Zezì Wecheekeèdeè 9:2 - Nǫ̀htsı̨ Nı̨htł'è

² Kǫ̀ta Damaskus ekǫ ełègehdèe-kǫ̀ gòlaa sìı hazǫǫ̀ gots'ǫ̀ eetł'è ha yı̨ı̨hwhǫ. Ekǫ gots'ǫ dǫzhìı eyıts'ǫ ts'èko Zezì wenàowoò k'ę̀ę̀ geedaa sìı nıgoìle gà Jerusalem gıdaànìı̨laà agole ha nıwǫ.

Zezì Wecheekeèdeè 9:2 ပူးပေါင်းရင်းမြစ်များ

Dànì Kèhoį̀wo 14:15

Eyı toò Abram dǫ hazǫǫ̀ łats'ıgǫǫwa gà k'àowocho dı̨ ts'ǫ̀ łegıagǫ t'à ekòet'ıì goghǫ geèhnǫ. Kǫ̀ta Damaskus gòyeh wete ts'ǫ̀ kǫ̀ta Hobah gòyeh ts'ǫ̀ nagodegeèzhì.

Matthew 10:17

“Dǫ naxıts'ǫ̀ xànıgı̨ı̨ɂaa sìı gıxoahdı. Nàyaetıı-kǫ̀ ts'ǫ̀ anaxegele ha eyıts'ǫ ełègehdèe-kǫ̀ goyìı naxık'egeehkwa ha.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

Zezì Wecheekeèdeè 18:25

Gots'ǫ̀ K'àowo wegodıì nezı̨ı̨ hoghàweètǫ hǫt'e. Ededzeè t'à sıì dǫ ts'ǫ̀ goı̨de eyıts'ǫ Zezì wegodıì hotıì nezı̨į̀ dǫ hoghàgoèhtǫ. Hanìkò John-Baptıst dànì dǫ hoghàgoehtǫǫ sìı eyı zǫ k'èezǫ.

Zezì Wecheekeèdeè 19:23

Ekìıyeè k'e Zezì wenàowoò ts'ıhɂǫ̀ dǫ łǫ gıxè nàdahoowo.

Zezì Wecheekeèdeè 19:9

Hanìkò dǫ mǫ̀hdaa Paul k'èch'a agı̨ı̨wǫ, gıgha ehkw'ı-ahodı ha gı̨ı̨wǫ-le eyıts'ǫ eyı nàowo k'èch'a dǫ ts'ǫ̀ gogede. Eyıt'à Paul Israel got'ı̨į̀ gots'ǫǫ̀ xàèhtła. Nǫ̀htsı̨ wecheekeè edexè goòwa. Eyı tł'axǫǫ̀ dzę taàt'eè Tyrannus wekǫ̀ gocho goyìı dǫ ts'ǫ̀ gode.

Zezì Wecheekeèdeè 24:14

Hanìkò naxıts'ǫ̀ dıı haehsı̨ ha: gocho Gınǫ̀htsı̨-ghàsǫehdıı-dǫǫ̀ aht'e, eyıts'ǫ Zezì wenàowoò k'ę̀ę̀ edaa dǫǫ̀ aht'e, eyı nàowo sìı ekǫ-le hǫt'e gedı. Moses wenàowoò k'ę̀ę̀ t'asìı hazǫǫ̀ dǫ hoghàgogeehtǫǫ sìı segha ehkw'ı ne, eyıts'ǫ t'asìı hazǫǫ̀ nakwenàoɂǫǫ dek'enègı̨ı̨tł'èe sìı eyı sı segha ehkw'ı-ahodı hǫt'e.

Zezì Wecheekeèdeè 24:22

Eyı tł'axǫǫ̀ k'àowo Felıx, Zezì wenàowoò yek'èezǫ t'à dıì-gogha nàyaetı ghǫnahǫ̀t'e ayį̀į̀là. Paul ts'ǫ̀ hadı, “Eghǫǫ-dǫǫ̀-gha-k'àowo Lysıyas jǫ nììtła nı̨dè dànì nesınìyahtı ha sìı nets'ǫ̀ haehsı̨ ha,” yèhdı.

Zezì Wecheekeèdeè 26:10

Eyıt'à Jerusalem hotıì hanì eghàlaıhdà. Yahtıı-gha-k'aodèe gıdahxà Nǫ̀htsı̨ wets'ǫ dǫ łǫ dǫ-danìı̨laa-kǫ̀ ts'ǫ̀ agèhłà ı̨lè. Eyıts'ǫ ełaàgede ha gısınìyaetı ekò sı̨ sı k'aodèe gıxè hęɂę dehsı̨ ı̨lè.

Zezì Wecheekeèdeè 26:12

“Įłàà yahtıı-gha-k'aodèe gıdahxà, enı̨htł'è segha gı̨ı̨tł'è k'ehchı xè, kǫ̀ta Damaskus ts'ǫ̀ ahjà ı̨lè.

Zezì Wecheekeèdeè 6:9

Hanìkò Israel got'ı̨į̀ ı̨łè xàɂaa “edets'ǫ̀ k'agedèe dǫò” gìyeh sìı Stephen k'èch'a gogede. Cyrene nèk'e, kǫ̀ta Alexandrıa, Cılıcıa nèk'e eyıts'ǫ Asıa nèk'e gots'ǫ dǫ agı̨ı̨t'e. Stephen wekwì gǫǫzǫ xè Yedàyeh Nezı̨ı̨ dahxà gots'ǫ̀ gode t'à gıdàgode ha dìì agejà.

Zezì Wecheekeèdeè 7:19

Gòet'ı̨ ts'ǫ̀ ehkw'ı eghàlaı̨dà-le eyıts'ǫ dagòı̨hɂà. Gıbebìa gòhłèe sìı ełaàgede ha nıwǫ t'à, bebìa ɂǫ̀geèhdeè agǫ̀ǫ̀là.

Zezì Wecheekeèdeè 9:14

Dıì yahtıı-gha-k'aodèe godahxà jǫ nììtła, dǫ neghǫ gınì nàtsoo sìı dǫ-danìı̨laa-kǫ̀ ts'ǫ̀ agole ha jǫ nììtła ı̨lè,” yèhdı.

Zezì Wecheekeèdeè 9:21

Dǫ hazǫǫ̀ gıìkw'oo sìı sıì gogha enıìyah adı. “Eyı dǫ Jerusalem ekǫ dǫ Zezì ghǫ gınì nàtsoo sìı gogha hoìla hohtsı̨ là, eyı nì at'ı̨? Gıdaìzhe ha yahtıı-gha-k'aodèe ts'ǫ̀ agole ha jǫ nììtła là, eyı nì at'ı̨?” gedıì dałegeehke.

2 Corınth 11:32

Kǫ̀godeè Damaskus whıhda ekò, k'àowo ı̨łè, k'àowocho Aretas gha k'àowo elı̨ı̨ sìı, dasegeechı ha nıwǫ t'à kǫ̀godeè hazǫǫ̀ hogııhdì agǫ̀ǫ̀là ı̨lè.

Galatıa 1:17

eyıts'ǫ sekwe Zezì wecheekeèdeè gı̨ı̨lèe sìı geehɂį̀ gha kǫ̀godeè Jerusalem nàwhıhtła whìle, hanìkò Arabıa nèk'e ts'ǫ̀et'ıì ahjà, eyı tł'axǫǫ̀ kǫ̀ta Damaskus ts'ǫ̀ anahjà.