la nensaala, o yi la Naaŋmen zie,

1 Gyn 5:11

Kyɛ a danseɛ la ŋa: Naaŋmen ko te la nyɔvore naŋ ba taa baaraa, ka a nyɔvore ŋa be a O Bie poɔ.

1 Gyn 5:13

N sɛgrɛ la a yɛlɛ ama korɔ yɛnee naŋ sage de a Naaŋmen Bie yuori, ka ka yɛ na baŋ ka yɛ taa la nyɔvore naŋ ba taa baaraa.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.