Zezì Wecheekeèdeè 6:1 - Nǫ̀htsı̨ Nı̨htł'è

¹ Ekìıyeè k'e dǫ łǫ Nǫ̀htsı̨ wecheekeè gı̨ı̨lı̨į̀ agejà. Hanìkò Israel got'ı̨į̀ Greek k'ę̀ę̀ gogedee sìı Israel got'ı̨į̀ Aramaıc k'ę̀ę̀ gogede ghǫ sǫagedı. Dzę taàt'eè weghǫ shèts'ezhee dǫ tàgele, hanìkò gıta ts'ǫ ts'èko gıgà dǫzhìı whìle sìı gıghàɂaadì nıìle, gedı.

Zezì Wecheekeèdeè 6:1 ပူးပေါင်းရင်းမြစ်များ

Matthew 23:13

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Nǫ̀htsı̨ Wenàowoò k'ę̀ę̀ hòɂǫǫ sìı dǫ goyageedè ch'à dǫ gıts'ǫǫ̀hk'e enìahchı. Naxı̨ goyaahdè nıìle eyıts'ǫ dǫ goyats'ııdè gı̨ı̨wǫ kò goyageedè agıahłe-le.

Zezì Wecheekeèdeè 11:20

Cyprus dı wheɂǫǫ gots'ǫ dǫ mǫ̀hdaa eyıts'ǫ kǫ̀godeè Cyrene gots'ǫ dǫ mǫ̀hdaa, kǫ̀godeè Antıoch ts'ǫ̀ agejà. Ekǫ Greece got'ı̨į̀ nàgedèe eyı sı Zezì wegodıì nezı̨ı̨ t'à gots'ǫ̀ gogı̨ı̨de.

Zezì Wecheekeèdeè 11:26

Yegòį̀hɂǫ tł'axǫǫ̀ kǫ̀godeè Antıoch ts'ǫ̀ geède. Barnabas eyıts'ǫ Saul ı̨łè xo deghàà Nǫ̀htsı̨ wecheekeè xè ełegıadì, eyıts'ǫ dǫ łǫ hoghàgogeèhtǫ. Kǫ̀godeè Antıoch ekǫ t'akwełǫ̀ǫ̀ Nǫ̀htsı̨ wecheekeè “Chrıst k'èagı̨ı̨t'ee dǫǫ̀” gìyeh agejà.

Zezì Wecheekeèdeè 11:29

Antıoch Nǫ̀htsı̨ wecheekeè nàgedèe sìı Judea nèk'e Nǫ̀htsı̨ wecheekeè ts'àgedı ha gı̨ı̨wǫ. Eyıt'à sǫǫ̀mba t'aàtłǫ nègeɂà ha dìì-le sìı haàtłǫ nègı̨ı̨la.

Zezì Wecheekeèdeè 2:41

Dǫ gıgha ehkw'ı-ahodı xè weyatıì gį̀į̀hchìı sìı gık'ètaìdzǫ. Eyı dzęę̀ k'e taı-lemì dǫ haàtłǫǫ goxè aget'ı̨į̀ agejà.

Zezì Wecheekeèdeè 2:45

T'asìı gıts'ǫ sìı gıghǫ nàèdì, eyı sǫǫ̀mba t'à dǫ t'asìı wegha whìle sìı ts'àgedı.

Zezì Wecheekeèdeè 2:47

Nǫ̀htsı̨ ghàsǫgeedı eyıts'ǫ dǫ hazǫǫ̀ goghǫ nezı̨į̀ agı̨ı̨wǫ. Dzę taàt'eè gots'ǫ̀ K'àowo dǫ deɂǫ̀atłǫ gots'ǫ̀ ayehɂı̨ı̨ sìı edaxàgole.

Zezì Wecheekeèdeè 4:35

Zezì wecheekeèdeè gà nègele. Amìı wegha t'asìı whìle sìı eyı sǫǫ̀mba t'à gots'àgedı.

Zezì Wecheekeèdeè 4:4

Hanìkò dǫ łǫ godı gıìkw'oo sìı gıgha ehkw'ı-ahodıì agejà. Hazǫǫ̀ t'à dǫzhìı sı̨làı-lemì haàtłǫǫ gıgha ehkw'ı-ahodıì agejà.

Zezì Wecheekeèdeè 5:14

Hanìkò dǫzhìı eyıts'ǫ ts'èko łǫ gots'ǫ̀ K'àowo gıgha ehkw'ı-ahodı, eyıt'à deɂǫ̀ǫ̀ dǫ łǫ goxè aget'ı̨į̀ ajà.

Zezì Wecheekeèdeè 5:28

Yahtıı-wet'àaɂàa-deè gots'ǫ̀ hadı, “Yatı nàtsoo naxıghàts'ı̨ı̨ɂǫ ı̨lè; Zezì wıızì t'à dǫ hoghàgıahtǫ-le naxèts'edı ı̨lè. Hanìkò Jerusalem dǫ hazǫǫ̀ ayìı hoghàgıahtǫǫ sìı eyı ghǫ gogedeè agejà, eyıts'ǫ goxı̨ got'àat'à eyı dǫ ełaı̨wo dahdı ha, k'ehoahɂa,” gòhdı.

Zezì Wecheekeèdeè 6:2

Eyıt'à Zezì wecheekeèdeè, Nǫ̀htsı̨ wecheekeè hazǫǫ̀ gokàgehɂà, hagògedı, “Bò dǫ tàts'ele nı̨dè Nǫ̀htsı̨ weyatıì dǫ hoghàgıts'eehtǫ gha dek'aɂį̀ ade ha. Eyı ehkw'ı ha nıìle.

Zezì Wecheekeèdeè 6:7

Eyıt'à dǫ łǫ Nǫ̀htsı̨ yatıì ghǫ gıìkw'o. Kǫ̀ta Jerusalem Nǫ̀htsı̨ wecheekeè łǫ ajà, eyıts'ǫ gıta yahtıı łǫ gıgha ehkw'ı-ahodıì agejà.

Zezì Wecheekeèdeè 9:29

Israel got'ı̨į̀ Greek k'ę̀ę̀ gogedee sìı gots'ǫ̀ gode xè goxè nàyaehtı, hanìkò ełaàgıìhwhı ha hogeèhdzà.

Zezì Wecheekeèdeè 9:39

Eyıt'à Peter gok'èè èhtła. Ekǫ nègı̨ı̨de ekò ı̨dòo dahkǫ̀ ts'ǫ̀ dekıìtłaà agı̨į̀là. Ts'èko gıgà dǫzhìı whìle sìı hazǫǫ̀ Peter gà nàgeèhza, getse. Dorcas ı̨łaà eda ekò gogha goht'ǫ whehtsı̨ı̨ sìı Peter ts'ǫ̀ dagıale.

Zezì Wecheekeèdeè 9:41

Peter yılà daachì gà nàwo ayį̀į̀là. Eyı tł'axǫǫ̀ dǫ gıgha ehkw'ı-ahodı eyıts'ǫ ts'èko gıgà dǫzhìı whìle sìı goyageède agǫ̀ǫ̀là. Ts'èko edaà ajàa sìı gıghàedaà agǫ̀ǫ̀là.

Rome 12:7

Dǫ ts'àdı ha weghàhòt'ǫ nı̨dè yek'ę̀ę̀ eghàlaıdà. Dǫ hoghàehtǫ ha weghàhòt'ǫ nı̨dè yek'ę̀ę̀ eghàlaıdà.

1 Corınth 10:10

Eyıts'ǫ gocho mǫ̀hdaa hagı̨ı̨dì lanì, Nǫ̀htsı̨ ts'ǫ̀ sǫahdı-le. Hagı̨ı̨dì ts'ıhɂǫ̀ yak'eet'ı̨į̀ dǫ dıhohtsı̨ı̨ elı̨ı̨ sìı ełaàgòı̨hdè ı̨lè, eyı wenaahdì.

2 Corınth 11:22

Hebrew got'ı̨į̀ agı̨ı̨t'e ghǫ xàdahogedì nı̨dè sı̨ sı Hebrew got'ı̨į̀ aht'e. Israel got'ı̨į̀ agı̨ı̨t'e nì? Sı̨ sı Israel got'ı̨į̀ aht'e. Abraham wets'ıhɂǫ̀ǫ-dǫǫ̀ agı̨ı̨t'e nì? Sı̨ sı Abraham wets'ıhɂǫ̀ǫ-dǫǫ̀ aht'e hǫt'e.

Phılıppı 3:5

Segǫ̀hłı̨ gots'ǫ ek'èdı̨ dzęę̀ t'à sekwǫ̀ nàat'a hǫt'e, Israel got'ı̨į̀ aht'e, Benjamın wets'ıhɂǫ̀ǫ-dǫǫ̀ aht'e, eyıt'à Hebrew wedeèdlı̨ı̨ aht'e. Pharısee aht'e t'à Moses wenàowoò hazǫǫ̀ wek'èɂaeht'è hǫt'e.

1 Tımothy 5:3

Ts'èko gıdǫǫ̀ ełaı̨dèe sìı gık'èdì whìle nı̨dè hotıì nezı̨į̀ gıts'àądı.

1 Tımothy 5:9

Ts'èko gıdǫǫ̀ ełaı̨dèe eyıts'ǫ ek'ètaènǫ daats'ǫ̀ gıghoò sìı ededı̨ zǫ gıızì dek'eèhtł'è aahłe. Gıdǫǫ̀ ı̨łè zǫ gòı̨lèe xè ededǫǫ̀ xè ehkw'ı gı̨ı̨dà nı̨dè,

Hebrew 13:1

Xàè ełèot'ı̨ lanì t'aats'ǫǫ̀ ełeghǫnıahtǫ.

James 1:27

Nǫ̀htsı̨ gogha ehkw'ı-ahodı nı̨dè Nǫ̀htsı̨-Gotà dıı hanì wegha eghàlats'eedaa sìı wınì k'ę̀ę̀ degaı xè hołı̨ı̨ dę hǫt'e: eyı sìı ts'ınake eyıts'ǫ ts'èko gıdǫǫ̀ ełaı̨dèe gıgha hoìla sìı gıts'àts'edı, eyıts'ǫ dıı nèk'e nàowołı̨ı̨ ch'à edek'èts'edì.

James 4:5

Dıı hanì Nǫ̀htsı̨ Nı̨htł'è k'e dek'eèhtł'è, “Wets'ǫ Įnì Degaı godzeè yìı nàdè ayį̀į̀là, wets'ǫ Įnì Degaı deghàà wets'ǫ ts'ı̨ı̨lı̨ ha goı̨hwhǫ hǫt'e.” Dıı hanì dek'eèhtł'èe sìı ekìı ahodı dahwhǫ nì?

James 5:9

Sèot'ı̨ı̨, ełek'èch'a goahde-le. Haaht'ı̨ nı̨dè naxısınìyaetı ha. Dǫ-sınìyaehtıı-dǫǫ̀ hòt'a naxısınìyahtı ha nìkw'o!