Zezì Wecheekeèdeè 20:3 - Nǫ̀htsı̨ Nı̨htł'è

³ Ekǫ taı sa ts'ǫ̀ nàı̨dè. Elàcho t'à Syrıa nèk'e ts'ǫ̀ ade ha nıwǫ, hanìkò Israel got'ı̨į̀ t'asagele ha gı̨ı̨wǫ t'à ekǫ ts'ǫ̀ ade ha dìì. Macedonıa nèk'e gots'ǫ dèè k'e ek'èt'à naèhtła.

Zezì Wecheekeèdeè 20:3 ပူးပေါင်းရင်းမြစ်များ

Matthew 4:24

Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.

Zezì Wecheekeèdeè 16:12

Eyı gots'ǫ kǫ̀godeè Phılıppı ts'ǫ̀ ats'ejà. Roman got'ı̨į̀ eyı kǫ̀godeè gogèhtsı̨ ı̨lè. Macedonıa nèk'e hazǫǫ̀ gogha kǫ̀godeè wet'àaɂà hǫt'e. Whaà-lea gots'ǫ̀ eyı nàts'ı̨ı̨dè.

Zezì Wecheekeèdeè 16:9

Eyı toò k'e Paul wenazhıı xègoèht'į̀. Macedonıa nèk'e gots'ǫ dǫ nàwo xè yeghǫnàdaetì, hadı, “Gonèk'e Macedonıa ts'ǫ̀ anede, gots'ànedı,” yèhdı, wenazhıı hagòjà.

Zezì Wecheekeèdeè 18:18

Paul whaà hoògǫ gots'ǫ̀ kǫ̀ta Corınth nàı̨dè. Eyı tł'axǫǫ̀ Nǫ̀htsı̨ wecheekeè gots'ǫǫ̀ naèhtła. Elàcho t'à Syrıa nèk'e ts'ǫ̀ ajà. Prıscılla eyıts'ǫ Aquıla gıxè ajà. Naeɂè kwe kǫ̀ta Cenchrea Nǫ̀htsı̨ ts'ǫ̀ yatı nàtsoo whehtsı̨ ı̨lè t'à, edekwìghà k'ı̨ı̨hwho.

Zezì Wecheekeèdeè 19:21

Eyı hazǫǫ̀ hagòjà tł'axǫǫ̀ Paul kǫ̀ta Jerusalem ts'ǫ̀ anade ha nıwǫ. Eyıt'à Macedonıa nèk'e eyıts'ǫ Achaıa nèk'e gok'ıìtła. Paul hadı, “Jerusalem nàwhıhtła tł'axǫǫ̀-ı̨dè Rome sı nàhtła ha,” hadı.

Zezì Wecheekeèdeè 20:1

Nàdahoowo ghǫnahǫ̀t'e tł'axǫǫ̀ Paul Nǫ̀htsı̨ wecheekeè gokàehɂà. Gınì nàtso ha nezı̨į̀ gots'ǫ̀ goı̨de tł'axǫǫ̀ Macedonıa nèk'e ts'ǫ̀ ajà.

Zezì Wecheekeèdeè 20:19

Israel got'ı̨į̀ segha hoìla hogehtsı̨ t'à sıì segį̀ı̨hdzà hǫt'e, hanìkò k'èeweèt'ı̨ı̨ laht'e eyıts'ǫ senatì łǫ xè gots'ǫ̀ K'àowo wegha hòtł'ò eghàlaıhdà hǫt'e.

Zezì Wecheekeèdeè 20:2

Eyı nèk'e hazǫǫ̀ ts'ǫ̀ ajà. Dǫ gınì nàtso ha nıwǫ t'à gots'ǫ̀ goı̨de. Nǫǫde t'à Greece nèk'e nììtła.

Zezì Wecheekeèdeè 21:3

Dı nechàa Cyprus ts'aɂı̨, sazı̨ ts'ǫǫ̀hk'e wexa ats'ejà. Syrıa nèk'e ts'ǫ̀ ts'eèɂe tł'axǫǫ̀ kǫ̀ta Tyre dàts'ı̨ı̨de. Elàcho yìı t'asìı whelaa sìı ekǫ dàgı̨ı̨wa.

Zezì Wecheekeèdeè 25:3

Israel got'ı̨į̀, k'àowo Festus gogha t'asìı hayele ha gı̨ı̨wǫ t'à dageehke. Paul Jerusalem ts'ǫ̀ geechı ha gı̨ı̨wǫ. Tı̨lı k'e nagıadè nı̨dè ekǫ ts'atà nàdegeeɂį̀ı̨ gà ełaàgıìhwhı ha gı̨ı̨wǫ.

2 Corınth 1:15

Eyı hotıì wek'èehsǫ t'à naxı̨ t'akwełǫ̀ǫ̀ naxıts'àhtła ha dehwhǫ, hanì-ı̨dè nàekeè-eht'aà naxıxè sìghà agode ha.

2 Corınth 11:26

T'aats'ǫǫ̀ t'asį̀ı̨ sek'eèhoowo. Deh nàtso t'à sexè hoejı̨ k'ehokw'o, dǫjıı ch'à sexè hoejı̨ k'ehokw'o, xàè sèot'ı̨ sı ch'à sexè hoejı̨ k'ehokw'o, dǫ ładı̨ı̨ ch'à sexè hoejı̨ k'ehokw'o, kǫ̀godeè nı sexè hoejı̨ k'ehokw'o, whatsǫǫ̀ gòɂǫǫ nı sexè hoejı̨ k'ehokw'o, tıdeè k'e sexè hoejı̨ k'ehokw'o, eyıts'ǫ dǫ gòet'ı̨ edegeetsı̨ t'à sexè hoejı̨ k'ehokw'o.

2 Corınth 7:5

Macedonıa nèk'e nèts'ı̨ı̨de ekò, goxè ts'èwhı̨į̀ gòı̨ɂà-le. T'aats'ǫǫ̀ goxè hoìla k'ehokw'o t'à godzeè dejı̨ ı̨lè.

Galatıa 1:21

Eyı tł'axǫǫ̀ Syrıa nèk'e eyıts'ǫ Cılıcıa nèk'e nàwhıhtła.