Zezì Wecheekeèdeè 22:1 - Nǫ̀htsı̨ Nı̨htł'è

¹ “Sèot'ı̨ı̨ eyıts'ǫ goɂǫhdaà yàahłı̨ı̨ sìı, edegha gohde ha t'à seàhkw'ǫ,” gòhdı.

Zezì Wecheekeèdeè 22:1 ပူးပေါင်းရင်းမြစ်များ

Luke 12:11

“Eyıts'ǫ ełègehdèe-kǫ̀ goyìı dǫ nadąą̀, k'aodèe eyıts'ǫ dǫ-sınìyaehtıı-dǫǫ̀ gınadąą̀ nàahza naxegį̀į̀là nı̨dè, dànì edek'edaahdı ha eyıts'ǫ ayìı dàahdı ha sìı weghǫ nànıahdè-le.

Luke 21:14

Hanìkò hagode kwe-t'ıì dànì edek'edaahdı ha sìı ghǫ nànıahdè-le.

Zezì Wecheekeèdeè 13:26

“Sèot'ı̨ı̨, Abraham wets'ǫ dǫ yàahłı̨ı̨ eyıts'ǫ naxı̨, dǫ eyıì-le xàɂaa Nǫ̀htsı̨ ghǫ hòtł'ò aahwhǫǫ sìı dıı edaxàts'eedèe wegodıì goxı̨ gots'ǫ̀ adlà hǫt'e.

Zezì Wecheekeèdeè 19:33

Israel got'ı̨į̀ gı̨ı̨lı̨ı̨ sìı dǫ ı̨łè Alexander wìyeh dǫ hazǫǫ̀ nadąą̀ nàwoò agį̀į̀là. Dǫ mǫ̀hdaa gıts'ǫ̀ gezeh, dànì gode ha sìı gıts'ǫ̀ hadı. Alexander edèot'ı̨ gha gode ha nıwǫ t'à dǫ ts'èwhı̨į̀ agı̨ı̨t'e ha edılà t'à gogha nàɂeetsį̀.

Zezì Wecheekeèdeè 23:1

Paul, k'aodèe ehkw'ı goghàeda xè hagòhdı, “Sèot'ı̨ı̨, dıı dzęę̀ ts'ǫ̀ Nǫ̀htsı̨ dànıwǫǫ sìı k'ę̀ę̀ sedzeè t'à ehkw'ı eghàlaıhdà, wek'èehsǫ hǫt'e,” gòhdı.

Zezì Wecheekeèdeè 23:6

Paul, dǫ mǫ̀hdaa eyı geèhkw'ee sìı Sadducee agı̨ı̨t'e, eyıts'ǫ mǫ̀hdaa Pharısee agı̨ı̨t'e gok'èezǫ. Eyıt'à k'aodèe gots'ǫ̀ hadı, “Sèot'ı̨ı̨, sı̨ sìı Pharısee aht'e, eyıts'ǫ setà ededı̨ sı Pharısee elı̨ ı̨lè. Dǫ naìdà ha sìı segha ehkw'ı-ahodı t'à jǫ seghǫnàyaetì hǫt'e,” gòhdı.

Zezì Wecheekeèdeè 24:10

K'àowo Felıx, Paul edegha gode ha yets'ǫ̀ dadıìtso. Paul hadı, “Whaà gots'ǫ Israel nèk'e gogha dǫ-sınìyaehtıı-dǫǫ̀ nelı̨ wek'èehsǫ, eyıt'à edegha gohde ha sınà.

Zezì Wecheekeèdeè 25:16

“Hanìkò hagèehsı̨, ‘Dǫ weghǫ nàyaetı kwe-t'ıì dǫ tł'aàts'ehtè ha sìı Roman gınàowoò gha wets'àet'ǫ hǫt'e,’ gèehsı̨, ‘Dǫ wek'e nìdahoòt'ǫ nı̨dè amìı ayı̨į̀làa sìı t'akwełǫ̀ǫ̀ gonadąą̀ nàwo gà weghǫ nàyaetı ha hǫt'e, eyıts'ǫ edegha gode ha hǫt'e.’

Zezì Wecheekeèdeè 25:8

Eyıt'à Paul edegha gode, hadı, “Israel got'ı̨į̀ gınàowoò k'èch'a eghàlaıhdà nıìle, eyıts'ǫ Nǫ̀htsı̨kǫ̀-gocho eyıts'ǫ dèe-ts'ǫ̀-k'àowo Caesar k'èch'a hòwhıhtsı̨ nıìle,” gòhdı.

Zezì Wecheekeèdeè 26:24

Paul hadı t'à k'àowo Festus, Paul ts'ǫ̀ hòtł'ò hadı, “Paul gonezǫ-le adı̨ı̨de! Sıì hòtł'ò hoghàneètǫ t'à k'edaà gonezǫ-le adı̨ı̨de,” yèhdı.

Zezì Wecheekeèdeè 28:17

Paul eyı nììtła gots'ǫ taı dzęę̀ tł'axǫǫ̀ Israel got'ı̨į̀ gha k'aodèe gokàehɂà. Hazǫǫ̀ ełègehde tł'axǫǫ̀ Paul gots'ǫ̀ hadı, “Sèot'ı̨ı̨, gots'ǫ dǫ gık'èch'a ekǫ-le eghàlaıhdà-le eyıts'ǫ gocho gınàowoò k'èch'a eghàlaıhdà-le, hanìkò kǫ̀ta Jerusalem ekǫ segį̀į̀hchì eyıts'ǫ Rome got'ı̨į̀ ghàsegį̀ı̨htı̨.

Zezì Wecheekeèdeè 7:2

Stephen hadı, “Sèot'ı̨ı̨ eyıts'ǫ goɂǫhdaà yàahłı̨ı̨ sìı seàhkw'ǫ! Gocho Abraham Mesopotamıa nèk'e nàı̨dè ekò, ı̨łaà kǫ̀ta Haran nàdè-le ekò, Nǫ̀htsı̨ enıìyah wehòhɂǫǫ sìı yets'ǫ̀ goı̨de ı̨lè.

Rome 2:15

Dànì nàowo k'ę̀ę̀ geeda ha sìı gıdzeè yìı wheɂǫ hǫt'e. Eyıt'à xàè gıdzeè et'ıì t'à nànıgedè eyıts'ǫ edek'e nìdahogeeɂà hǫt'e, ekǫ-le eghàlagı̨ı̨dà nı̨dè eyıts'ǫ ehkw'ı eghàlagı̨ı̨dà nı̨dè ededzeè yìı gık'èezǫ hǫt'e.)

1 Corınth 9:3

Dǫ seghǫ nàyagehtıı sìı gıts'ǫ̀ dıı haehsı̨į̀ edek'edaehdı ha dìì-le:

2 Corınth 12:19

Dıı haı̨wa gots'ǫ̀ edek'edats'eedıì ats'edı dahwhǫ ı̨lè nì? Zezì-Krı wexè ats'ı̨ı̨t'e k'ę̀ę̀ Nǫ̀htsı̨ wenadąą̀ edeghǫ gots'ede hǫt'e. Goàgı̨ą, t'asìı hazǫǫ̀ hats'ehɂı̨ı̨ sìı wet'à naxınì nàtsoò ade gha ats'et'ı̨ hǫt'e.

2 Corınth 7:11

Nǫ̀htsı̨ wınì k'ę̀ę̀ naxıdzeè etse t'à eładı̨į̀ aahjàa sìı wedaànıahdè. Dıì wet'à Nǫ̀htsı̨ gha naxınì nàtsoò ajà, hołı̨ı̨ nàowoò wedę ha dahwhǫǫ̀ aahjà, dǫ hołı̨ı̨ hogehtsı̨ nı̨dè naxık'èch'a hǫt'e, wet'à dajıahdeè laahjà, eyı ts'ıhɂǫ̀ seahɂį̀ ha dahwhǫ, wet'à sedaànıahdè aahjà, t'asìı hazǫǫ̀ ekǫ-le sìı ı̨whąą̀ wesınìyaetı ha dahwhǫ. Eyı hazǫǫ̀ hołı̨ı̨ k'ę̀ę̀ k'ehokw'oo sìı naxı̨ naxıxè agot'ı̨ nıìle naxık'èedzǫǫ̀ aahłà hǫt'e.

Phılıppı 1:17

Dǫ seghǫ ts'ohogeedıı sìı Zezì-Krı wegodıì t'à gogede, hanìkò edegha aget'ı̨, gıdzeè ehkw'ıı t'à agedı nıìle. Dǫ-danìı̨laa-kǫ̀ whıhda et'ıì segha hoìla xàgeeta gha aget'ı̨.

Phılıppı 1:7

Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

2 Tımothy 4:16

T'akwełǫ̀ǫ̀ seghǫ nàyaetı ekò dǫ wı̨ı̨zìı sek'edaedı-le ı̨lè, hazǫǫ̀ sets'ǫǫ̀ nageèhde ı̨lè. Eyı k'èxa Nǫ̀htsı̨ t'asagǫ̀ǫ̀là-le nı̨dè dehwhǫ.

1 Peter 3:15

Hanìkò naxıdzeè t'à Zezì-Krı naxıts'ǫ̀ K'àowo elı̨į̀ aahłe. Naxıgha ehkw'ı-ahodı ghǫ dǫ danaxeehke nı̨dè eyı ghǫ yatı weahɂà gha ts'atà dahkw'e ha hǫt'e. Naxıdzeè nezı̨ı̨ t'à wets'ǫ̀ goahde eyıts'ǫ eyı dǫ nezı̨į̀ wets'ǫ̀ naahɂa.