Zezì Wecheekeèdeè 5:9 - Nǫ̀htsı̨ Nı̨htł'è

⁹ Peter yets'ǫ̀ hadı, “Dànìghǫ Yedàyeh Nezı̨ı̨ weahdzà ha dahwhǫ nǫǫ̀? Cheko nedǫǫ̀ xàgeèhchìı sìı jǫ tı̨ı̨dà ts'ǫ̀ gıadè. Nı̨ sı xànegeehtè ha,” yèhdı.

Zezì Wecheekeèdeè 5:9 ပူးပေါင်းရင်းမြစ်များ

Dànì Kèhoį̀wo 20:13

Nǫ̀htsı̨ setà wets'ǫǫ̀ nats'eèhdeè agǫ̀ǫ̀là ekò Sarah dıı hawèehsı̨ ı̨lè, ‘Seghǫneę̀tǫ nı̨dè t'aa ts'ǫ̀ k'ets'edèe sìı nı̨ı̨de aht'e sį̀ı̨dı ha,’ wèehsı̨ ı̨lè,” Abraham yèhdı.

Matthew 4:7

Hanìkò Zezì yets'ǫ̀ hadı, “Dıı hanì sı dek'eèhtł'è hǫt'e: Nǫ̀htsı̨ naxıts'ǫ̀ K'àowo sìı t'asìı nezı̨-le t'à weahdzà ha nıìle,” yèhdı.

Luke 16:2

Eyıt'à k'àowo edecheekeè kayaı̨htı gà yets'ǫ̀ hadı, ‘Neghǫ godı nezı̨-le eèhkw'o. Hòt'a segha eghàlaı̨da ha-le t'à, t'asìı hazǫǫ̀ netł'aà whelaa sìı dek'enìı̨tł'è,’ yèhdı.

Zezì Wecheekeèdeè 15:10

Nǫ̀htsı̨ hanì ha nıwǫ nı̨dè ayìıha Nǫ̀htsı̨ weahdzà? Dǫ eyıì-le xàɂaa Nǫ̀htsı̨ gı̨ı̨wǫǫ sìı eyı nàowo nedà lanıı gık'e nèts'ele ha dìì. Gocho eyıts'ǫ goxı̨ sı gogha nedàa t'à wek'ę̀ę̀ ts'eeda ha dìì ı̨lè.

Zezì Wecheekeèdeè 5:6

Cheko mǫ̀hdaa goyaède, wekw'ǫǫ̀ ɂehtł'ı̨ yìı gı̨ı̨htı̨ gà xàgeèhchì, eyıts'ǫ wekw'ǫǫ̀ nègı̨į̀tǫ.

Rome 10:15

Eyıts'ǫ gots'ǫ̀ K'àowo dǫ goı̨hɂà-le nı̨dè, dànì wegodıì nezı̨ı̨ t'à gots'ǫ̀ gogede welì? Dıı hanì dek'eèhtł'è: “Dǫ godı nezı̨ı̨ gots'ǫ̀ nìı̨ɂǫǫ sìı weghǫ sıì goınà hǫt'e!” dek'eèhtł'è.

Rome 3:19

Moses wenàowoò k'e ayìı dek'eèhtł'èe sìı dǫ gotł'aà geèhkw'ee sìı gıgha dek'eèhtł'è hǫt'e. Hanì-ı̨dè dǫ wı̨ı̨zìı “Wek'èehsǫ-le,” gedı ha dìì, eyıts'ǫ dıı nèk'e dǫ hazǫǫ̀ dànì gı̨ı̨dàa k'ę̀ę̀ Nǫ̀htsı̨ gosınìyaehtı ha hǫt'e.

1 Corınth 10:9

Gocho mǫ̀hdaa gıxèht'eè, gots'ǫ̀ K'àowo wets'eèhdzà ha hòɂǫ nıìle. Hagıat'į̀ ts'ıhɂǫ̀ gòocho t'à ełaàgı̨ı̨dè ı̨lè, eyı wenaahdì.