Zezì Wecheekeèdeè 2:9 - Nǫ̀htsı̨ Nı̨htł'è

⁹ Hazǫǫ̀ nèk'e gots'ǫ Israel got'ı̨į̀ eyıts'ǫ dǫ eyıì-le xàɂaa Moses wenàowoò k'ę̀ę̀ geedaà agejàa sìı jǫ ełèwhede: Parthıa, Mede eyıts'ǫ Elamıte got'ı̨į̀. Eyıts'ǫ hazǫǫ̀ nèk'e gots'ǫ aget'ı̨: Mesopotamıa, Judea, Cappadocıa, Pontus, Asıa,

Zezì Wecheekeèdeè 2:9 ပူးပေါင်းရင်းမြစ်များ

Dànì Kèhoį̀wo 10:22

Dıı Shem weza agı̨ı̨t'e: Elam, Ashur, Arfakad, Lud eyıts'ǫ Aram.

Dànì Kèhoį̀wo 14:1

Ekìıyeè k'e kǫ̀ta Shınar gots'ǫ k'àowocho Amafel, kǫ̀ta Elasa gots'ǫ k'àowocho Arok, kǫ̀ta Elam gots'ǫ k'àowocho Kedorlomer, eyıts'ǫ kǫ̀ta Goyım gots'ǫ k'àowocho Tıdal hazǫǫ̀ ełegegǫ gha geède.

Dànì Kèhoį̀wo 24:10

Eyı tł'axǫǫ̀ wecheekeè Abraham wets'ǫ tıts'aàdìıcho hoònǫ k'enaɂı̨wa gà naèhtła, t'asìı nezı̨ı̨ łǫ edexè ayį̀į̀là. Aram-Naharayım nèk'e ts'ǫ̀ dèhtła, eyı tł'axǫǫ̀ ekǫ nèk'e kǫ̀ta Nahor ts'ǫ̀ ajà.

Zezì Wecheekeèdeè 16:6

Paul eyıts'ǫ dǫ gıxè at'ı̨ı̨ sìı Phrygıa nèk'e eyıts'ǫ Galatıa nèk'e hazǫǫ̀ k'egıadè, hanìkò Yedàyeh Nezı̨ı̨ Asıa nèk'e godı nezı̨ı̨ dǫ ts'ǫ̀ agı̨į̀là agǫ̀ǫ̀là-le.

Zezì Wecheekeèdeè 18:2

Ekǫ Israel got'ı̨į̀, Aquıla wìyeh, kǫ̀ta Pontus wegǫ̀hłı̨ı̨ sìı, yeghaetła. K'àowodeè Claudıus, weyatıì k'e Israel got'ı̨į̀ hazǫǫ̀ kǫ̀godeè Rome gots'ǫǫ̀ xàgeedè ha gòhdı. Eyıt'à Aquıla, edets'èkeè Prıscılla xè Italy nèk'e gots'ǫ eyı nègı̨ı̨de. Paul gots'àèhtła.

Zezì Wecheekeèdeè 19:10

Nàke xo ts'ǫ̀ hanì Paul dǫ ts'ǫ̀ goı̨de. Eyı ts'ıhɂǫ̀ Israel got'ı̨į̀ eyıts'ǫ Greece got'ı̨į̀ hazǫǫ̀ Asıa nèk'e nàgedèe sìı gots'ǫ̀ K'àowo weyatıì gıìkw'oò agejà.

Zezì Wecheekeèdeè 19:27

Goılaà sìı dǫ gıgha wet'àaɂà-le ade ha sǫnı. Eyı zǫǫ̀-le, Artemıs wets'ǫ yahtıı-kǫ̀-gocho gòɂǫǫ sìı dǫ gıgha wet'àaɂà-le agode ha. Asıa nèk'e dǫ hazǫǫ̀ eyıts'ǫ dıı nèk'e hazǫǫ̀ ts'ǫ̀ Artemıs ts'ǫ̀ yagehtı hǫt'e, hanìkò eyı hagot'ı̨ ts'ıhɂǫ̀ t'asìı deè elı̨-le gı̨ı̨hwhǫ ha,” gòhdı.

Zezì Wecheekeèdeè 19:31

Eyı nèk'e gha k'aodèe mǫ̀hdaa Paul weàgı̨ą agı̨ı̨t'ee sìı ededı̨ kò yatı gıdanìı̨ɂǫ, hagıìhdı, “Neghǫ hoejı̨ t'à, ełegeèhdìı-k'è nàwı̨ı̨tła-le,” gedı gıghǫnàdaetì.

Zezì Wecheekeèdeè 2:8

goxı̨ xàè goyatıì k'ę̀ę̀ gıts'ıìkw'o.

Zezì Wecheekeèdeè 20:16

Paul, Asıa nèk'e whaà wheda ha nıwǫ-le t'à, kǫ̀ta Ephesus goxa naèhɂe. Edahxǫ Dzędeè Pentecost wekwe Jerusalem nììtła ha nıwǫ t'à, ekǫ ts'ǫ̀ ı̨whąą̀ nıwǫ.

Zezì Wecheekeèdeè 20:18

K'aodèe eyı nègı̨ı̨de ekò gots'ǫ̀ hadı, “T'akwełǫ̀ǫ̀ Asıa nèk'e ts'ǫ̀ ahjà gots'ǫ naxını nàıhdè t'à dànì ıhdàa sìı sek'èahsǫ hǫt'e.

Zezì Wecheekeèdeè 20:4

Dǫ gıxè at'ı̨ı̨ sìı Berea got'ı̨į̀ Pyrhus weza, Sopater wìyeh, eyıts'ǫ Thessalonıca got'ı̨į̀ nàke Arıstarchus eyıts'ǫ Secundus, eyıts'ǫ Derbe got'ı̨į̀ Gaıus. Tımothy, Asıa got'ı̨į̀ Tychıcus eyıts'ǫ Trophımus goxè aget'ı̨.

Zezì Wecheekeèdeè 21:27

Łǫ̀hdı̨ dzęę̀ ts'ǫ̀ sıìdegeɂı̨ ghǫ k'àhdzǫ nagı̨ı̨t'e ekò Asıa nèk'e gots'ǫ Israel got'ı̨į̀ mǫ̀hdaa Nǫ̀htsı̨kǫ̀-gocho gà Paul gıaɂı̨. Dǫ xè nıdahogı̨į̀hdè t'à Paul dagıachì.

Zezì Wecheekeèdeè 24:18

Gonàowoò k'ę̀ę̀ sıìdehɂı̨ ghǫ naht'e ekò Israel got'ı̨į̀ Nǫ̀htsı̨kǫ̀-gocho gà segıaɂı̨ ı̨lè. Dǫ łǫ sexè aget'ı̨-le ı̨lè eyıts'ǫ dǫ gıxè nàdahoowo hòwhıhtsı̨-le ı̨lè.

Zezì Wecheekeèdeè 27:2

Kǫ̀ta Adramaton gots'ǫ elàcho yìı ts'ı̨ı̨de. Asıa nèk'e tıchobàa kǫ̀ta yàgòlaa sìı ts'ǫ̀ ts'eeɂè ha nìkw'o t'à elàcho tak'è ts'ǫ̀ agı̨į̀là. Dǫ ı̨łè Arıstarchus wìyeh, Macedonıa nèk'e kǫ̀ta Thessalonıca gots'ǫ dǫ goxè ajà.

Zezì Wecheekeèdeè 6:9

Hanìkò Israel got'ı̨į̀ ı̨łè xàɂaa “edets'ǫ̀ k'agedèe dǫò” gìyeh sìı Stephen k'èch'a gogede. Cyrene nèk'e, kǫ̀ta Alexandrıa, Cılıcıa nèk'e eyıts'ǫ Asıa nèk'e gots'ǫ dǫ agı̨ı̨t'e. Stephen wekwì gǫǫzǫ xè Yedàyeh Nezı̨ı̨ dahxà gots'ǫ̀ gode t'à gıdàgode ha dìì agejà.

Zezì Wecheekeèdeè 7:2

Stephen hadı, “Sèot'ı̨ı̨ eyıts'ǫ goɂǫhdaà yàahłı̨ı̨ sìı seàhkw'ǫ! Gocho Abraham Mesopotamıa nèk'e nàı̨dè ekò, ı̨łaà kǫ̀ta Haran nàdè-le ekò, Nǫ̀htsı̨ enıìyah wehòhɂǫǫ sìı yets'ǫ̀ goı̨de ı̨lè.

Rome 16:5

Prıscılla eyıts'ǫ Aquıla gıkǫ̀ Nǫ̀htsı̨ wecheekeè ełègehdèe sìı, segha “Naxıxè sìghà welè,” gìahdı. Eyıts'ǫ seàgı̨ą Epenetus eyı sı hawèahdı. Eyı dǫ sìı Asıa nek'e gots'ǫ ededı̨ t'akwełǫ̀ǫ̀ Zezì-Krı yegha ehkw'ı adıì ajà ı̨lè.

1 Corınth 16:19

Nǫ̀htsı̨ wecheekeè Asıa nèk'e nàgedèe sìı, “Naxıxè sìghà welè,” naxègedı. Aquıla eyıts'ǫ Prıscılla, eyıts'ǫ dǫ gıkǫ̀ yatı gha łą̀ą nègedèe sìı, “Naxıxè sìghà welè,” naxègedı.

2 Corınth 1:8

Sèot'ı̨ı̨, Asıa nèk'e dànì dats'ı̨ı̨ɂaa sìı wek'èahsǫ ha naxıts'ı̨ı̨hwhǫ. Goınì nàtso nahk'e sıì goxè hoìla ı̨lè, eyıt'à edaxàts'eedè gha ahxe whìle ts'ı̨ı̨wǫ ı̨lè.

2 Tımothy 1:15

Asıa nèk'e dǫ wı̨ı̨zìı sexè aget'ı̨-le agejà wek'èı̨zǫ hǫt'e. Phygelus eyıts'ǫ Hermogenas ededı̨ kò sexè aget'ı̨-le agejà.

1 Peter 1:1

Sı̨ Peter Zezì-Krı wecheekeèdeè aht'e. Nǫ̀htsı̨ dǫ edegha gòį̀hchìı sìı eyıts'ǫ dıı nèk'e ts'ǫ dǫ gıta xàhtǫ lagı̨ı̨t'ee sìı gıts'ǫ̀ eehtł'è. Pontus nèk'e, Galatıa nèk'e, Cappadocıa nèk'e, Asıa nèk'e eyıts'ǫ Bıthynıa nèk'e hazǫǫ̀ ts'ǫ̀ nàgedèe gıts'ǫ̀ eehtł'è.

John Wenazhıı 1:11

dıı hats'edıì hǫt'e: “Nenazhıı dàgot'ı̨ı̨ sìı enı̨htł'è k'e dek'enìı̨tł'è gà kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıts'ǫ̀ anele. Dıı kǫ̀ta łǫ̀hdı̨ hǫt'e: Ephesus, Smyrna, Pergamum, Thıyatıra, Sardıs, Phıladelphıa eyıts'ǫ Laodısıya,” hats'edıì hǫt'e.

John Wenazhıı 1:4

John, Asıa nèk'e kǫ̀ta łǫ̀hdı̨ yàgòlaa Nǫ̀htsı̨ wecheekeè nàgedèe sìı dıı godı gots'ǫ̀ ı̨ı̨tł'è: Nǫ̀htsı̨ whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha sìı, eyıts'ǫ ı̨nì degaı łǫ̀hdı̨ Nǫ̀htsı̨ wenadąą̀ nàgeèhza sìı naxıxè sǫgı̨ı̨wǫ welè eyıts'ǫ naxıxè sìghà hòɂǫǫ̀ agııle.