Zezì Wecheekeèdeè 24:1 - Nǫ̀htsı̨ Nı̨htł'è

¹ Sı̨làı dzęę̀ tł'axǫǫ̀ yahtıı-wet'àaɂàa-deè Ananıas kǫ̀ta Caesarea ts'ǫ̀ èhtła. Ǫhdah mǫ̀hdaa eyıts'ǫ dǫ-k'edaedıı-dǫǫ̀ Tertullus wìyeh xè agejà. Paul k'e nìdahogeeɂà gha k'àowo Felıx ts'ǫ̀ geède.

Zezì Wecheekeèdeè 24:1 ပူးပေါင်းရင်းမြစ်များ

Zezì Wecheekeèdeè 12:21

Ełegeèhdìı dzęę̀ k'e k'àowocho Herod, goht'ǫ wèdaat'ı̨ı̨ yìetła eyıts'ǫ k'àowocho daèhchı̨į̀ k'e dèhkwà gà dǫ ts'ǫ̀ goı̨de.

Zezì Wecheekeèdeè 21:27

Łǫ̀hdı̨ dzęę̀ ts'ǫ̀ sıìdegeɂı̨ ghǫ k'àhdzǫ nagı̨ı̨t'e ekò Asıa nèk'e gots'ǫ Israel got'ı̨į̀ mǫ̀hdaa Nǫ̀htsı̨kǫ̀-gocho gà Paul gıaɂı̨. Dǫ xè nıdahogı̨į̀hdè t'à Paul dagıachì.

Zezì Wecheekeèdeè 23:2

Paul hadı t'à yahtıı-wet'àaɂàa-deè Ananıas, dǫ Paul gà nàgeèhzaa sìı ts'ǫ̀ hadı “Wewà nàahkà!” gòhdı.

Zezì Wecheekeèdeè 23:24

Paul t'asade ha ts'ı̨ı̨wǫ-le. K'àowo Felıx ts'ǫ̀ wets'eechı ha t'à, wegha tłı̨cho gòahɂà,” gòhdı.

Zezì Wecheekeèdeè 23:30

Israel got'ı̨į̀ ełaàgehwhı ha ghǫ eèhkw'o ekò ekòet'ıì nets'ǫ̀ awèhłà. Dǫ ayìı gha yek'e nìdahogį̀ı̨hɂǫǫ sìı nenadąą̀ gıghǫ gogede ha hǫt'e, gèehsı̨,” eghǫǫ-dǫǫ̀-gha-k'àowo hadıì ı̨ı̨tł'è.

Zezì Wecheekeèdeè 23:33

Eghǫǫ-dǫǫ̀ tłı̨cho t'à-aget'ı̨ı̨ sìı kǫ̀ta Caesarea nègı̨ı̨de ekò enı̨htł'è k'àowo Felıx ghàgı̨ı̨ɂah eyıts'ǫ Paul gıtł'aı̨htı̨.

Zezì Wecheekeèdeè 23:35

Felıx yets'ǫ̀ hadı, “Dǫ nek'e nìdahogį̀ı̨ɂǫǫ sìı jǫ nègı̨ı̨de nı̨dè negodıì eèhkw'ǫ ha,” yèhdı. K'àowo Felıx weyatıì k'e Paul, Herod wekǫ̀ gocho wek'èhodì ayį̀į̀là.

Zezì Wecheekeèdeè 24:11

Nàke dzęahta ekìıyeè k'e Jerusalem Nǫ̀htsı̨ ts'ǫ̀ yahtı ha ekǫ nàwhıhtła ı̨lè, eyı ehkw'ı aehsı̨ wegǫ̀ǫ̀hɂà ha dìì-le.

Zezì Wecheekeèdeè 24:2

Paul xàyagı̨ı̨htı tł'axǫǫ̀ ayìıha weghǫ nàyaetıı sìı dǫ-k'edaedıı-dǫǫ̀ Tertullus Paul ghǫ k'àowo Felıx ts'ǫ̀ goı̨de, hadı, “Nı̨ gogha k'àowo nelı̨ t'à whaà gots'ǫ goxè ts'èwhı̨į̀ hòɂǫ hǫt'e, eyıts'ǫ ı̨daà gogha nànınewo t'à gonèk'e nezı̨į̀ hòɂǫǫ̀ anelà.

Zezì Wecheekeèdeè 25:15

Jerusalem ts'ǫ̀ ahjà ekò yahtıı-gha-k'aodèe eyıts'ǫ Israel got'ı̨į̀ gha k'aodèe sìı dıı dǫ k'e nìdahogį̀ı̨ɂǫ. Eyıt'à Paul ełaàwı gha wesınìyahtı ha segı̨ı̨hwhǫ.

Zezì Wecheekeèdeè 25:2

Ekǫ t'aa yahtıı-gha-k'aodèe eyıts'ǫ Israel got'ı̨į̀ gha k'aodèe gı̨ı̨lı̨ı̨ sìı gıxè ełegıadì. Ayìıha Paul k'e nìdahogį̀ı̨ɂǫǫ ghǫ k'àowo Festus ts'ǫ̀ hagedı.

1 Corınth 2:1

Sèot'ı̨ı̨, t'akwełǫ̀ǫ̀ naxıts'ǫ̀ nèehtła ekò yatı wèdaat'ı̨ı̨ t'à naxıts'ǫ̀ goıhde nıìle. Eyıts'ǫ Nǫ̀htsı̨ wegodıì naxıts'ǫ̀ nèehɂǫ ekò dıı nèk'e gots'ǫ dǫ gogı̨ı̨zǫǫ gık'ę̀ę̀ k'ehoehɂa-le ı̨lè.

1 Corınth 2:4

Godı nezı̨ı̨ t'à naxıts'ǫ̀ gohde ekò wet'à gots'ı̨ı̨zǫǫ yatıì t'à naxıts'ǫ̀ goıhde-le ı̨lè, hanìkò Yedàyeh Nezı̨ı̨ nàhtsoò asį̀į̀là t'à naxınadąą̀ enıìyah k'ę̀ę̀ eghàlaehda ı̨lè.