Zezì Wecheekeèdeè 27:4 - Nǫ̀htsı̨ Nı̨htł'è

⁴ Whaà-le-t'ıì k'achı̨ elàcho yìı nats'ı̨ı̨de gà nats'eèɂe. Sıì nı̨hts'ı nàtso t'à dı nechàa Cyprus wìyeh weecha ts'eèɂe, ekǫ nı̨hts'ı nàtso-le.

Zezì Wecheekeèdeè 27:4 ပူးပေါင်းရင်းမြစ်များ

Matthew 14:24

Ekìıyeè k'e elà ı̨kwę̀ nıwà ajà. Nı̨hts'ı nìhdǫǫ̀ nagıat'ò t'à elà k'eweehts'ı dìì.

Mark 6:48

Zezì wecheekeè gınìhdǫǫ̀ nawhets'ı t'à hòtł'ò egeet'oò goaɂı̨. Totanı daats'ǫ̀ taı nìı̨ɂǫ hanì-le-ı̨dè ek'ètaı ekìıyeè k'e Zezì tı ka edecheekeè gots'ǫ̀ naetłe ekò goɂǫ̀ǫ̀ naetła ha ı̨lè.

Luke 8:22

Įłàà Zezì edecheekeè ts'ǫ̀ hadı, “Įnǫ̀ǫ̀ nats'ııɂè.” Eyıt'à elà yìı gı̨ı̨de gà nageèɂe.

Zezì Wecheekeèdeè 13:4

Barnabas eyıts'ǫ Saul Yedàyeh Nezı̨ı̨ k'egohɂı̨ t'à kǫ̀ta Seleucıa ts'ǫ̀ agejà eyı gots'ǫ Cyprus dı nechàa wheɂǫǫ ts'ǫ̀ geèɂe.

Zezì Wecheekeèdeè 15:39

Paul eyıts'ǫ Barnabas eyı ghǫ sıì ełek'ę̀ę̀ agı̨ı̨wǫ-le t'à ı̨łak'aà agejà. Barnabas, John-Mark edexè ayį̀į̀là gà, Cyprus dı nechàa wheɂǫǫ ts'ǫ̀ geèɂe.

Zezì Wecheekeèdeè 21:16

Kǫ̀ta Caesarea gots'ǫ Nǫ̀htsı̨ wecheekeè mǫ̀hdaa goxè agejà. Dǫ ı̨łè Manason wìyeh wekǫ̀ ats'ı̨ı̨t'e ha t'à, ekǫ ts'ǫ̀ agogį̀į̀là. Eyı dǫ Manason, Cyprus gots'ǫ dǫ hǫt'e. Nǫ̀htsı̨ wecheekeè t'akwełǫ̀ǫ̀ kèhogı̨į̀hde ekò ededı̨ goxè at'ı̨ ı̨lè.

Zezì Wecheekeèdeè 21:3

Dı nechàa Cyprus ts'aɂı̨, sazı̨ ts'ǫǫ̀hk'e wexa ats'ejà. Syrıa nèk'e ts'ǫ̀ ts'eèɂe tł'axǫǫ̀ kǫ̀ta Tyre dàts'ı̨ı̨de. Elàcho yìı t'asìı whelaa sìı ekǫ dàgı̨ı̨wa.

Zezì Wecheekeèdeè 27:7

Sıì nı̨hts'ı nàtso xè gonìhdǫǫ̀ nawhets'ı t'à, łǫ dzęę̀ ts'ǫ̀ tı k'e ı̨whąą̀ ats'ı̨ı̨t'į̀-le. Įkaa-t'a kǫ̀ta Cınıdus ts'ǫ̀ gǫǫwà-lea nèts'ı̨ı̨ɂe whìle. Edı̨į̀ ts'ǫ̀ ats'et'ı̨ ı̨lèe sìı ekǫ ats'ede ha dìì t'à kǫ̀ta Salmone goxa ts'eèɂe, eyıts'ǫ dı nechàa Crete wìyeh weecha ts'eèɂe.

Zezì Wecheekeèdeè 4:36

Gıta dǫ ı̨łè Joseph wìyeh sìı Cyprus gots'ǫ Levı got'ı̨į̀ hǫt'e. Zezì wecheekeèdeè, Barnabas wìyeh agı̨į̀là. (Dǫ-ts'àdıı-dǫǫ̀ gedıì-agedı.)