Zezì Wecheekeèdeè 2:4 - Nǫ̀htsı̨ Nı̨htł'è

⁴ Yedàyeh Nezı̨ı̨ dǫ hazǫǫ̀ eyı geèhkw'ee sìı k'e ajà. Yatı eyıì-le xàɂaa k'ę̀ę̀ gogedeè agǫ̀ǫ̀là.

Zezì Wecheekeèdeè 2:4 ပူးပေါင်းရင်းမြစ်များ

Matthew 10:19

Danaxegıachì gà naxıghǫ nàyaetı nı̨dè, dànì edek'edaahdı ha eyıts'ǫ ayìı dàahdı ha sìı weghǫ nànıahdè-le. Ekìıyeè k'e nı̨dè ayìı dàahdı ha sìı wek'èahsǫ ha hǫt'e.

Mark 16:17

Eyıts'ǫ dǫ gıgha ehkw'ı-aehsı̨ı̨ sìı enıìyah hogehtsı̨ ha: Sedahxà ı̨nìłı̨ı̨ xàdegeezhı ha; yatı eładı̨ı̨ xàɂaa k'ę̀ę̀ gogede ha;

Luke 1:15

Nǫ̀htsı̨ sìı dǫ wet'àaɂàa yììt'ı̨ ha, jìetì wı̨ı̨zìı wewàhodı ha-le. Wegǫ̀hłı̨ kwe-t'ıì Yedàyeh Nezı̨ı̨ yeyìı nàdè ha.

Luke 1:41

Elızabeth Mary godeè yıìkw'o ts'ǫ̀et'ıì bebìa yechǫ whedaa sìı hòtł'ò nàèhdǫ. Yedàyeh Nezı̨ı̨ Elızabeth k'e ajà t'à,

Luke 1:67

Zecharıah, Yedàyeh Nezı̨ı̨ wek'e ajà t'à yedahxà xàyaı̨htı hadı,

Luke 12:12

Ekìıyeè k'e nı̨dè ayìı dàahdı ha sìı Yedàyeh Nezı̨ı̨ hoghànaxeehtǫ ha,” Zezì gòhdı.

Luke 21:15

Yatı wet'à goahde ha sìı eyıts'ǫ wet'à gots'ı̨ı̨zǫǫ sìı naxıts'ǫ̀-èlı̨ ahłe ha. Eyıt'à dǫ naxık'èch'a gı̨ı̨lı̨ı̨ sìı naxık'èch'a xàyagehtı-le agede ha.

Luke 4:1

Zezì Yedàyeh Nezı̨ı̨ nàtsoò wets'ǫ̀-èlı̨ xè Jordan deh nıɂàa gots'ǫ nǫ̀ǫtła. Yedàyeh Nezı̨ı̨ ekìı-ka nèk'e ts'ǫ̀ ayį̀į̀là.

John 14:26

Hanìkò Yedàyeh Nezı̨ı̨, naxıts'àdıı elı̨ı̨ sìı Setà sıızì dahxà naxıts'ǫ̀ ayele ha. Ededı̨ sìı t'asìı hazǫǫ̀ hoghànaxeehtǫ ha, eyıts'ǫ t'asìı hazǫǫ̀ naxıts'ǫ̀ haehsı̨ı̨ sìı wenaahdì anaxele ha.

John 20:22

Hadı tł'axǫǫ̀ gok'e whehsò, hagòhdı, “Yedàyeh Nezı̨ı̨ naxık'e awede.

Zezì Wecheekeèdeè 1:5

John-Baptıst tı t'à dǫ k'ètaìdzǫ ı̨lè, hanìkò whaà-le-t'ıì Yedàyeh Nezı̨ı̨ t'à naxık'ètaìdzı̨ ha,” gòhdı.

Zezì Wecheekeèdeè 1:8

Hanìkò Yedàyeh Nezı̨ı̨ naxık'e ajà nı̨dè nàahtsoò anaxele ha. Kǫ̀ta Jerusalem, Judea nèk'e, Samarıa nèk'e hazǫǫ̀, eyıts'ǫ dıı nèk'e welǫ ts'ǫ̀ segodıì nezı̨ı̨ t'à dǫ xè goahdo ha hǫt'e.”

Zezì Wecheekeèdeè 10:46

Eyıì-le dǫ xàɂaa goyatıì k'ę̀ę̀ xàyagehtı xè Nǫ̀htsı̨ ghàsǫgeedı, gogıìkw'o. Eyıt'à Peter hadı,

Zezì Wecheekeèdeè 10:47

“Goxèht'eè Yedàyeh Nezı̨ı̨ gık'e ajà t'à, amìı dıı dǫ gık'ètaìdzı̨ ha-le gòhdı ha?

Zezì Wecheekeèdeè 11:15

“Dǫ gıts'ǫ̀ gohde ekò Yedàyeh Nezı̨ı̨ gık'e ajà, goxı̨ t'akwełǫ̀ǫ̀ gok'e ajà lanì.

Zezì Wecheekeèdeè 11:24

Barnabas dǫ nezı̨ı̨ elı̨ eyıts'ǫ Nǫ̀htsı̨ ghǫ wınì nàtso xè Yedàyeh Nezı̨ı̨ nàtsoò wets'ǫ̀-èlı̨, eyıt'à dǫ łǫ Nǫ̀htsı̨ ts'ǫ̀ agejà.

Zezì Wecheekeèdeè 13:52

Hanìkò Nǫ̀htsı̨ wecheekeè kǫ̀ta Pısıdıan-Antıoch nàgedèe sìı sıì gınà xè Yedàyeh Nezı̨ı̨ t'à nàgetsoò agejà.

Zezì Wecheekeèdeè 13:9

Saul (Paul sı wìyeh) Yedàyeh Nezı̨ı̨ wets'ǫ̀-èlı̨ t'à hotıì Elımas ghàı̨dà gà yets'ǫ̀ hadı,

Zezì Wecheekeèdeè 15:8

Nǫ̀htsı̨ sìı goınì t'à dàts'ı̨ı̨wǫǫ sìı hazǫǫ̀ yek'èezǫ hǫt'e. Dǫ eyıì-le xàɂaa ededı̨ sı wets'ǫ dǫ gı̨ı̨lı̨ ha nıwǫ t'à, goxèht'eè Yedàyeh Nezı̨ı̨ gok'e ayį̀į̀là.

Zezì Wecheekeèdeè 19:6

Paul edılà gok'e ayį̀į̀là t'à Yedàyeh Nezı̨ı̨ gık'e ajà. Yatı ładı̨ı̨ t'à gogedeè agejà eyıts'ǫ Yedàyeh Nezı̨ı̨ dahxà xàyagı̨ı̨htı.

Zezì Wecheekeèdeè 2:11

Crete eyıts'ǫ Arab got'ı̨į̀ jǫ nègı̨ı̨de. Goxı̨ hazǫǫ̀ xàè goyatıì k'ę̀ę̀ dànì Nǫ̀htsı̨ enıìyah eghàlaı̨da ghǫ gogedee gıts'ıìkw'o!” gedı.

Zezì Wecheekeèdeè 2:3

Dǫ eyı geèhkw'ee sìı kǫ̀woò nechà-lea lanıı ełets'ǫǫ̀ ajà gà hazǫǫ̀ gıtaàt'eè gık'e ajà gıaɂı̨.

Zezì Wecheekeèdeè 4:31

Yagı̨ı̨htı tł'axǫǫ̀, kǫ̀ goyìı łą̀ą geèhkw'ee sìı hǫtsaa nàgoèhdǫ. Hazǫǫ̀ goyìı geèhkw'ee sìı Yedàyeh Nezı̨ı̨ gık'e ajà t'à Nǫ̀htsı̨ weyatıì t'à gogede ha gınì nàtsoò ajà.

Zezì Wecheekeèdeè 4:8

Peter, Yedàyeh Nezı̨ı̨ wek'e ajà t'à gots'ǫ̀ hadı, “K'aodèe yàahłı̨ı̨ eyıts'ǫ ǫhdah yàahłı̨ı̨ sìı,

Zezì Wecheekeèdeè 6:3

Sèot'ı̨ı̨, amìı Yedàyeh Nezı̨ı̨ gıts'ǫ̀-èlı̨ı̨ sìı eyıts'ǫ gogı̨ı̨zǫǫ sìı naxıta gots'ǫ dǫ łǫ̀hdı̨ ààhchı. Eyı la gıtł'aà wheɂǫǫ̀ aahłe.

Zezì Wecheekeèdeè 6:5

Hagògedıı sìı hazǫǫ̀ gıgha nezı̨. Stephen, eyı dǫ Nǫ̀htsı̨ ghǫ wınì nàtsoo xè Yedàyeh Nezı̨ı̨ wets'ǫ̀-èlı̨ı̨ sìı gį̀hchì. Eyıts'ǫ Phılıp, Procopus, Nıcanor, Tımon, Parmenas, eyıts'ǫ Nıcolas, dǫ haàtłǫǫ gį̀hchì. Nıcolas wìyeh sìı kǫ̀ta Antıoch nàdè ekò Israel got'ı̨į̀ goxèht'eè wegha yatıì ajà ı̨lè.

Zezì Wecheekeèdeè 6:8

Stephen Nǫ̀htsı̨ wesǫnıwǫ eyıts'ǫ t'asìı nàtsoo wets'ǫ̀-èlı̨ t'à dǫnı enıìyah deè hòèhtsı̨.

Zezì Wecheekeèdeè 7:55

Hanìkò Stephen Yedàyeh Nezı̨ı̨ nàtsoò wets'ǫ̀-èlı̨ xè ı̨dòo yak'e ts'ǫ̀ k'eet'į̀. Nǫ̀htsı̨ wexè dànì xèdaat'ı̨ı̨ eyıts'ǫ Zezì Nǫ̀htsı̨ gà nàgòts'ehnèe nàwo, wegha wègoèht'į̀.

Zezì Wecheekeèdeè 8:17

Eyıt'à Peter eyıts'ǫ John gokwìt'a dageèhdì gà Yedàyeh Nezı̨ı̨ gık'e ajà.

Zezì Wecheekeèdeè 9:17

Eyıt'à Ananıas eyı kǫ̀ ts'ǫ̀ èhtła gà ekǫ goyaèhtła. Saul wekwìt'a dawhehdì gà hayèhdı, “Sèot'ı̨ Saul, tı̨lı k'e jǫ ts'ǫ̀ naı̨tłe ekò gots'ǫ̀ K'àowo Zezì nets'ǫ̀ wègoèht'į̀ ı̨lèe sìı nets'ǫ̀ sı̨ı̨hɂà. Nedaà xègaat'ı̨ anade ha eyıts'ǫ Yedàyeh Nezı̨ı̨ nek'e ade ha nets'ǫ̀ sı̨ı̨hɂà,” yèhdı.

Rome 15:13

Nǫ̀htsı̨ edaxàgolee sìı sıì naxınà eyıts'ǫ naxıxè sìghà hòɂǫ ayııle. Nǫ̀htsı̨ naxıgha ehkw'ı adı welè, hanì-ı̨dè Yedàyeh Nezı̨ı̨ wedahxà naxınì deɂǫ̀ǫ̀ nàtsoò ade ha hǫt'e.

1 Corınth 12:10

eyıts'ǫ k'achı̨ ı̨łè enıìyah hohtsı̨ ha, k'achı̨ ı̨łè Yedàyeh Nezı̨ı̨ dahxà xàyahtı ha, k'achı̨ ı̨łè ı̨nì dàhòt'ı̨ı̨ dǫ ts'ǫ̀ at'ı̨ı̨ sìı k'èhoezǫ ha, k'achı̨ ı̨łè yatı eładı̨ı̨ t'à gode ha, eyıts'ǫ k'achı̨ ı̨łè yatı ełek'èch'aòt'ı̨ı̨ gha etaehtıı elı̨ ha weghàhòt'ǫ hǫt'e.

1 Corınth 13:1

Dǫ gıyatıì xàɂaa eyıts'ǫ yak'eet'ı̨į̀ gıyatıì t'à gohde kò, dǫ ghǫneehtǫ-le nı̨dè ekìı satsǫ̀ dèekw'ǫ zǫ laehsı̨.

1 Corınth 13:8

Ełeghǫnets'eètǫǫ sìı welǫ nèhòkw'ı ha nıìle. Hanìkò Yedàyeh Nezı̨ı̨ dahxà xàyats'ehtıı sìı welǫ nèhòkw'ı ha, yatı ełek'èch'aòt'ı̨ı̨ t'à gots'edee sìı weghǫnats'et'è ha, eyıts'ǫ t'asìı k'èts'eezǫǫ sìı whìle ade ha.

1 Corınth 14:18

Naxı̨ hazǫǫ̀ naxınahk'e yatı ełek'èch'aòt'ı̨ı̨ t'à gohde hǫt'e, eyı gha Nǫ̀htsı̨ masì weehwhǫ hǫt'e.

1 Corınth 14:5

Naxı̨ hazǫǫ̀ yatı ełek'èch'aòt'ı̨ı̨ t'à goahde nı̨dè dehwhǫ, hanìkò eyı wenahk'e Yedàyeh Nezı̨ı̨ dahxà xàyaahtı nı̨dè dehwhǫ. Amìı Nǫ̀htsı̨ yatıì t'à godee sìı yatı ełek'èch'aòt'ı̨ı̨ t'à gode nahk'e dǫ gha wet'àaɂà hǫt'e. Hanìkò dàdıı sìı edegha etaehtı nı̨dè, Nǫ̀htsı̨ wecheekeè gınì nàtsoò agole ha.

Ephesus 3:19

eyıts'ǫ dàı̨hcho ts'ǫ̀ goghǫneètǫǫ sìı dǫ wı̨ı̨zìı yek'èezǫ nıìle, eyı wenıahdì welì. Dànì Nǫ̀htsı̨ wexè hòɂǫǫ sìı deghàà naxıdzeè yìı wehòhɂǫ welè.

Ephesus 5:18

Jìetì t'à deàhde-le, eyı sìı wet'à tsį̀daahwhı hǫt'e. Hanìkò Yedàyeh Nezı̨ı̨ hotıì naxıdzeè yìı nàdèe aweahłe.

Ephesus 6:18

Eyıts'ǫ Yedàyeh Nezı̨ı̨ naxıts'àdı t'à t'asìı hazǫǫ̀ xàɂaa gha yaahtı eyıts'ǫ naxıts'àdı ha weahkè. Eyıt'à hotıì kexoahdı eyıts'ǫ t'aats'ǫǫ̀ Nǫ̀htsı̨ wets'ǫ dǫ hazǫǫ̀ gha yaahtı.

1 Peter 1:12

Edegha eghàlageeda nıìle hanìkò ayìı ghǫ gogı̨ı̨dee sìı naxıgha agedıı gık'èezǫǫ̀ agììdlà hǫt'e. Dıì godı nezı̨ı̨ t'à naxıts'ǫ̀ gogedee sìı yak'e gots'ǫ Yedàyeh Nezı̨ı̨ gıts'ǫ̀ adlàa sìı wedahxà agedı hǫt'e. Ayìı ghǫ gogı̨ı̨dee sìı yak'eet'ı̨į̀ kò gıgòhɂà ha gı̨ı̨wǫ.

2 Peter 1:21

Nǫ̀htsı̨ yatıì sìı dǫ gınì k'ę̀ę̀ aatł'è nıìle, hanìkò Yedàyeh Nezı̨ı̨ gıdzeè yìı nàèhdǫ t'à nakwenàoɂǫǫ Nǫ̀htsı̨ yatıì t'à gogı̨ı̨de hǫt'e.