Zezì Wecheekeèdeè 8:1 - Nǫ̀htsı̨ Nı̨htł'è

^1-2 Dǫ degaı mǫ̀hdaa Stephen wekw'ǫǫ̀ nègı̨į̀tǫ eyıts'ǫ gıghǫ hòtł'ò gı̨ı̨tsè. Eyı dzęę̀ k'e Jerusalem Nǫ̀htsı̨ wecheekeè hazǫǫ̀ dagı̨ı̨ɂaà agììdlà. Eyıt'à Judea nèk'e eyıts'ǫ Samarıa nèk'e ts'ǫ̀ kwı̨geèhde. Hanìkò Zezì wecheekeèdeè t'aa Jerusalem ageèhkw'e.

Zezì Wecheekeèdeè 8:1 ပူးပေါင်းရင်းမြစ်များ

Matthew 22:6

Eyıts'ǫ dǫ mǫ̀hdaa wecheekeè dagogıachì gà gogeèht'ı gà ełaàgogį̀ı̨hdè.

Matthew 23:34

Nakwenàoɂǫǫ, dǫ gogı̨ı̨zǫǫ eyıts'ǫ dǫ-hoghàehtǫǫ-dǫǫ̀ naxıts'ǫ̀ agehłe ha. Mǫ̀hdaa ełaàgìahde xè dechı̨et'aa k'e gıdeàhtsò ha, mǫ̀hdaa ełègehdèe-kǫ̀ goyìı gık'eahkwa ha, eyıts'ǫ kǫ̀ta yàgòlaa gıkaahwhǫ gà dagìahɂa ha.

Matthew 5:13

“Naxı̨ sìı dıı nèk'e dǫ hazǫǫ̀ gıgha dewa nàtsoo laaht'e. Hanìkò dewa łedì-le ajà nı̨dè dànì k'achı̨ łedì anajà lì? t'asìı gha wet'àaɂà-le at'į̀-ı̨dè nałats'eehtł'ì gà dǫ gık'e k'edè.

John 15:20

Dıı yatı naxıts'ǫ̀ xàyaehtıı sìı wenaahdì, ‘Dǫ wı̨ı̨zìı edets'ǫ k'àowo nahk'e elı̨ nıìle.’ Sı̨ dasegį̀ı̨hɂa nı̨dè naxı̨ sı danaxegį̀ı̨hɂa ha hǫt'e. Seyatıì k'èagı̨ı̨t'e nı̨dè naxı̨ sı naxıyatıì k'èagı̨ı̨t'e ha hǫt'e.

John 16:2

Gıts'ǫ ełègehdèe-kǫ̀ gots'ǫǫ̀ xànaxegeezhı ha ne. Whaà-le-t'ıì dǫ ełaànaxegìhde ha eyıts'ǫ Nǫ̀htsı̨ gha sìghà aget'ı̨ gı̨ı̨wǫ ha.

Zezì Wecheekeèdeè 1:8

Hanìkò Yedàyeh Nezı̨ı̨ naxık'e ajà nı̨dè nàahtsoò anaxele ha. Kǫ̀ta Jerusalem, Judea nèk'e, Samarıa nèk'e hazǫǫ̀, eyıts'ǫ dıı nèk'e welǫ ts'ǫ̀ segodıì nezı̨ı̨ t'à dǫ xè goahdo ha hǫt'e.”

Zezì Wecheekeèdeè 13:1

Kǫ̀ta Antıoch ekǫ Nǫ̀htsı̨ wecheekeè gıta nakwenàoɂǫǫ eyıts'ǫ dǫ-hoghàehtǫǫ-dǫǫ̀ gǫ̀hłı̨: Barnabas, Sımeyon (Naıger sı wìyeh), Cyrene got'ı̨į̀ Lucıyus, Manan (k'àowocho Herod xè dèzhǫ) eyıts'ǫ Saul.

Zezì Wecheekeèdeè 13:36

“Davıd ededı̨ eda ekò Nǫ̀htsı̨ k'ę̀ę̀ eghàlaı̨dà tł'axǫǫ̀ ełaı̨wo. Wèot'ı̨ gà wekw'ǫǫ̀ nègı̨į̀tǫ eyıts'ǫ wekwǫ̀ ı̨hjıì ajà.

Zezì Wecheekeèdeè 2:47

Nǫ̀htsı̨ ghàsǫgeedı eyıts'ǫ dǫ hazǫǫ̀ goghǫ nezı̨į̀ agı̨ı̨wǫ. Dzę taàt'eè gots'ǫ̀ K'àowo dǫ deɂǫ̀atłǫ gots'ǫ̀ ayehɂı̨ı̨ sìı edaxàgole.

Zezì Wecheekeèdeè 22:20

Eyıts'ǫ kwe t'à Stephen ełaàgı̨ı̨hwho ekò sìghà aget'ı̨ dehwhǫ t'à dǫ gıgha gıɂeè k'èhdì ı̨lè.’

Zezì Wecheekeèdeè 26:10

Eyıt'à Jerusalem hotıì hanì eghàlaıhdà. Yahtıı-gha-k'aodèe gıdahxà Nǫ̀htsı̨ wets'ǫ dǫ łǫ dǫ-danìı̨laa-kǫ̀ ts'ǫ̀ agèhłà ı̨lè. Eyıts'ǫ ełaàgede ha gısınìyaetı ekò sı̨ sı k'aodèe gıxè hęɂę dehsı̨ ı̨lè.

Zezì Wecheekeèdeè 5:18

Zezì wecheekeèdeè dagogıachì gà dǫ-danìı̨laa-kǫ̀ nègogį̀ı̨wa.

Zezì Wecheekeèdeè 5:20

Yak'eet'ı̨į̀ gots'ǫ̀ hadı, “Nǫ̀htsı̨kǫ̀-gocho gà dǫ ts'ǫ̀ goahde, eładı̨į̀ ts'eedaa wegodıì t'à dǫ hazǫǫ̀ xè goahdo,” gòhdı.

Zezì Wecheekeèdeè 5:33

Peter hadıì goı̨de k'aodèe gıìkw'o ekò sıì gınì-le t'à ełaàgogìhde ha gı̨ı̨wǫ.

Zezì Wecheekeèdeè 5:40

Gamalıel ehkw'ı adı gı̨ı̨wǫ t'à weyatıì k'èhogı̨ı̨ɂǫ. Zezì wecheekeèdeè goyagogeèwa gà gok'egı̨ı̨hkwa. Zezì wıızì t'à goahde ha-le gògedı tł'axǫǫ̀ nagogeèhɂà.

Zezì Wecheekeèdeè 7:38

Ekìı-ka nèk'e shìh Sınaı gà, Moses gòet'ı̨ ełègehdè agǫ̀ǫ̀là. Ekǫ shìhka yak'eet'ı̨į̀ yets'ǫ̀ goı̨de eyıts'ǫ yatı nezı̨ı̨ wet'à ts'eedaa łǫ yeghàı̨la.

Zezì Wecheekeèdeè 7:54

Stephen hanì gots'ǫ̀ goı̨de t'à dǫ hazǫǫ̀ sıì gık'èch'a agòjà.

Zezì Wecheekeèdeè 7:58

gà kǫ̀ta ts'ǫǫ̀ xàgeèlì, eyıts'ǫ kwe t'à ełaàgıìhwhı ha nèhogį̀ı̨ɂǫ. Dǫ Stephen k'e nìdahogį̀ı̨ɂǫǫ sìı cheko ı̨łè Saul wìyeh goɂeè xoehdıì agį̀į̀là.

Zezì Wecheekeèdeè 8:14

Samarıa got'ı̨į̀ Nǫ̀htsı̨ yatıì gıgha ehkw'ı-ahodıì agòjàa Zezì wecheekeèdeè Jerusalem geèhkw'ee sìı eyı godı gıìkw'o ekò Peter eyıts'ǫ John gots'ǫ̀ gogeèhɂà.

Zezì Wecheekeèdeè 8:4

Nǫ̀htsı̨ wecheekeè edı̨į̀ ehkègı̨ı̨dee sìı ekǫ godı nezı̨ı̨ t'à dǫ xè gogedo.

Zezì Wecheekeèdeè 8:5

Nǫ̀htsı̨ wecheekeè Phılıp wìyeh Samarıa nèk'e kǫ̀godeè ts'ǫ̀ ajà, ekǫ Zezì-Krı wegodıì t'à dǫ hoghàehtǫ.

Zezì Wecheekeèdeè 9:31

Eyı tł'axǫǫ̀ Nǫ̀htsı̨ wecheekeè hazǫǫ̀ Judea nèk'e, Galılee nèk'e eyıts'ǫ Samarıa nèk'e gıgha łatsaa ts'èwhı̨į̀ hòɂǫǫ̀ agòjà. Yedàyeh Nezı̨ı̨ t'à gınì nàtsoò agejà. Eyıt'à dǫ łǫ gota gı̨ı̨de xè gots'ǫ̀ K'àowo k'èagı̨ı̨t'e ha gı̨ı̨wǫ.

Rome 1:32

Nǫ̀htsı̨ wenàowoò ehkw'ıı k'ę̀ę̀ ha nı̨dè dǫ hanì geedaa sìı ełaàgııde ha hǫt'e. Eyı nàowo k'ègeezǫ kò ı̨łaà hanì eghàlageeda, eyıts'ǫ dǫ hanì hołı̨ı̨ hogehtsı̨ı̨ sìı ghǫ sìghà agedı.

Phılıppı 1:12

Sèot'ı̨ı̨, dıı wek'èahsǫ ha dehwhǫ: sexè dàgòjàa sìı godı nezı̨ı̨ dǫ łǫ ts'ǫ̀ ade ha t'à agòjà hǫt'e.

Hebrew 11:27

Wegha ehkw'ı-ahodı t'à k'àowocho wek'èch'a kò yets'àejı̨-le xè Egypt nèk'e gots'ǫ xàèhtła. Nǫ̀htsı̨ wègaat'ı̨-le sìı yaɂı̨ lanì t'à deɂǫ̀ǫ̀ Nǫ̀htsı̨ ts'ǫ̀ edınì nàtso ayį̀į̀hwhǫ.