Zezì Wecheekeèdeè 7:2 - Nǫ̀htsı̨ Nı̨htł'è

² Stephen hadı, “Sèot'ı̨ı̨ eyıts'ǫ goɂǫhdaà yàahłı̨ı̨ sìı seàhkw'ǫ! Gocho Abraham Mesopotamıa nèk'e nàı̨dè ekò, ı̨łaà kǫ̀ta Haran nàdè-le ekò, Nǫ̀htsı̨ enıìyah wehòhɂǫǫ sìı yets'ǫ̀ goı̨de ı̨lè.

Zezì Wecheekeèdeè 7:2 ပူးပေါင်းရင်းမြစ်များ

Dànì Kèhoį̀wo 11:31

Terah edeza Abram, eyıts'ǫ edekwı Lot (Haran weza) eyıts'ǫ weza ts'èkeè Sarayı edexè goòwa. Kanan nèk'e ts'ǫ̀ agede ha gı̨ı̨wǫ t'à Kaldea got'ı̨į̀ gınèk'e kǫ̀godeè Ur gòyeh gots'ǫǫ̀ xàgeède. Hanìkò kǫ̀godeè Haran gòyeh ts'ǫ̀ nègı̨ı̨de ekò ekǫ nàgedè agejà.

Dànì Kèhoį̀wo 12:1

Gots'ǫ̀ K'àowo Abram ts'ǫ̀ hadı, “Nenèè gots'ǫǫ̀ aąde. Nèot'ı̨ eyıts'ǫ netà wekǫ̀ agı̨ı̨t'ee sìı gıts'ǫǫ̀ aąde. Edı̨į̀ ts'ǫ̀ anede ha sìı nets'ǫ̀ haehsı̨ ha.

Dànì Kèhoį̀wo 12:5

Edets'èkeè Sarayı eyıts'ǫ edesah Lot edexè ayį̀į̀là. Kǫ̀ta Haran gots'ǫ t'asìı ehkègìı̨laa eyıts'ǫ ekǫ gots'ǫ dǫ gogha eghàlageedaa nàgoèhdìı sìı edexè agį̀į̀là. Kanan nèk'e ts'ǫ̀ nageèhde eyıts'ǫ ekǫ nègı̨ı̨de.

Dànì Kèhoį̀wo 15:7

Eyıts'ǫ Nǫ̀htsı̨ yets'ǫ̀ hadı, “Nets'ǫ̀ K'àowo aht'e. Dıı dèè neghaelı̨ ha dehwhǫ t'à Kaldea got'ı̨į̀ gıkǫ̀ta Ur gots'ǫǫ̀ xàneèhtı̨ hǫt'e,” yèhdı.

Dànì Kèhoį̀wo 29:4

Jacob, sahzǫ̀ą-k'èdìı-dǫǫ̀ dagoehke, “Sèot'ı̨ı̨, edı̨į̀ gots'ǫ aaht'e?” gòhdı. “Kǫ̀ta Haran gots'ǫ ats'ı̨ı̨t'e,” gıìhdı.

Matthew 6:13

Hołı̨ı̨ ts'ı̨ı̨wǫ ch'à gok'ènedì; wehłı̨ı̨ gots'ǫǫ̀ nıwà anele.’

Luke 2:14

“Nǫ̀htsı̨ ı̨dòo yak'e whedaa sìı weghàsǫts'eedı. Dıı nèk'e dǫ hazǫǫ̀ Nǫ̀htsı̨ goghǫ sǫnıwǫǫ sìı gıxè ts'èwhı̨į̀ hòɂǫ welè,” yak'eet'ı̨į̀ hagedıì gejı̨.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 12:41

Isaıah, Zezì wexè enıìyah agode ha nadąą̀ yaɂı̨ t'à hanì yeghǫ goı̨de ı̨lè.

Zezì Wecheekeèdeè 22:1

“Sèot'ı̨ı̨ eyıts'ǫ goɂǫhdaà yàahłı̨ı̨ sìı, edegha gohde ha t'à seàhkw'ǫ,” gòhdı.

Zezì Wecheekeèdeè 23:7

Paul hadı ts'ǫ̀et'ıì Pharısee eyıts'ǫ Sadducee gı̨ı̨lı̨ı̨ sìı ełets'ǫ̀ nàyagehtı t'à dǫ hazǫǫ̀ ełègı̨ı̨dee sìı ełek'èch'a agı̨ı̨wǫǫ̀ agejà.

Zezì Wecheekeèdeè 7:1

Yahtıı-wet'àaɂàa-deè dayeehke, “Dıı dǫ nek'e nìdahogeeɂàa sìı, asį̀į̀ ehkw'ı ne?” yèhdı.

1 Corınth 2:8

Dıı nèk'e k'aodèe gı̨ı̨lı̨ı̨ sìı gınıedì-le ı̨lè. Gınıedì nı̨dè gots'ǫ̀ K'àowo enıìyah wehòhɂǫǫ sìı dechı̨et'aa k'e ełaàgıìhwhı ha-le ı̨lè.

Ephesus 1:17

Nǫ̀htsı̨, gots'ǫ̀ K'àowo Zezì-Krı Wetà wexè enıìyah hòɂǫǫ sìı t'aats'ǫǫ̀ naxıgha wets'ǫ̀ yahtı hǫt'e. Yedàyeh Nezı̨ı̨ wet'à goahsǫǫ̀ aahde ha, eyıts'ǫ Nǫ̀htsı̨ denahk'e wek'èahsǫ anaxele ha naxıgha weehkè hǫt'e.

Tıtus 2:13

Enıìyah deè nàhòwo ha ı̨łaà wek'enats'eèhɂı̨ et'ıì hanì nezı̨į̀ ts'eeda ha hǫt'e. Zezì-Krı Gonǫ̀htsı̨ eyıts'ǫ Edaxàgolee deè elı̨ı̨ sìı gots'ǫ̀ wègoèt'į̀ ha wek'enats'eèhɂı̨ hǫt'e.

Hebrew 1:3

Nǫ̀htsı̨ Weza sìı dànì Nǫ̀htsı̨ wexè saı̨dı̨ı̨ sìı yexèht'eè wexè saı̨dı̨ hǫt'e. Nǫ̀htsı̨ dànì wègaat'ı̨ı̨ sìı Weza hotıì yexèht'eè wègaat'ı̨ hǫt'e, weyatıì nàtso t'à t'asìı hazǫǫ̀ edaà ayį̀į̀hwhǫ. Dǫ gha ełaı̨wo t'à gıhołı̨į̀ gıghǫ nahoazha ayį̀į̀là tł'axǫǫ̀, ı̨dòo yak'e Nǫ̀htsı̨ t'asìı wegha dìì-le sìı gà nàgòts'ehnèe wheda.

Hebrew 11:8

Abraham Nǫ̀htsı̨ nǫǫde nı̨dè dèè eyıì-le yeghàɂà ha sìı ekǫ ts'ǫ̀ aąde yèhdı yets'ǫ̀ goı̨de ekò Abraham wegha ehkw'ı-ahodı ı̨lè. Edı̨į̀ ts'ǫ̀ at'ı̨ı̨ sìı yek'èezǫ-le kò Nǫ̀htsı̨ k'èı̨t'e ts'ıhɂǫ̀ ekǫ ts'ǫ̀ ajà ı̨lè.

James 2:1

Sèot'ı̨ı̨, gots'ǫ̀ K'àowo Zezì-Krı wexè enıìyah hòɂǫǫ sìı naxıgha ehkw'ı-ahodı t'à, dǫ mǫ̀hdaa zǫ nezı̨į̀ gıts'ǫ̀ naahɂa-le, dǫ hazǫǫ̀ naxıgha ełègı̨ı̨ht'e ha hǫt'e.

John Wenazhıı 4:11

“Gots'ǫ̀ K'àowo Gonǫ̀htsı̨, t'asìı hazǫǫ̀ wheęhtsı̨ ne t'à enıìyah xè neghàsǫts'eedıı sìı nı̨ zǫ nets'ǫ̀ hats'edı ha hǫt'e eyıts'ǫ t'asìı hazǫǫ̀ ts'ǫ̀ k'àı̨wo welè. Hanì welè neewǫ t'à t'asìı hazǫǫ̀ hòèlı̨ı̨ xè geeda hǫt'e,” gedı.