Zezì Wecheekeèdeè 9:6 - Nǫ̀htsı̨ Nı̨htł'è

⁶ Nıį̀tła gà kǫ̀ta ts'ǫ̀ anede, ayìı dànele ha sìı nets'ǫ̀ hagedı ha,” Zezì yèhdı.

Zezì Wecheekeèdeè 9:6 ပူးပေါင်းရင်းမြစ်များ

Matthew 19:30

Dǫ t'akwe geèhkw'ee sìı nǫǫde geèhkw'eè agedle ha, eyıts'ǫ dǫ nǫǫde geèhkw'ee sìı t'akwe geèhkw'eè agedle ha,” Zezì gòhdı.

Luke 3:10

Eyıt'à dǫ John-Baptıst dageehke, “Hanì-ı̨dè ayìı dàts'ı̨ı̨là lì?” gıìhdı.

Zezì Wecheekeèdeè 10:22

Dǫ gıts'ǫ̀ hadı, “Cornelıus, eghǫǫ-dǫǫ̀-gha-k'àowo, jǫ ts'ǫ̀ goı̨hɂà. Ededı̨ dǫ ehkw'ı edaa xè Nǫ̀htsı̨ ghǫ hòtł'ò anıwǫ, eyıts'ǫ Israel got'ı̨į̀ hazǫǫ̀ gıghǫneètǫ hǫt'e. Wenazhıı yak'eet'ı̨į̀ yets'ǫ̀ goı̨de ı̨lè, nı̨ wekǫ̀ nàątła ha, yèhdı. Ayìı wets'ǫ̀ haı̨dı ha sìı neèhkw'ǫ ha hǫt'e,” gıìhdı.

Zezì Wecheekeèdeè 10:32

Yeè kǫ̀ta Joppa ts'ǫ̀ dǫ nehɂa, ekǫ dǫ ı̨łè Sımon wìyeh, Peter sı gıìhdı, wekàı̨hɂà. Sımon, ewò-sıìhɂı̨ı̨-dǫǫ̀ tıchobàa nàdèe ekǫ yexè nàdè hǫt'e,’ yak'eet'ı̨į̀ sèhdı.

Zezì Wecheekeèdeè 10:6

Sımon ewò-sıìhɂı̨ı̨-dǫǫ̀ xè nàdè, wekǫ̀ tıchobàa gà gòɂǫ hǫt'e,” yèhdı.

Zezì Wecheekeèdeè 2:37

Dǫ hazǫǫ̀ eyı egıìkw'o ekò geèhyeh lagejà. Peter eyıts'ǫ Zezì wecheekeèdeè ts'ǫ̀ hagedı, “Gòet'ı̨ı̨, hanì-ı̨dè ayìı dàts'ı̨ı̨là lì?” gedı.

Zezì Wecheekeèdeè 22:10

“ ‘Sets'ǫ̀ K'àowo, ayìı dàhłe ha neewǫ?’ dehsı̨. “ ‘Nıį̀tła, kǫ̀ta Damaskus nàątła. Ekǫ ayìı dàąle ha sìı nets'ǫ̀ hagedı ha,’ sèhdı.

Zezì Wecheekeèdeè 26:16

‘Nıį̀tła. Segha eghàlaı̨da ha nìhchìı t'à, nenazhıı sègoèht'į̀ anèhłà, segha eghàlaı̨da ha nìhchì t'à. Dànì nets'ǫ̀ sègoèt'į̀ı̨ sìı wet'à dǫ xè goı̨do ha eyıts'ǫ ayìı dànèehsı̨ı̨ sìı weghàlaı̨da ha.

Zezì Wecheekeèdeè 9:5

Saul hadı, “K'àowo, amìı anet'e?” “Zezì aht'e, sı̨ sìı dasenèehɂa hǫt'e.

Rome 10:20

Eyıts'ǫ nakwenàoɂǫǫ Isaıah eyı ghǫ edèdaedı-le xè dıı hadıì xàyaı̨htı, “Dǫ sehagı̨ı̨wǫ-le sìı segogį̀į̀hɂǫǫ̀ agèhłà, eyıts'ǫ dǫ seghǫ dageehke-le sìı sek'ègeezǫǫ̀ agèhłà,” hadı, dek'eèhtł'è.

Rome 10:3

Dànì Nǫ̀htsı̨ ehkw'ı agohɂį̀ı̨ sìı gık'èezǫ-le, hanìkò edek'ę̀ę̀ ehkw'ıì agede ha gı̨ı̨wǫ. Eyı ts'ıhɂǫ̀ Nǫ̀htsı̨ wek'ę̀ę̀ ehkw'ı ats'edee nàowoò k'èagı̨ı̨t'e-le.

Rome 5:20

Dǫ deɂǫ̀ǫ̀ hołı̨ı̨ hogehtsı̨ı̨ wek'èhoedzǫ gha Moses wenàowoò goghǫ̀t'ǫ ı̨lè. Dǫ deɂǫ̀ǫ̀ hołı̨ı̨ hogehtsı̨ nı̨dè Nǫ̀htsı̨ denahk'e gots'ǫ̀ sǫnıwǫǫ̀ ajà.

Rome 7:9

Moses wenàowoò ghǫ eèhkw'o kwe ehda ı̨lè, hanìkò eyı nàowo seghǫ̀t'ǫ ts'ǫ̀et'ıì hołı̨ı̨ hohtsı̨ ha dehwhǫǫ̀ ahjà, eyıts'ǫ ełaıhwho lahjà.

Phılıppı 2:12

Seàgı̨ą, naxıxè whıhdaa eyıts'ǫ naxıxè whıhda-le, ehk'ę̀ę̀ t'aats'ǫǫ̀ sek'èaht'e hǫt'e. Eyıt'à edaxàahdèe sìı t'aats'ǫǫ̀ wek'e eghàlaahda eyıts'ǫ Nǫ̀htsı̨ k'èch'a aahda gha dahjı̨ ha welè,

James 4:6

Hanìkò edesǫnıwǫǫ̀ denahk'e gots'ǫ̀ ayehɂı̨ hǫt'e. Hanì ts'ıhɂǫ̀ Nǫ̀htsı̨ Nı̨htł'è dıı hadı: “Nǫ̀htsı̨ sìı dǫ xàhodì k'èch'a at'ı̨, hanìkò dǫ k'èeweèt'ı̨ı̨ elı̨ı̨ sìı ts'ǫ̀ wedzeè sǫnıwǫ hǫt'e,” dek'eèhtł'è.