Zezì Wecheekeèdeè 2:10 - Nǫ̀htsı̨ Nı̨htł'è

¹⁰ Phrygıa, Pamphylıa, eyıts'ǫ Egypt nèk'e, eyıts'ǫ Lıbya nèk'e, kǫ̀ta Cyrene ts'ǫ̀ gǫǫwà-le. Eyıts'ǫ Rome,

Zezì Wecheekeèdeè 2:10 ပူးပေါင်းရင်းမြစ်များ

Dànì Kèhoį̀wo 12:10

Ekìıyeè k'e Kanan nèk'e sıì bò whìle agòjà t'à Abram Egypt nèk'e ts'ǫ̀ ajà. Ekǫ whaà-lea ts'ǫ̀ nàı̨dè.

Matthew 2:15

K'àowocho Herod ełaı̨wo ts'ǫ̀ ekǫ nàgı̨ı̨dè. Eyıt'à Nǫ̀htsı̨ dahxà nakwenàoɂǫǫ yeghǫ goı̨de ı̨lèe sìı wek'ę̀ę̀ agòjà. Dıı hagedı ı̨lè: “Egypt nèk'e gots'ǫ seza wekagohde,” hagedı dek'eèhtł'è.

Matthew 23:15

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Hazǫǫ̀ nèk'e eyıts'ǫ tı sı k'e k'ehoahwho. Dǫ ı̨łàet'ea naxınàowoò k'ę̀ę̀ eda ha dahwhǫǫ sìı hak'eaht'į̀. Eyı dǫ wegòahɂǫ nı̨dè naxınahk'e wehłı̨za weahtsı̨.

Matthew 27:32

Jerusalem gots'ǫǫ̀ xàgeède ekò kǫ̀ta Cyrene got'ı̨į̀ ı̨łè gıaɂı̨, Sımon wìyeh. Eghǫǫ-dǫǫ̀ Zezì gha dechı̨et'aa naetı̨į̀ agį̀į̀là.

Mark 15:21

Ekò k'e kǫ̀ta Cyrene gots'ǫ dǫ ı̨łè goghaetła, Sımon wìyeh (Alexander eyıts'ǫ Rufus gıtà). Eyı dǫ Jerusalem ts'ǫ̀ èhtła ı̨lè, hanìkò eghǫǫ-dǫǫ̀ Zezì gha dechı̨et'aa naetı̨į̀ agį̀į̀là.

Zezì Wecheekeèdeè 11:20

Cyprus dı wheɂǫǫ gots'ǫ dǫ mǫ̀hdaa eyıts'ǫ kǫ̀godeè Cyrene gots'ǫ dǫ mǫ̀hdaa, kǫ̀godeè Antıoch ts'ǫ̀ agejà. Ekǫ Greece got'ı̨į̀ nàgedèe eyı sı Zezì wegodıì nezı̨ı̨ t'à gots'ǫ̀ gogı̨ı̨de.

Zezì Wecheekeèdeè 13:1

Kǫ̀ta Antıoch ekǫ Nǫ̀htsı̨ wecheekeè gıta nakwenàoɂǫǫ eyıts'ǫ dǫ-hoghàehtǫǫ-dǫǫ̀ gǫ̀hłı̨: Barnabas, Sımeyon (Naıger sı wìyeh), Cyrene got'ı̨į̀ Lucıyus, Manan (k'àowocho Herod xè dèzhǫ) eyıts'ǫ Saul.

Zezì Wecheekeèdeè 13:13

Paul eyıts'ǫ dǫ yexè aget'ı̨ı̨ sìı kǫ̀ta Paphos gots'ǫ Pamphylıa nèk'e kǫ̀ta Perga ts'ǫ̀ geèɂe. Ekǫ John-Mark gots'ǫǫ̀ naèhtła, Jerusalem ts'ǫ̀ anajà.

Zezì Wecheekeèdeè 13:43

Ełegeèhdì ghǫnahǫ̀t'e ekò Israel got'ı̨į̀ łǫ eyıts'ǫ dǫ eyıì-le xàɂaa Israel got'ı̨į̀ gınàowoò k'ę̀ę̀ agejàa sìı Paul eyıts'ǫ Barnabas k'èè geède. Nǫ̀htsı̨ edesǫnıwǫǫ̀ goghàı̨ɂǫǫ sìı k'ę̀ę̀ aahda dǫ ts'ǫ̀ hagedı.

Zezì Wecheekeèdeè 14:24

Eyı tł'axǫǫ̀ Pısıdıa nèk'e gok'egı̨į̀de t'à Pamphylıa nèk'e ts'ǫ̀ nègı̨ı̨de.

Zezì Wecheekeèdeè 15:38

Hanìkò John-Mark kǫ̀ta Pamphylıa ekǫ gots'ǫǫ̀ naèhtła ı̨lè, eyıts'ǫ goxè eghàlaı̨dà-le t'à Paul, John-Mark goxè at'ı̨ ha nıwǫ-le.

Zezì Wecheekeèdeè 16:6

Paul eyıts'ǫ dǫ gıxè at'ı̨ı̨ sìı Phrygıa nèk'e eyıts'ǫ Galatıa nèk'e hazǫǫ̀ k'egıadè, hanìkò Yedàyeh Nezı̨ı̨ Asıa nèk'e godı nezı̨ı̨ dǫ ts'ǫ̀ agı̨į̀là agǫ̀ǫ̀là-le.

Zezì Wecheekeèdeè 17:21

Athens got'ı̨į̀ eyıts'ǫ dǫ eyıì-le xàɂaa eyı nàgedèe sìı t'aats'ǫǫ̀ nàowo ładı̨ı̨ t'à ełexè gogedo.

Zezì Wecheekeèdeè 18:2

Ekǫ Israel got'ı̨į̀, Aquıla wìyeh, kǫ̀ta Pontus wegǫ̀hłı̨ı̨ sìı, yeghaetła. K'àowodeè Claudıus, weyatıì k'e Israel got'ı̨į̀ hazǫǫ̀ kǫ̀godeè Rome gots'ǫǫ̀ xàgeedè ha gòhdı. Eyıt'à Aquıla, edets'èkeè Prıscılla xè Italy nèk'e gots'ǫ eyı nègı̨ı̨de. Paul gots'àèhtła.

Zezì Wecheekeèdeè 18:23

Whaà-lea ts'ǫ̀ eyı nàı̨dè. Eyı tł'axǫǫ̀ eyı nèk'e gota k'eeda, Galatıa nèk'e eyıts'ǫ Phrygıa nèk'e hazǫǫ̀ nàhtła. Nǫ̀htsı̨ wecheekeè hazǫǫ̀ gınì nàtsoò agǫ̀ǫ̀là.

Zezì Wecheekeèdeè 2:11

Crete eyıts'ǫ Arab got'ı̨į̀ jǫ nègı̨ı̨de. Goxı̨ hazǫǫ̀ xàè goyatıì k'ę̀ę̀ dànì Nǫ̀htsı̨ enıìyah eghàlaı̨da ghǫ gogedee gıts'ıìkw'o!” gedı.

Zezì Wecheekeèdeè 23:11

Ek'èdaetoò Zezì Paul gà nàowo, yets'ǫ̀ hadı, “Nedzeè nàtsoò anele! Jerusalem dànì seghǫ goı̨de ı̨lèe sìı kǫ̀godeè Rome ekǫ k'achı̨ hanì seghǫ goı̨de ha hǫt'e,” yèhdı.

Zezì Wecheekeèdeè 27:5

Cılıcıa nèk'e eyıts'ǫ Pamphylıa nèk'e gıxa tıdeè te ts'eèɂe, Lycıa nèk'e kǫ̀ta Myra gòyeh dàts'eède.

Zezì Wecheekeèdeè 28:15

Nǫ̀htsı̨ wecheekeè Rome nàgedèe sìı gıts'ǫ̀ ts'adè goghǫ gıìkw'o. Dǫ mǫ̀hdaa gots'ǫ̀ agede ha gı̨ı̨wǫ t'à kǫ̀ta Appıus gòyeh ts'ǫ̀ agejà, eyıts'ǫ mǫ̀hdaa Nats'eetee-kǫ̀ Taı gòyeh ts'ǫ̀ nègı̨ı̨de. Paul eyı dǫ goaɂı̨ ekò wınì nàtsoò anajà t'à Nǫ̀htsı̨ ts'ǫ̀ masì dı.

Zezì Wecheekeèdeè 6:5

Hagògedıı sìı hazǫǫ̀ gıgha nezı̨. Stephen, eyı dǫ Nǫ̀htsı̨ ghǫ wınì nàtsoo xè Yedàyeh Nezı̨ı̨ wets'ǫ̀-èlı̨ı̨ sìı gį̀hchì. Eyıts'ǫ Phılıp, Procopus, Nıcanor, Tımon, Parmenas, eyıts'ǫ Nıcolas, dǫ haàtłǫǫ gį̀hchì. Nıcolas wìyeh sìı kǫ̀ta Antıoch nàdè ekò Israel got'ı̨į̀ goxèht'eè wegha yatıì ajà ı̨lè.

Zezì Wecheekeèdeè 6:9

Hanìkò Israel got'ı̨į̀ ı̨łè xàɂaa “edets'ǫ̀ k'agedèe dǫò” gìyeh sìı Stephen k'èch'a gogede. Cyrene nèk'e, kǫ̀ta Alexandrıa, Cılıcıa nèk'e eyıts'ǫ Asıa nèk'e gots'ǫ dǫ agı̨ı̨t'e. Stephen wekwì gǫǫzǫ xè Yedàyeh Nezı̨ı̨ dahxà gots'ǫ̀ gode t'à gıdàgode ha dìì agejà.

Rome 1:15

Eyı ts'ıhɂǫ̀ naxı̨ kǫ̀ta Rome nàahdèe sìı sıì naxıts'àhtła ha dehwhǫ, Nǫ̀htsı̨ wegodıì nezı̨ı̨ t'à naxıts'ǫ̀ gohde ha dehwhǫ.

Rome 1:7

Naxı̨ kǫ̀godeè Rome nàahdèe sìı naxıts'ǫ̀ eehtł'è aht'ı̨. Nǫ̀htsı̨ naxıghǫneètǫ eyıts'ǫ wets'ǫ dǫ degaı aahłı̨ gha naxıkayaetı hǫt'e. Nǫ̀htsı̨-Gotà eyıts'ǫ Zezì-Krı naxıxè sǫgı̨ı̨wǫ welè, eyıts'ǫ naxıxè sìghà hòɂǫ agııle.

2 Tımothy 1:17

Į̀le, hanì k'ehoɂa-le ı̨lè. Kǫ̀godeè Rome nììtła ekò segòhɂǫ gots'ǫ̀ hazǫǫ̀ ts'ǫ̀ sekak'eet'į̀ ı̨lè.

John Wenazhıı 11:8

Kǫ̀godeè wenı tı̨lı k'e gıweè whela ha. Eyı kǫ̀godeè wıızì sìı Sodom-lanì eyıts'ǫ Egypt-lanì wìyeh hǫt'e, ekǫ gıts'ǫ̀ K'àowo dechı̨et'aa k'e wedıìtsò ı̨lè.