Zezì Wecheekeèdeè 16:9 - Nǫ̀htsı̨ Nı̨htł'è

⁹ Eyı toò k'e Paul wenazhıı xègoèht'į̀. Macedonıa nèk'e gots'ǫ dǫ nàwo xè yeghǫnàdaetì, hadı, “Gonèk'e Macedonıa ts'ǫ̀ anede, gots'ànedı,” yèhdı, wenazhıı hagòjà.

Zezì Wecheekeèdeè 16:9 ပူးပေါင်းရင်းမြစ်များ

Zezì Wecheekeèdeè 10:3

Įłàà taı nìı̨ɂǫ ekò Cornelıus wenazhıı xègoèht'į̀. Yak'eet'ı̨į̀ yeghǫ nììtła yaɂı̨, yets'ǫ̀ hadı, “Cornelıus!” yèhdı.

Zezì Wecheekeèdeè 10:30

K'àowo Cornelıus yets'ǫ̀ hadı, “Įdì dı̨ dzęę̀ ekò dıì lagǫ̀ht'e taı nìı̨ɂǫ sekǫ̀ yahtı ekò hǫtsaa dǫ weɂeè k'e saı̨de nàwoo senazhıı wègoèht'į̀.

Zezì Wecheekeèdeè 16:10

Paul wenazhıı xègoèht'į̀ tł'axǫǫ̀ ekòet'ıì Macedonıa nèk'e ts'ǫ̀ ts'eedè ha sınìts'ı̨ı̨de. Nǫ̀htsı̨ hagòhdı wek'èts'eezǫ t'à, ekǫ godı nezı̨ı̨ dǫ gıghàts'eɂà ha ts'eède.

Zezì Wecheekeèdeè 16:12

Eyı gots'ǫ kǫ̀godeè Phılıppı ts'ǫ̀ ats'ejà. Roman got'ı̨į̀ eyı kǫ̀godeè gogèhtsı̨ ı̨lè. Macedonıa nèk'e hazǫǫ̀ gogha kǫ̀godeè wet'àaɂà hǫt'e. Whaà-lea gots'ǫ̀ eyı nàts'ı̨ı̨dè.

Zezì Wecheekeèdeè 18:5

Sılas eyıts'ǫ Tımothy Macedonıa nèk'e gots'ǫ eyı nègı̨ı̨de ekò Paul dǫ hoghàehtǫǫ zǫ ts'ǫ̀-èlı̨ adììdlà. Israel got'ı̨į̀ ts'ǫ̀ gode, hadı, “Zezì Chrıst hǫt'e,” gòhdı.

Zezì Wecheekeèdeè 19:21

Eyı hazǫǫ̀ hagòjà tł'axǫǫ̀ Paul kǫ̀ta Jerusalem ts'ǫ̀ anade ha nıwǫ. Eyıt'à Macedonıa nèk'e eyıts'ǫ Achaıa nèk'e gok'ıìtła. Paul hadı, “Jerusalem nàwhıhtła tł'axǫǫ̀-ı̨dè Rome sı nàhtła ha,” hadı.

Zezì Wecheekeèdeè 19:22

Tımothy eyıts'ǫ Erastus, eyı nàke geet'eè Paul ts'àgedıı sìı Macedonıa nèk'e ts'ǫ̀ goèhɂà, ededı̨ t'aa Asıa nèk'e whaà-lea ts'ǫ̀ ekǫ aı̨t'è.

Zezì Wecheekeèdeè 19:29

Whaà-le-t'ıì kǫ̀ta hazǫǫ̀ dǫ nìdahogı̨į̀hdè. Dǫ nàke Gaıus eyıts'ǫ Arıstarchus, Paul xè Macedonıa nàgedè ı̨lèe sìı dagogıachì. Ełegeèhdìı-k'è gǫchàa ts'ǫ̀ gogeèwa.

Zezì Wecheekeèdeè 20:1

Nàdahoowo ghǫnahǫ̀t'e tł'axǫǫ̀ Paul Nǫ̀htsı̨ wecheekeè gokàehɂà. Gınì nàtso ha nezı̨į̀ gots'ǫ̀ goı̨de tł'axǫǫ̀ Macedonıa nèk'e ts'ǫ̀ ajà.

Zezì Wecheekeèdeè 20:3

Ekǫ taı sa ts'ǫ̀ nàı̨dè. Elàcho t'à Syrıa nèk'e ts'ǫ̀ ade ha nıwǫ, hanìkò Israel got'ı̨į̀ t'asagele ha gı̨ı̨wǫ t'à ekǫ ts'ǫ̀ ade ha dìì. Macedonıa nèk'e gots'ǫ dèè k'e ek'èt'à naèhtła.

Zezì Wecheekeèdeè 27:2

Kǫ̀ta Adramaton gots'ǫ elàcho yìı ts'ı̨ı̨de. Asıa nèk'e tıchobàa kǫ̀ta yàgòlaa sìı ts'ǫ̀ ts'eeɂè ha nìkw'o t'à elàcho tak'è ts'ǫ̀ agı̨į̀là. Dǫ ı̨łè Arıstarchus wìyeh, Macedonıa nèk'e kǫ̀ta Thessalonıca gots'ǫ dǫ goxè ajà.

Zezì Wecheekeèdeè 9:38

Kǫ̀ta Lyda gots'ǫ kǫ̀ta Joppa ts'ǫ̀ gǫǫwà-le hǫt'e. Eyıt'à Nǫ̀htsı̨ wecheekeè gı̨ı̨lı̨ı̨ sìı Peter kǫ̀ta Lyda ts'ǫ̀-èlı̨ ghǫ egıìkw'o t'à dǫ nàke Peter ts'ǫ̀ geèhɂà, “Įwhąą̀ jǫ nàątła!” gıìhdı.

Rome 15:26

Macedonıa nèk'e eyıts'ǫ Achaıa nèk'e ekǫ gòet'ı̨ agı̨ı̨t'ee sìı Nǫ̀htsı̨ wets'ǫ dǫ etegeèt'ı̨ı̨ Jerusalem nàgedèe sìı gogha sǫǫ̀mba ełègį̀ı̨la.

2 Corınth 11:9

Naxıta aeht'è ekò, t'asìı segha whìle kò t'asìı naxeehkè t'à naxıgha hoezhì ahłà whìle. Nǫ̀htsı̨ wets'ǫ dǫ Macedonıa nèk'e gots'ǫ nègı̨ı̨dee sìı ayìı segha whìle sìı seghàgı̨ı̨la hǫt'e. Sets'àahdı t'à naxıgha t'asìı whìle ha dehwhǫ-le, ı̨łaà naxıts'ǫ̀ hanì ehda ha dehwhǫ hǫt'e.

2 Corınth 12:7

Eyı t'asìı enıìyah deè hazǫǫ̀ weehɂı̨ t'à xàdahohdì ch'à ı̨chį̀ghoò lanıı sekwǫ̀ ghaı̨ɂaà asììdlà hǫt'e. Eyı sìı wehłı̨ı̨ wecheekeè sek'alawoò at'ı̨ hǫt'e.

2 Corınth 7:5

Macedonıa nèk'e nèts'ı̨ı̨de ekò, goxè ts'èwhı̨į̀ gòı̨ɂà-le. T'aats'ǫǫ̀ goxè hoìla k'ehokw'o t'à godzeè dejı̨ ı̨lè.

2 Corınth 8:1

Sèot'ı̨ı̨, Macedonıa nèk'e kǫ̀ta gòlaa sìı dànì Nǫ̀htsı̨ edecheekeè gots'ǫ̀ sǫnıwǫǫ sìı wek'èahsǫ ha naxıts'ı̨ı̨hwhǫ.

2 Corınth 9:2

Dǫ degaı gıts'àahdı ha hòtł'ò aahwhǫ hǫt'e wek'èehsǫ. Macedonıa nèk'e Nǫ̀htsı̨ cheekeè nàgedèe sìı naxıghǫ gıts'ǫ̀ xàdahohdì ı̨lè. Įdìı xok'e naxı̨ Achaıa nèk'e nàahdèe sìı sǫǫ̀mba t'à dǫ degaı ts'àahdı ha dahwhǫ hǫt'e gèehsı̨ ı̨lè. Naxınà hanì eghàlaahda t'à Macedonıa got'ı̨į̀ ededı̨ sı sǫǫ̀mba ełègį̀ı̨la.

1 Thessalonıca 4:10

Macedonıa nèk'e hazǫǫ̀ ts'ǫ̀ gòet'ı̨ hazǫǫ̀ gıghǫnıahtǫ hǫt'e. Hanìkò sèot'ı̨ denahk'e ełeghǫnıahtǫ naxèts'edıì naxıghǫnàdats'eetì.