Zezì Wecheekeèdeè 26:3 - Nǫ̀htsı̨ Nı̨htł'è

³ Nı̨ sìı Israel got'ı̨į̀ gınàowoò eyıts'ǫ ayìı t'à ełek'èhogeeɂà-le sìı hazǫǫ̀ wek'èı̨zǫ hǫt'e. Eyıt'à ts'èwhı̨į̀ sı̨į̀hkw'ǫ ha neehwhǫ.

Zezì Wecheekeèdeè 26:3 ပူးပေါင်းရင်းမြစ်များ

Zezì Wecheekeèdeè 21:21

Hanìkò dıı hanì neghǫ godı gıìkw'o. Israel got'ı̨į̀ dǫ eyıì-le ta nàgedèe sìı Moses wenàowoò wedę hoghàgı̨ı̨htǫǫ, nègedı. Moses wenàowoò k'ę̀ę̀ naxızaa gıkwǫ̀ nàt'à-le kò eyıts'ǫ gonàowoò k'èahdì-le kò nı̨ı̨dı ghǫ egıìkw'o.

Zezì Wecheekeèdeè 24:10

K'àowo Felıx, Paul edegha gode ha yets'ǫ̀ dadıìtso. Paul hadı, “Whaà gots'ǫ Israel nèk'e gogha dǫ-sınìyaehtıı-dǫǫ̀ nelı̨ wek'èehsǫ, eyıt'à edegha gohde ha sınà.

Zezì Wecheekeèdeè 24:4

Hanìkò goghǫ dìì anede kwe whaà-lea gots'ǫ̀ goį̀kw'o ha nets'eekè.

Zezì Wecheekeèdeè 25:26

Hanìkò dèe-ts'ǫ̀-k'àowo Caesar ts'ǫ̀ dànì weghǫ eehtł'è ha sìı ı̨łaà wek'èehsǫ-le. Eyıt'à jǫ naxınadąą̀ nàwo ahłà. K'àowocho Agrıppa nı̨ t'aa nenadąą̀ nèwııhtı̨ hǫt'e. Jǫ weghǫ ełets'eèhdìı t'à edahxǫ weghǫ t'asìı eehtł'è ade ha sǫnı.

Zezì Wecheekeèdeè 26:2

“K'àowocho Agrıppa, dıı dzęę̀ k'e sìghà nenadąą̀ nàhwho hǫt'e. Israel got'ı̨į̀ seghǫ dàgedıı sìı wek'e edegha gohde ha dehwhǫ.

Zezì Wecheekeèdeè 26:26

K'àowocho Agrıppa, ededı̨ eyı hazǫǫ̀ yek'èezǫ hǫt'e, wets'ǫ̀ gohde ha edèdaehdı-le. Eyı hazǫǫ̀ deɂı̨į̀ agòjà-le t'à wenaàhtǫ nıìle hotıì wek'èehsǫ.

Zezì Wecheekeèdeè 26:7

Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı Nǫ̀htsı̨ edeyatıì k'ę̀ę̀ hòɂǫǫ̀ ayele ha sìı gıgha ehkw'ı-ahodı t'à, dzę eyıts'ǫ to Nǫ̀htsı̨ gha hòtł'ò eghàlageeda. K'àowocho Agrıppa, sı̨ sı Nǫ̀htsı̨ dànì edeyatıì k'ę̀ę̀ hòɂǫǫ̀ ayele ha sìı segha ehkw'ı-ahodı t'à Israel got'ı̨į̀ sek'èch'a gogede.

Zezì Wecheekeèdeè 28:17

Paul eyı nììtła gots'ǫ taı dzęę̀ tł'axǫǫ̀ Israel got'ı̨į̀ gha k'aodèe gokàehɂà. Hazǫǫ̀ ełègehde tł'axǫǫ̀ Paul gots'ǫ̀ hadı, “Sèot'ı̨ı̨, gots'ǫ dǫ gık'èch'a ekǫ-le eghàlaıhdà-le eyıts'ǫ gocho gınàowoò k'èch'a eghàlaıhdà-le, hanìkò kǫ̀ta Jerusalem ekǫ segį̀į̀hchì eyıts'ǫ Rome got'ı̨į̀ ghàsegį̀ı̨htı̨.

Zezì Wecheekeèdeè 6:14

Dıı hadı wets'ıìhkw'o, ‘Nazareth got'ı̨į̀ Zezì wìyeh sìı Nǫ̀htsı̨kǫ̀-gocho yedıhohtsı̨ ha, eyıts'ǫ Moses nàowoò goghàı̨ɂǫǫ sìı ładı̨į̀ ayele ha,’ hadı, wets'ıìkw'o ı̨lè,” gedı.

1 Corınth 13:2

Yedàyeh Nezı̨ı̨ dahxà xàyahtı ha seghàhòt'ǫ nı̨dè, t'asìı deɂı̨į̀ whelaa eyıts'ǫ t'asìı dezhìı hazǫǫ̀ wenıehdì nı̨dè, eyıts'ǫ sıì segha ehkw'ı-ahodı t'à shìh nechàa nàèhdǫ ahłe ha dìì-le, hanìkò dǫ ghǫneehtǫ-le nı̨dè t'asìı ehłı̨ nıìle.