Zezì Wecheekeèdeè 20:4 - Nǫ̀htsı̨ Nı̨htł'è

⁴ Dǫ gıxè at'ı̨ı̨ sìı Berea got'ı̨į̀ Pyrhus weza, Sopater wìyeh, eyıts'ǫ Thessalonıca got'ı̨į̀ nàke Arıstarchus eyıts'ǫ Secundus, eyıts'ǫ Derbe got'ı̨į̀ Gaıus. Tımothy, Asıa got'ı̨į̀ Tychıcus eyıts'ǫ Trophımus goxè aget'ı̨.

Zezì Wecheekeèdeè 20:4 ပူးပေါင်းရင်းမြစ်များ

Zezì Wecheekeèdeè 14:20

Hanìkò Nǫ̀htsı̨ wecheekeè Paul wemǫǫ̀ nègı̨ı̨de ekò Paul nıìtła gà k'achı̨ kǫ̀godeè ts'ǫ̀ naèhtła. Ek'èdaedzęę̀ k'e Paul eyıts'ǫ Barnabas kǫ̀godeè Derbe ts'ǫ̀ agejà.

Zezì Wecheekeèdeè 14:6

Hanìkò Zezì wecheekeèdeè egıìkw'o t'à Lyconıa nèk'e ts'ǫ̀ agejà. Ekǫ kǫ̀godeè Lystra, Derbe eyıts'ǫ wemǫǫ̀ kǫ̀ta yàgòlaa sìı ı̨łaà godı nezı̨ı̨ t'à dǫ hoghàgogeehtǫ.

Zezì Wecheekeèdeè 16:1

Paul, kǫ̀ta Derbe eyıts'ǫ kǫ̀ta Lystra nàhtła, Nǫ̀htsı̨ wecheekeè ı̨łè Tımothy wìyeh ekǫ nàdè. Tımothy wemǫ Israel got'ı̨į̀ hǫt'e eyıts'ǫ wegha ehkw'ı-ahodı hǫt'e, hanìkò wetà Greece got'ı̨į̀ hǫt'e.

Zezì Wecheekeèdeè 16:6

Paul eyıts'ǫ dǫ gıxè at'ı̨ı̨ sìı Phrygıa nèk'e eyıts'ǫ Galatıa nèk'e hazǫǫ̀ k'egıadè, hanìkò Yedàyeh Nezı̨ı̨ Asıa nèk'e godı nezı̨ı̨ dǫ ts'ǫ̀ agı̨į̀là agǫ̀ǫ̀là-le.

Zezì Wecheekeèdeè 17:1

Kǫ̀godeè Amfıpolıs eyıts'ǫ Apollonıa goxa geède, kǫ̀godeè Thessalonıca ts'ǫ̀ agejà. Ekǫ Israel got'ı̨į̀ gıts'ǫ ełègehdèe-kǫ̀ gòɂǫ.

Zezì Wecheekeèdeè 17:13

Israel got'ı̨į̀ Thessalonıca nàgedèe sìı Paul kǫ̀ta Berea Nǫ̀htsı̨ yatıì t'à dǫ hoghàehtǫ ghǫ gıìkw'o t'à ekǫ ts'ǫ̀ geède. Dǫ łǫ Paul k'èch'a nıdahogı̨į̀hdè agogį̀į̀là.

Zezì Wecheekeèdeè 19:29

Whaà-le-t'ıì kǫ̀ta hazǫǫ̀ dǫ nìdahogı̨į̀hdè. Dǫ nàke Gaıus eyıts'ǫ Arıstarchus, Paul xè Macedonıa nàgedè ı̨lèe sìı dagogıachì. Ełegeèhdìı-k'è gǫchàa ts'ǫ̀ gogeèwa.

Zezì Wecheekeèdeè 2:9

Hazǫǫ̀ nèk'e gots'ǫ Israel got'ı̨į̀ eyıts'ǫ dǫ eyıì-le xàɂaa Moses wenàowoò k'ę̀ę̀ geedaà agejàa sìı jǫ ełèwhede: Parthıa, Mede eyıts'ǫ Elamıte got'ı̨į̀. Eyıts'ǫ hazǫǫ̀ nèk'e gots'ǫ aget'ı̨: Mesopotamıa, Judea, Cappadocıa, Pontus, Asıa,

Zezì Wecheekeèdeè 20:16

Paul, Asıa nèk'e whaà wheda ha nıwǫ-le t'à, kǫ̀ta Ephesus goxa naèhɂe. Edahxǫ Dzędeè Pentecost wekwe Jerusalem nììtła ha nıwǫ t'à, ekǫ ts'ǫ̀ ı̨whąą̀ nıwǫ.

Zezì Wecheekeèdeè 20:18

K'aodèe eyı nègı̨ı̨de ekò gots'ǫ̀ hadı, “T'akwełǫ̀ǫ̀ Asıa nèk'e ts'ǫ̀ ahjà gots'ǫ naxını nàıhdè t'à dànì ıhdàa sìı sek'èahsǫ hǫt'e.

Zezì Wecheekeèdeè 21:29

(Dǫ ı̨łè Ephesus got'ı̨į̀ Trophımus wìyeh, Paul xè gıaɂı̨ ı̨lè t'à eyı dǫ Paul xè Nǫ̀htsı̨kǫ̀-gocho gà nììtłaa gı̨ı̨wǫ t'à agedı.)

Zezì Wecheekeèdeè 27:2

Kǫ̀ta Adramaton gots'ǫ elàcho yìı ts'ı̨ı̨de. Asıa nèk'e tıchobàa kǫ̀ta yàgòlaa sìı ts'ǫ̀ ts'eeɂè ha nìkw'o t'à elàcho tak'è ts'ǫ̀ agı̨į̀là. Dǫ ı̨łè Arıstarchus wìyeh, Macedonıa nèk'e kǫ̀ta Thessalonıca gots'ǫ dǫ goxè ajà.

Rome 16:21

Tımothy sexè eghàlaedaa sìı, “Naxıxè sìghà welè,” naxèhdı, eyıts'ǫ Lucıyus, Jason eyıts'ǫ Sosıpater, xàè sèot'ı̨ agı̨ı̨t'ee sìı, “Naxıxè sìghà welè,” gedı.

Rome 16:23

Gaıus, sı̨ eyıts'ǫ Nǫ̀htsı̨ wecheekeè hazǫǫ̀ wekǫ̀ gots'ǫ̀ enìxàı̨tǫ t'à weghǫ masì ts'ı̨ı̨wǫǫ sìı, “Naxıxè sìghà welè,” naxèhdı. Erastus, kǫ̀ta gha sǫǫ̀mba k'èdìı elı̨ eyıts'ǫ gòet'ı̨ Quartus, “Naxıxè sìghà welè,” naxègedı.

2 Corınth 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Gòet'ı̨ Tımothy wexè kǫ̀ta Corınth Nǫ̀htsı̨ wecheekeè nàgedèe sìı gıts'ǫ̀ eehtł'è, eyıts'ǫ Achaıa nèk'e Nǫ̀htsı̨ wets'ǫ dǫ hazǫǫ̀ nàgedèe sìı gıts'ǫ̀ ts'eetł'è.

2 Corınth 1:19

Sılas, Tımothy eyıts'ǫ sı̨ Nǫ̀htsı̨ Weza Zezì-Krı weghǫ naxıts'ǫ̀ gots'ı̨ı̨dee sìı weghǫ “Hęɂę” ts'edı, eyıts'ǫ k'achı̨ “Į̀le” ts'edı nıìle, hanìkò Zezì wexè t'aats'ǫǫ̀ “Hęɂę” hǫt'e.

Ephesus 6:21

Tychıcus, sèot'ı̨ weghǫneehtǫǫ sìı t'aats'ǫǫ̀ gots'ǫ̀ K'àowo gha eghàlaeda hǫt'e. Sexè dàgǫ̀ht'ee sìı hazǫǫ̀ yeghǫ naxıxè godo ha, hanì-ı̨dè dànì sexè hòɂǫǫ eyıts'ǫ ayìı ghàlaehdaa sìı wek'èahsǫ ha.

Phılıppı 2:19

Gots'ǫ̀ K'àowo hanıwǫ nı̨dè whaà-le-t'ıì Tımothy naxıts'ǫ̀ awehłe ha. Hanì-ı̨dè naxıghǫ godı eèhkw'o nı̨dè sedzeè t'à sınà ha.

Colosse 4:10

Arıstarchus jǫ sexè dǫ-danìı̨laa-kǫ̀ wheda eyıts'ǫ Mark, Barnabas wèot'ı̨, “Naxıxè sìghà welè,” naxègedı. (Mark wets'ǫ̀ dànì k'ehoahɂa ha sìı eyı ghǫ hòt'a yatı naxıts'ǫ̀ ats'ı̨ı̨là ı̨lè. Naxıts'ǫ̀ nììtła nı̨dè, nezı̨į̀ wets'ǫ̀ naahɂa.)

Colosse 4:7

Seàgı̨ą Tychıcus seghǫ godı hazǫǫ̀ naxıts'ǫ̀ hadı ha. Eyı sechı weghǫneehtǫǫ sìı gots'ǫ̀ K'àowo wecheekeè elı̨ hǫt'e, t'aats'ǫǫ̀ godı nezı̨ı̨ gha eghàlaeda.

1 Tımothy 1:1

Sı̨ Paul, Nǫ̀htsı̨ Edaxàgolee sìı eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ ts'eeda ha sìı gıdahxà Zezì-Krı wecheekeèdeè aht'e.

2 Tımothy 1:2

Tımothy seza lanìı sìı dıı enı̨htł'è wets'ǫ̀ eehtł'è. Nǫ̀htsı̨-Gotà eyıts'ǫ Zezì-Krı nets'ǫ̀ sǫgı̨ı̨wǫ welè, etenegeèɂı̨ welè, eyıts'ǫ nexè sìghà welè.

2 Tımothy 4:12

Tychıcus kǫ̀ta Ephesus ts'ǫ̀ awèhłà.

2 Tımothy 4:20

Erastus kǫ̀ta Corınth aìda, eyıts'ǫ kǫ̀ta Mıletus ekǫ Trophımus eyaelı̨ t'à sexè ajà-le.

Tıtus 3:12

Artemas hanì-le-ı̨dè Tychıcus nets'ǫ̀ awèhłà ts'ǫ̀et'ıì, kǫ̀ta Nıcopolıs ekǫ sets'àątła ha edenį̀ı̨dzà nǫǫ̀, ekǫ sexè xohoewı ha t'à.

Phılemon 1:24

Eyıts'ǫ dǫ eyıì-le sexè eghàlageedaa, Mark, Arıstarchus, Demas, eyıts'ǫ Luke, “Naxıxè sìghà welè,” gedı.

3 John 1:1

Sı̨ Zezì-Krı wecheekeèdeè aht'ee sìı seàgı̨ą Gaıus nàowo ehkw'ıı k'ę̀ę̀ weghǫneehtǫǫ sìı wets'ǫ̀ eehtł'è hǫt'e.