Zezì Wecheekeèdeè 18:3 - Nǫ̀htsı̨ Nı̨htł'è

³ Paul, goxèht'eè nı̨hbàa-ehtsı̨ı̨-dǫǫ̀ elı̨ t'à goxè nàı̨dè eyıts'ǫ goxè eghàlaı̨dà.

Zezì Wecheekeèdeè 18:3 ပူးပေါင်းရင်းမြစ်များ

1 Corınth 4:12

Goılà t'à hòtł'ò eghàlats'eeda. Dǫ gots'ǫ̀ nàdahogeeɂà nı̨dè gıgha yats'ehtı, dagogį̀ı̨hɂa nı̨dè wexè kò ts'èwhı̨į̀ dats'ı̨ı̨ɂa.

1 Corınth 9:14

Eyı xèht'eè lanì gots'ǫ̀ K'àowo gogha nàowo whehtsı̨ hǫt'e, dǫ godı nezı̨ı̨ t'à dǫ ts'ǫ̀ gogede k'èxa gıt'à edaa gıghǫ̀zhe ha hǫt'e, hadı.

1 Corınth 9:15

Hanìkò sı̨ ayìı seghàhòt'à ha ı̨lèe sìı wedę kò dehwhǫ. Edahxǫ t'asìı seghàahłe ha dehwhǫ t'à dıı hanì naxıts'ǫ̀ ehtł'è nıìle. T'asìı k'èxa-le godı nezı̨ı̨ t'à naxıts'ǫ̀ gohdee sìı weghǫ xàdahohdì ha dìì-le. Eyı sìı dǫ seghǫ yìhchı nı̨dè bò dę ełaıhwho kò segha denahk'e nezı̨ hǫt'e.

1 Corınth 9:18

Eyıt'à wek'èxa ayìı seghǫ̀t'à ha? Dıı zǫ k'èxa aht'ı̨: Godı nezı̨ı̨ t'à dǫ ts'ǫ̀ gohde nı̨dè t'asìı k'èxa-le yatı gıghàehɂà hǫt'e. Godı nezı̨ı̨ t'à gohde k'èxa t'asìı seghǫ̀t'à ha hòɂǫ kò, wedę ahɂı̨.

2 Corınth 11:7

Naxıgha sìghà ha t'à k'èeweèt'ı̨ k'ę̀ę̀ adèhłà, eyıts'ǫ t'asìı k'èxa-le Nǫ̀htsı̨ wegodıì nezı̨ı̨ t'à naxıts'ǫ̀ gohde t'à hołı̨ı̨ hòwhıhtsı̨ nì?

2 Corınth 11:9

Naxıta aeht'è ekò, t'asìı segha whìle kò t'asìı naxeehkè t'à naxıgha hoezhì ahłà whìle. Nǫ̀htsı̨ wets'ǫ dǫ Macedonıa nèk'e gots'ǫ nègı̨ı̨dee sìı ayìı segha whìle sìı seghàgı̨ı̨la hǫt'e. Sets'àahdı t'à naxıgha t'asìı whìle ha dehwhǫ-le, ı̨łaà naxıts'ǫ̀ hanì ehda ha dehwhǫ hǫt'e.

2 Corınth 12:13

Nǫ̀htsı̨ wecheekeè kǫ̀ta eyıì-le ta nàgedèe sìı gık'aɂį̀ aaht'e naxeehwhǫ dahwhǫ nì? Nǫ̀htsı̨ wecheekeè eyıì-le sets'àgedıì agèhłà kò naxı̨ hanaxèhłà whìle; eyı gha seghǫ nahoahłe!

1 Thessalonıca 2:9

Sèot'ı̨ı̨, dànì hòtł'ò eghàlats'ı̨ı̨dà xè gogha hoìla ı̨lèe sìı wenaahdì sǫnı. Nǫ̀htsı̨ wegodıì nezı̨ı̨ t'à naxıts'ǫ̀ gots'ı̨ı̨de ekò, t'asìı t'à gots'àahdı ha-le naxets'ı̨ı̨hwhǫ t'à toò, dzęę̀, ehk'ę̀ę̀ hòtł'ò eghàlats'ı̨ı̨dà ı̨lè.

1 Thessalonıca 4:11

Dànì hoghànaxets'eèhtǫ k'ę̀ę̀ aahda: Ts'èwhı̨į̀ aahda ghǫ hòtł'ò aahwhǫ; t'asìı naxıìdı-le sìı weghǫ nànıahdè-le; eyıts'ǫ naxılà t'à eghàlaahda.