Zezì Wecheekeèdeè 2:5 - Nǫ̀htsı̨ Nı̨htł'è

⁵ Ekò k'e Israel got'ı̨į̀ Nǫ̀htsı̨ ghǫ hòtł'ò agı̨ı̨wǫǫ sìı hazǫǫ̀ nèk'e gots'ǫ Jerusalem nègı̨ı̨de ı̨lè.

Zezì Wecheekeèdeè 2:5 ပူးပေါင်းရင်းမြစ်များ

Matthew 24:14

Hazǫǫ̀ nèk'e Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ dǫ hoghàgogeehtǫ ha. Hanì-ı̨dè dǫ hazǫǫ̀ godı nezı̨ı̨ k'ègeezǫǫ̀ agede ha eyı tł'axǫǫ̀-ı̨dè nǫǫde dzęę̀ nèhòkw'ı ha.

Luke 17:24

Dǫ-wet'àaɂàa-deè jǫ ts'ǫ̀ anajà nı̨dè hǫtsaa kǫ̀-naìtł'ı̨ı̨ lanì wègoèt'į̀ ha. Kǫ̀-naìtł'ı̨ nı̨dè yat'a hazǫǫ̀ dzęh agot'į̀; jǫ nììtła nı̨dè eyı lagode ha.

Luke 2:25

Ekìıyeè k'e eneèko ı̨łè Jerusalem nàdè ı̨lè, Sımeyon wìyeh. Nǫ̀htsı̨ ghàdìtı̨ xè ehkw'ı eda hǫt'e. Israel got'ı̨į̀ Edaxàgolee elı̨ı̨ sìı danaèhɂı̨ ı̨lè eyıts'ǫ Yedàyeh Nezı̨ı̨ wets'ǫ̀-èlı̨.

Luke 24:18

Dǫ ı̨łè, Cleopas wìyeh sìı, Zezì ts'ǫ̀ hadı, “Jerusalem gha xàhtǫ anet'e nì? Dıì whaà-le Jerusalem dàgòjàa sìı nı̨ zǫ wek'èı̨zǫ-le nì ghǫ aı̨dı?” yèhdı.

John 12:20

Ekìıyeè k'e Greece got'ı̨į̀ dzędeè k'e Nǫ̀htsı̨ ts'ǫ̀ yagehtı ha, dǫ hazǫǫ̀ xè Jerusalem nègı̨ı̨de ı̨lè.

Zezì Wecheekeèdeè 10:2

Ededı̨ eyıts'ǫ wèot'ı̨ hazǫǫ̀ Nǫ̀htsı̨ k'èagı̨ı̨t'e ghǫ hòtł'ò agı̨ı̨wǫ. T'aats'ǫǫ̀ dǫ-teèt'ı̨ı̨ ts'àdı xè Nǫ̀htsı̨ ts'ǫ̀ yahtı.

Zezì Wecheekeèdeè 10:7

Yak'eet'ı̨į̀ yets'ǫǫ̀ ajà tł'axǫǫ̀ Cornelıus edecheekeè nàke gokagoı̨de, eyıts'ǫ eghǫǫ-dǫǫ̀ ı̨łè yegha eghàlaedaa sìı Nǫ̀htsı̨ ghǫ hòtł'ò anıwǫ, eyı sı ts'ǫ̀ goı̨de.

Zezì Wecheekeèdeè 13:50

Hanìkò Israel got'ı̨į̀ dǫ xè nıdahǫǫ̀woò agį̀į̀là, ts'èko ahxee gı̨ı̨lı̨ı̨ Nǫ̀htsı̨ gı̨ı̨wǫ eyıts'ǫ kǫ̀godeè gha k'aodèe gı̨ı̨lı̨ı̨ gıxè nàdahoowo. Paul eyıts'ǫ Barnabas k'èch'a nàdahogehdè t'à eyı nèk'e gots'ǫǫ̀ xàgogeèhɂà.

Zezì Wecheekeèdeè 2:1

Pentecost dzędeè k'e agòjà ekò Zezì wecheekeè hazǫǫ̀ ı̨łèhkǫ̀ goyìı geèhkw'e ı̨lè.

Zezì Wecheekeèdeè 22:12

“Dǫ ı̨łè Ananıas wìyeh sets'àèhtła. Eyı dǫ Moses wenàowoò k'èı̨t'e eyıts'ǫ Israel got'ı̨į̀ hazǫǫ̀ eyı nàgedèe sìı dǫ nezı̨ ne, gı̨ı̨hwhǫ.

Zezì Wecheekeèdeè 8:27

Eyıt'à Phılıp ekǫ ajà. Ekǫ naetłe ekò Ethıopıa nèk'e gots'ǫ dǫ-wet'àaɂàa-deè ghǫ nììtła. Eyı dǫ sìı Ethıopıa nèk'e ts'èko-k'àowo gha sǫǫ̀mba-k'èdìı-dǫǫ̀ elı̨. Jerusalem wexè yatı ha t'à ekǫ ts'ǫ̀ èhtła ı̨lè.

Colosse 1:23

Eyıt'à Nǫ̀htsı̨ gha naxınì nàtsoò aahwhǫ nı̨dè, weghǫ naaht'è-le nı̨dè, eyıts'ǫ godı nezı̨ı̨ sìı naxıgha ehkw'ı-ahodı nı̨dè naxıxè sìghà ha hǫt'e. Eyı godı nezı̨ı̨ sìı naxıts'ǫ̀ hats'edı hǫt'e eyıts'ǫ dıı nèk'e dǫ hazǫǫ̀ eyı t'à hoghàgıts'eèhtǫ hǫt'e. Sı̨ Paul eyı godı nezı̨ı̨ zǫ gha eghàlaehda hǫt'e.