Zezì Wecheekeèdeè 27:6 - Nǫ̀htsı̨ Nı̨htł'è

⁶ Ekǫ t'aa eghǫǫ-dǫǫ̀-gha-k'àowo elàcho Italy nèk'e ts'ǫ̀ deɂè ha yegòį̀hɂǫ. Eyıt'à eyı elàcho yìı goı̨wa.

Zezì Wecheekeèdeè 27:6 ပူးပေါင်းရင်းမြစ်များ

Zezì Wecheekeèdeè 18:2

Ekǫ Israel got'ı̨į̀, Aquıla wìyeh, kǫ̀ta Pontus wegǫ̀hłı̨ı̨ sìı, yeghaetła. K'àowodeè Claudıus, weyatıì k'e Israel got'ı̨į̀ hazǫǫ̀ kǫ̀godeè Rome gots'ǫǫ̀ xàgeedè ha gòhdı. Eyıt'à Aquıla, edets'èkeè Prıscılla xè Italy nèk'e gots'ǫ eyı nègı̨ı̨de. Paul gots'àèhtła.

Zezì Wecheekeèdeè 18:24

Ekìıyeè k'e Israel got'ı̨į̀ Apollos wìyeh, Alexandrıa gots'ǫ dǫ, kǫ̀ta Ephesus nììtła. Dǫ t'asìı k'èezǫǫ deè elı̨ eyıts'ǫ Nǫ̀htsı̨ Nı̨htł'è sı deghàà yek'èezǫ.

Zezì Wecheekeèdeè 27:1

Italy nèk'e ts'ǫ̀ ts'eeɂè ha gedı t'à, Paul eyıts'ǫ dǫ gıdanìı̨laa mǫ̀hdaa eghǫǫ-dǫǫ̀-gha-k'àowo ı̨łè, Julıyus wìyeh, wetł'aà nègogį̀ı̨wa. Ededı̨ sìı dèe-ts'ǫ̀-k'àowo gha eghǫǫ-dǫǫ̀-gha-k'àowo elı̨.

Zezì Wecheekeèdeè 28:11

Eyı dı k'e taı sa nàts'ı̨ı̨dè tł'axǫǫ̀ elàcho yìı nats'ı̨ı̨de gà nats'eèhɂe. Eyı elàcho kǫ̀ta Alexandrıa gots'ǫ ne sìı, eyı sı xoghà ı̨ı̨tǫ̀. Eyı elàchokwì k'e gınǫ̀htsı̨ą ełèchǫekèa gıkwì dek'ewhela, Castor eyıts'ǫ Pollux gìyeh.

Zezì Wecheekeèdeè 6:9

Hanìkò Israel got'ı̨į̀ ı̨łè xàɂaa “edets'ǫ̀ k'agedèe dǫò” gìyeh sìı Stephen k'èch'a gogede. Cyrene nèk'e, kǫ̀ta Alexandrıa, Cılıcıa nèk'e eyıts'ǫ Asıa nèk'e gots'ǫ dǫ agı̨ı̨t'e. Stephen wekwì gǫǫzǫ xè Yedàyeh Nezı̨ı̨ dahxà gots'ǫ̀ gode t'à gıdàgode ha dìì agejà.