Zezì Wecheekeèdeè 26:6 - Nǫ̀htsı̨ Nı̨htł'è

⁶ T'akwe whaà Nǫ̀htsı̨ gocho ts'ǫ̀ yatı whehtsı̨ı̨ sìı weghǫ hòtł'ò anı̨hwhǫ t'à, dıı dzęę̀ k'e eyı wet'à seghǫ nàyaetı hǫt'e.

Zezì Wecheekeèdeè 26:6 ပူးပေါင်းရင်းမြစ်များ

Zezì Wecheekeèdeè 24:15

Nǫ̀htsı̨ dǫ naìdà ayele ghǫ gogedee sìı gıxèht'eè segha ehkw'ı-ahodı hǫt'e. Ehkw'ı-geedaa-dǫǫ̀ eyıts'ǫ hołı̨ı̨-k'ę̀ę̀-geedaa-dǫǫ̀, į̀łah nagìdà ha hǫt'e.

Tıtus 2:13

Enıìyah deè nàhòwo ha ı̨łaà wek'enats'eèhɂı̨ et'ıì hanì nezı̨į̀ ts'eeda ha hǫt'e. Zezì-Krı Gonǫ̀htsı̨ eyıts'ǫ Edaxàgolee deè elı̨ı̨ sìı gots'ǫ̀ wègoèt'į̀ ha wek'enats'eèhɂı̨ hǫt'e.

Zezì Wecheekeèdeè 28:20

Eyı hanì nàhòwo t'à naxıkàwhıhɂà hǫt'e, eyıts'ǫ naxıts'ǫ̀ gohde ha dehwhǫ t'à. Israel got'ı̨į̀ dǫ ı̨łè gıkanıèɂàa sìı eyı wets'ıhɂǫ̀ dıı satsǫ̀tł'ıì sek'e whela hǫt'e,” Paul gòhdı.

Rome 15:8

Ehkw'ı anaxèehsı̨, Nǫ̀htsı̨ weyatıì ehkw'ı dahxà Zezì-Krı Israel got'ı̨į̀ gogha eghàlaedaa ajà. T'akwe whaà Nǫ̀htsı̨ edeyatıì gocho ghàyı̨ı̨ɂǫǫ ı̨lèe sìı Zezì wek'ę̀ę̀ hòɂǫǫ̀ ayį̀į̀là.

Zezì Wecheekeèdeè 23:6

Paul, dǫ mǫ̀hdaa eyı geèhkw'ee sìı Sadducee agı̨ı̨t'e, eyıts'ǫ mǫ̀hdaa Pharısee agı̨ı̨t'e gok'èezǫ. Eyıt'à k'aodèe gots'ǫ̀ hadı, “Sèot'ı̨ı̨, sı̨ sìı Pharısee aht'e, eyıts'ǫ setà ededı̨ sı Pharısee elı̨ ı̨lè. Dǫ naìdà ha sìı segha ehkw'ı-ahodı t'à jǫ seghǫnàyaetì hǫt'e,” gòhdı.

Dànì Kèhoį̀wo 26:4

Nets'ıhɂǫ̀ǫ-dǫǫ̀ łǫ t'à yat'a whǫ̀ lageètłǫ agehłe ha, eyıts'ǫ dıı dèè hazǫǫ̀ gıghàehɂà ha. Nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa gıxè sìghà hòɂǫ ha,

Dànì Kèhoį̀wo 22:18

Sek'èanet'e k'èxa nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa xè sìghà hòɂǫ ha,” yak'eet'ı̨į̀ yèhdı.

Dànì Kèhoį̀wo 12:3

Dǫ nexè sìghà hogehtsı̨ı̨ sìı gıxè sìghà agohłe ha, eyıts'ǫ dǫ yatı nezı̨-le nek'e nègııɂàa sìı yatı nezı̨-le gıghàehɂà ha. Eyıts'ǫ nı̨ nets'ıhɂǫ̀ dıı nèk'e dǫ hazǫǫ̀ gıxè sìghà hòɂǫ ha,” Nǫ̀htsı̨ yèhdı.

Galatıa 4:4

Hanìkò Nǫ̀htsı̨ wegha deghàà nèhòkw'o ekò Edeza gots'ǫ̀ ayį̀į̀là, ts'èko ts'ǫ dǫ elı̨, eyıts'ǫ Moses wenàowoò tł'a wheda ı̨lè.

Zezì Wecheekeèdeè 26:8

Nǫ̀htsı̨ dǫ naìdà ayele ha sìı dànìghǫ naxıgha ehkw'ı-ahodı-le sǫnı?

Zezì Wecheekeèdeè 24:21

Gınadąą̀ nàhwho ekò t'asìı ı̨łè zǫ t'à sek'e nìdahogį̀ı̨ɂǫ, dıı haehsı̨ ı̨lè: ‘Dǫ ełaı̨dèe sìı naìdà ha eyı segha ehkw'ı-ahodı t'à dıı dzęę̀ k'e jǫ nenadąą̀ nàhwho hǫt'e.’ ” Paul hadıì Felıx ts'ǫ goı̨de.

Zezì Wecheekeèdeè 3:24

“Hęɂę, Samuel nakwenàoɂǫǫ elı̨ gots'ǫ nakwenàoɂǫǫ hazǫǫ̀ dıı dzęę̀ ghǫ nadąą̀ gogı̨ı̨de ı̨lè.

Dànì Kèhoį̀wo 49:10

Judah, k'àowocho-geè t'aats'ǫǫ̀ wetł'aà wheɂǫ ha. Amìı wets'ǫ nee sìı nììtła gots'ǫ̀ k'àowocho-geè t'aats'ǫǫ̀ Judah wexè hòɂǫ ha, eyıts'ǫ dǫ hazǫǫ̀ xàɂaa gık'èı̨t'e ha.

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.